1.. 2.. 3.. ஜூட்.. நேரடியாக மோதும் திமுக அதிமுக.. ஷாக்கா இருக்கே.. இதெல்லாம் திட்டம் போட்டு நடந்ததா?

Updated: Friday, March 12, 2021, 17:23 [IST]

Subscribe to Oneindia Tamil

சென்னை: இதுக்கு முன்னாடி தமிழக அரசியலில் இவ்வளவு பெரிய போட்டியெல்லாம் நிலவியதே இல்லை... அந்த அளவிற்கு இந்த முறை திமுகவிற்கும் அதிமுகவிற்கும் இடையே மிக கடுமையான போட்டி களத்தில் நடக்க போகிறது. இரண்டு கட்சிகளும் மிக அதிக தொகுதிகளில் இந்த முறை நேருக்கு நேர் சந்திக்க உள்ளது!

மீண்டும் ஆட்சியில் அமர வேண்டிய கட்டாயத்தில் அதிமுகவும்.. வென்றே ஆக வேண்டும் என்ற இக்கட்டான சூழ்நிலையில் திமுகவும் உள்ளது. இரண்டு கட்சிக்கும் இருக்கும் இந்த கட்டாயம் காரணமாகவே தற்போது திமுக, அதிமுக இரண்டும் தங்கள் தரப்பிற்கு மிகப்பெரிய கூட்டணியை அமைத்து தேர்தலை எதிர்கொள்ள இருக்கிறது .

இதன் காரணமாக சட்டசபை தேர்தல் வரலாற்றில் இதுவரை இல்லாத அளவிற்கு மிகப்பெரிய போட்டியை தமிழகம் இந்த முறை சந்திக்க உள்ளது.

எத்தனை

பொதுவாக கூட்டணி கட்சிகளுக்கு அதிக இடங்களை ஒதுக்கும் திமுக இந்த முறை கராறாகவே இருந்தது. நிறைய இடம் எல்லாம் கொடுக்க முடியாது.. எங்களுக்கு தனி மெஜாரிட்டி வேண்டும் என்று கூட்டணி கட்சிகளிடம் திமுக மிகவும் கண்டிப்பு காட்டியது. இதனால் கூட்டணி கட்சிகளுக்கு போக திமுக 173 இடங்களை தனக்காக வைத்துக்கொண்டது. காங்கிரசுக்கு திமுக வெறும் 25 இடம்தான் கொடுத்தது .

கூட்டணி போக உள்ள இடங்கள்

இதில் 187 இடங்களில் திமுகவின் உதய சூரியன் சின்னம் போட்டியிடுகிறது. இந்த பக்கம் திமுக இவ்வளவு கறாராக இருந்தால் இன்னொரு பக்கம் அதிமுகவும் கூட்டணி கட்சிகளிடம் கறார் காட்டியது. பாஜக போன்று தேசிய அளவில் பெரிதாக இருக்கும் கட்சிகளுக்கு அதிமுக அதிக இடங்களை கொடுக்கவில்லை. பாமக 23, பாஜக 20 என்று அதிமுக சுருக்கிக்கொண்டது.

தேமுதிக

அதிமுகவின் கண்டிப்பு காரணமாக தேமுதிக கூட்டணியில் இருந்தே விலகிவிட்டது. அதிமுக மொத்தம் 178 தொகுதியில் போட்டியிடுகிறது. இன்னும் 10 இடங்கள் குறித்த முடிவு வெளியாகவில்லை. தமிழ் மாநில காங்கிரசும் கூட அதிமுகவின் சின்னத்திலேயே போட்டியிடுகிறது.

போட்டி

இந்த நிலையில் இந்த முறை திமுகவிற்கும் அதிமுகவிற்கும் இடையே மிக கடுமையான போட்டி களத்தில் நடக்க போகிறது. இரண்டு கட்சிகளும் மிக அதிக தொகுதிகளில் இந்த முறை நேருக்கு நேர் சந்திக்க உள்ளது. இதுவரை எந்த தேர்தலிலும் இல்லாத அளவிற்கு அதிக இடங்களில் எதிர் எதிராக சந்திக்க உள்ளன.

கொங்கு

கொங்கு மாவட்டங்கள், சென்னையில் இருக்கும் தொகுதிகளில் இரண்டு கட்சிகளும் அதிக தொகுதிகளில் மோதுகிறது. இந்த முறை கொங்கு மாவட்டங்களை திமுக குறி வைத்து உள்ளது. மதுரையிலும் இரண்டு கட்சிகளும் மிக அதிக அளவில் போட்டி போடுகிறது. முக்கிய தொகுதிகளில் எல்லாம் திமுக vs அதிமுக போட்டிதான் நிலவுகிறது.

தென் மாவட்டங்கள்

தென் மாவட்டங்களில் இரண்டு கட்சிக்கும் இடையில் பெரிய போட்டி இல்லை. மொத்தமாக 123 தொகுதிகளில் இரண்டும் மோத உள்ளன. இரண்டு கட்சியும் திட்டமிட்டு இந்த முறை அதிக தொகுதிகளில் மோதுகிறது. இந்த 123 தொகுதிகள்தான் தேர்தல் முடிவுகளை தீர்மானிக்கும். இதனால் அதிமுக, திமுகவில் உண்மையில் எந்த கட்சிக்கு கூட்டணி தாண்டி மக்கள் ஆதரவு இருக்கிறதோ அந்த கட்சிதான் வெல்ல அதிக வாய்ப்புள்ளது.