செடி, கொடிகளை வைத்திருக்கிறீர்களா? அப்படின்னா இந்த APP உங்களுக்குத்தான்!

சென்னை: வீட்டில் செடி கொடிகளை வைத்திருக்கிறீர்களா அப்படியென்றால் உங்களுக்கு இந்த செயலி பயனுள்ளதாக இருக்கும்.

எங்காவது செடி, கொடிகளை பார்த்திருப்போம். அது அழகாக இருக்கும். ஆனால் அது எந்த வகையான செடி என்பது நமக்கு தெரியாது. இதை சம்பந்தப்பட்டவர்களிடம் கேட்டாலும் அது என்னவென தெரியலை. எப்போதோ வாங்கியது என்பார்கள்.

அது போல் ஒரு சில செடிகளின் பயன்கள் கூட தெரியாமல் இருக்கும். அவர்களுக்காக வந்துள்ளது, Plantify App. இதை ஆப்பிள் போனிலும் ஆன்ட்ராய்டு போனிலும் பதிவிறக்கம் செய்து கொண்டு அதில் உள்ள கூகுள் லென்ஸ் , செடியை புகைப்படம் எடுத்தாலே போதும்.

அந்த செடி எந்த பகுதியில் அதிகமாக இருக்கிறது. அதன் அறிவியல் பெயர் என்ன, அந்த தாவரத்தின் விவரங்கள் அடங்கிய விக்கிபீடியாவின் இணைப்பு, அந்த தாவரத்தின் அமைப்பை போன்றே உள்ள தாவரங்கள், அதன் தண்டு, பூ, இலை, காய், கனி அனைத்தின் படங்களையும் பெற்றுக் கொள்ளலாம்.

நீங்கள் எடுக்கும் போட்டோ செடியா, மலரா, பட்டையா, இலையா என்பதை கூட அந்த ஆப்பில் சொல்லிவிடுமாம். மேலும் சிலர் செடிகளுக்கு ஏராளமான தண்ணீரை விடுவார்கள். இதனால் அதன் வேர்கள் அழுகும் நிலை இருக்கும். பொதுவாக செடியின் ஈரத்தன்மையை பார்த்துதான் தண்ணீரை ஊற்ற வேண்டும்.

எனவே இந்த செயலியை பயன்படுத்தி ஒரு செடிக்கு எத்தனை நாட்களுக்கு ஒரு முறை எவ்வளவு அளவில் தண்ணீரை ஊற்றலாம் என்பது குறித்து அறியலாம். உதாரணமாக ஸ்னேக் பிளாண்ட்டை ஸ்கேன் செய்த போது அதன் பெயர், அதன் தாவரவியல் பெயர், அதற்கு வாரந்தோறும் 200 மில்லி தண்ணீர் விட வேண்டும் என்பன போன்ற விவரங்கள் வரும். எனவே இந்த செயலியை வைத்து ஒரு பூ, மரம், செடியின் பயன்களையும் அது எதற்காக பயன்படுகிறது என்பதையும் தெரிந்து கொள்ளலாம்.

அது போல் மரப்பட்டைகளையும் கண்டறிந்து கொள்ளலாம். ஆனால் இது போன்ற செயலி குறித்து இரு வேறு கருத்துகள் வருகின்றன. ஒரு சிலர் இந்த செயலி சரியாக கணிக்கிறது என்கிறார்கள். மற்றும் சிலரோ இந்த செயலியில் செடியை புகைப்படம் எடுத்து அனுப்பி சோதனை செய்தால், அது தவறான ரிசல்ட்டை காட்டுவதாக தெரிவித்தனர்.

English summary

Do you know about Plantify APP which is useful to identify the plants?