தி.மு.க-அ.தி.மு.க , தி.மு.க.-பா.ம.க நேரடியாக மோதும் இடங்கள் எத்தனை தெரியுமா? செம டுவிஸ்ட் இருக்கு!

Updated: Sunday, May 2, 2021, 8:59 [IST]

Subscribe to Oneindia Tamil

சென்னை: தமிழகத்தில் இன்று ஒட்டுமொத்தமாக வாக்கு எண்ணிக்கை நடைபெற்றாலும் திமுக-அதிமுக, பாஜக-திமுக உள்ளிட்ட கட்சிகளின் நேரடி போட்டியை காண மக்கள் ஆர்வதத்துடன் உள்ளனர்.

தமிழக கூட்டணி

தமிழகத்தில் அ.தி.மு.க. கூட்டணி ஒரு அணியாகவும், தி.மு.க. மற்றும் அதன் கூட்டணி கட்சிகள் ஒரு அணியாகவும் மோதின. இது தவிர மக்கள் நீதி மய்யம் கூட்டணி, அ.ம.மு.க கூட்டணி களமிறங்கின. நாம் தமிழர் கட்சி தனியாக களம் கண்டது. தமிழகத்தை பாடாய்படுத்திய கொரோனாவுக்கு மத்தியில் இந்த கட்சிகளின் தலைவர்கள், வேட்பாளர்கள் தீவிர பிரசாரத்தில் ஈடுபட்டனர்.

எத்தனை இடங்களில் போட்டி?

ஒட்டுமொத்தமாக இன்று வாக்கு எண்ணிக்கை நடைபெற்றாலும், சில குறிப்பிட்ட கட்சிகளின் கடும் போட்டியைத் தான் மக்கள் ஆர்வமுடன் எதிர்பார்த்து இருக்கின்றனர். அதாவது அதிமுக-திமுக, திமுக-பாஜக, விசிக-பாமக என கட்சிகளின் போட்டி மிகுந்த பரபரப்பை கொண்டுள்ளது. எந்த கட்சி யாருடன் எத்தனை இடங்களில் மோதுகிறது? என்பதை பற்றி இப்போது காண்போம்.

திமுக-பாஜக மோதும் இடங்கள்

அ.தி.மு.க. - தி.மு.க. 130 தொகுதிகளில் நேரடியாக மோதுகின்றன. அ.தி.மு.க. - காங்கிரஸ் 14 தொகுதிகளில் மோதுகின்றன. தி.மு.க. - பா.ஜ.க 14 இடங்களில் நேரடியாக மல்லுக்கட்டுகின்றன. மிகவும் எதிர்பார்ப்புக்கு உள்ளான தி.மு.க. - பா.ம.க. 18 தொகுதிகளில் கோதாவில் இறங்கியுள்ளன.

த.மா.கா-காங்கிரஸ்

இது தவிர தி.மு.க. - த.மா.கா. - 4; காங். - த.மா.கா. - 2; காங். - பா.ஜ.க 5; காங். - பா.ம.க. 3; அ.தி.மு.க. - இந்திய கம்யூனிஸ்ட் - 5; பா.ஜ.க - இந்திய கம்யூ - 1: அ.தி.மு.க. - மார்க்சிஸ்ட் கம்யூ. - 5; பா.ம.க. - மார்க்சிஸ்ட் கம்யூ. - 1; அ.தி.மு.க. - விடுதலை சிறுத்தை கட்சிகள் - 5; பா.ம.க. - வி.சி.க - 1; அ.தி.மு.க. - கொ.ம.தே.க. - 3; அ.தி.மு.க. - முஸ்லிம் லீக் - 3 ஆகிய தொகுதிகளில் இந்த கட்சிகள் நேரடியாக மோதுகின்றன.