பிறப்பு சான்றிதழ்.. பிழையை திருத்த முடியுமா? ஆன்லைனிலேயே டவுன்லோடு செய்வது எப்படி தெரியுமா? ஈஸிதான்

சென்னை: பிறப்பு சான்றிதழை ஆன்லைனில் எளிதாக பெறுவது போலவே, பிழை இருந்தாலும் எளிதாக திருத்தி கொள்ளலாம்.. இந்த பிறப்பு சான்றிதழை எப்படி டவுன்லோடு செய்ய வேண்டும் தெரியுமா?

ஆதார் கார்டை போலவே, ரேஷன் கார்டை போலவே, பிறப்பு மற்றும் இறப்பு சான்றிதழ்கள் மிகவும் அவசியமான ஒன்றாகும்.. குழந்தைகளை பள்ளியில் சேர்ப்பது முதல், ஆதார் அட்டை, கடவுச்சீட்டு உள்ளிட்ட அரசு வழங்கும் அடையாள அட்டைகளை பெறுவது வரை, இந்த பிறப்புச் சான்றிதழ் மிகவும் முக்கியமாகும்.

இந்த சான்றிதழை மருத்துவமனை நிர்வாகமே பதிவு செய்து கொடுத்து விடுகிறது. குழந்தையின் பெயரை மட்டும் நாம் பிறப்பு பதிவாளரிடம் சென்று தேவையான ஆவணங்களை அளித்து சேர்த்து கொள்ளலாம்.

இந்தியாவில் ஒவ்வொரு குடிமகனும் அவர்களது குடும்ப உறுப்பினர்களின் பிறப்பு மற்றும் இறப்பை குறித்த விவரங்களை பதிவு செய்ய வேண்டியது அவசியமாகும்.. அதுவும், 14 நாள்களுக்குள் ஒவ்வொரு பிறப்பும் பதிவு செய்யப்பட வேண்டும்,

பிறப்பு இறப்பு பதிவு: அதேபோல், ஒவ்வொரு இறப்பும் 7 நாள்களுக்குள் பதிவு செய்யப்பட வேண்டும். பொதுமக்கள் அவரவர் வாழும் நகர பஞ்சாயத்து பிறப்பு மற்றும் இறப்பை பதிவு செய்ய முடியும்.
சிலசமயங்களில் இந்த சான்றிதழ்கள் தவறவிட நேர்ந்துவிடும்.. எனினும் கவலைப்பட தேவையில்லை.. ஆன்லைனியே, பிறப்பு, இறப்பு பதிவு சான்றிதழ்களை நாம் பெற்றுக்கொள்வதற்கு வசதி செய்யப்பட்டுள்ளது.. எந்தவித செலவும் இல்லாமல், நாமே இதை டவுன்லோடு செய்து கொள்ளலாம்.

2 முறைகள்: இப்படி சான்றிதழ்களை பதிவிறக்கம் செய்வதில் 2 வகையான வழிமுறைகள் உள்ளன.. சென்னையில் உள்ளவர்கள் https://chennaicorporation.gov.in/gcc/online-services/birth-certificate/ என்ற வெப்சைட் மூலமாகவும், பிற பகுதிகளில் உள்ளவர்கள் https://www.etownpanchayat.com/publicservices/Birth/Birthsearch.aspx என்ற வெப்சைட் மூலமாகவும் சான்றிதழை டவுன்லோடு செய்துகொள்ளலாம்.
- முதலில், அதிகாரப்பூர்வமான இணையதள பக்கத்திற்கு சென்று, search என்ற ஆப்ஷனை கிளிக் செய்ய வேண்டும்.

- பிறகு, பிறந்த மாவட்டம், பேரூராட்சி, பாலினம், பிறந்த தேதி போன்ற விவரங்களை பதிவு செய்ய வேண்டும். பிறகு, சான்றிதழ் தமிழில் வேண்டுமானால், "சான்றிதழ் வகை" என்பதில் தமிழை கிளிக் செய்ய வேண்டும். ஆங்கிலத்தில் வேண்டுமானால், "ஆங்கிலம்" என்ற ஆப்ஷனை கிளிக் செய்ய வேண்டும்.

- பிறகு, அனைத்து விவரங்களையும் சரியாக பதிவு செய்த பிறகு, "generate" என்பதை கிளிக் செய்தால், பிறப்பு சான்றிதழ் விவரங்கள் திரையில் தோன்றும். இதை கிளிக் செய்து டவுன்லோடு செய்து கொள்ளலாம்.

அதேபோல, பிறப்பு சான்றிதழில் பிழை ஏதாவது இருந்தால், அந்த பிழையை உடனடியாக திருத்திவிடுவது நல்லது.. இதற்கு பிறப்பு பதிவாளரை அல்லது, சுகாதார ஆய்வாளர் அல்லது கிராம நிர்வாக அலுவலர் இவர்களில் யாரையாவது அணுகலாம்.
பிறப்பு சான்றிதழ்: பிறப்பு சான்றிதழில் பிழையை திருத்த வேண்டும் என்று ஒரு மனுவை நீங்கள் தரவேண்டும். பிறகு, குழந்தையின் பெற்றோரின் அடையாள சான்று, மருத்துவமனையில் பிறந்த குழந்தை என்றால் டிஸ்சார்ஜ் சம்மரி போன்றவற்றை இணைத்து தந்தால் போதும். அவைகளை சரிபார்த்து, உங்கள் மனுவையும் ஏற்று, பிழையையும் திருத்தி தருவார்கள்.

அடுத்த மாதம் முதல் பிறப்பு சான்றிதழை அடையாள ஆவணமாக பயன்படுத்தலாம் என்று மத்திய அரசு அறிவித்துள்ளது... வாக்காளர் அடையாள அட்டை, ஓட்டுநர் உரிமம், கல்வி வளாகத்தில் சேருவதற்கு, வாக்காளர் பட்டியல் தயாரித்தல், திருமண பதிவு, அரசு வேளைகளில் சேருவதற்கு என அனைத்திற்கு இனி ஒரே அடையாள ஆவணமாக பிறப்பு சான்றிதழை பயன்படுத்தலாம் என்று மத்திய அரசு அறிவித்துள்ளது.

நடவடிக்கை: இதற்கு முன்பு எல்லா நடவடிக்கைகளுக்கும் ஆதாரை முக்கிய ஆவணமாக பயன்படுத்தி வந்தனர் பொது மக்கள்.. இப்போது, ஒருவரின் பிறந்த தேதி, பிறந்த இடம் மற்றும் பாலினத்தை உறுதிப்படுத்தும் பிறப்பு சான்றிதழையும் இனி ஒரே ஆவணமாக பயன்படுத்திக்கொள்ளலாம் என்று மத்திய உள்துறை அமைச்சகம் 4 நாட்களுக்கு முன்பு அறிவிப்பு வெளியிட்டிருந்தது குறிப்பிடத்தக்கது.

English summary

Do you know How to download Birth certificate online within 2 minutes free of cost