Dhanush: தனுஷுக்கு ரஜினிகாந்த் கொடுத்த சூப்பர் கிஃப்ட்.. நெகிழ வைத்த சம்பவம்!

சென்னை: நடிகர் தனுஷுக்கு ரஜினிகாந்த் அண்மையில் ஒரு பரிசு கொடுத்தாராம். அது குறித்துதான் தற்போது அனைவரும் பேசி வருகிறார்கள்.

கடந்த இரு தினங்களாக ரஜினி ரசிகர்களும் சரி, தனுஷ் ரசிகர்களும் சரி மிகவும் கவலையுடன் இருக்கிறார்கள். இதற்கு காரணம் தனுஷும் ஐஸ்வர்யாவும் வெளியிட்ட அந்த அறிக்கைதான்.

கடந்த 18 ஆண்டுகளாக கணவன், மனைவியாக அன்னியோன்யமாக வாழ்ந்து வந்த நிலையில் யார் கண் பட்டதோ தெரியவில்லை தற்போது பிரிவதாக அறிவித்துள்ளதாக ரசிகர்கள் வேதனை தெரிவிக்கிறார்கள்.

ரசிகர்கள்

ரஜினி ரசிகர்களும் சரி, தனுஷ் ரசிகர்களும் சரி, இவர்கள் பிரிவதற்கு வருந்துகிறார்களே தவிர, ஏன் எதற்கு என்பதை போன்ற காரணங்களை ஆராய விரும்பவில்லை. அது அத்தனை இங்கீதமும் அல்ல என்கிறார்கள். வீட்டுக்கு வீடு வாசற்படி என்பதை போல, யார் வீட்டில்தான் சண்டை இல்லை சொல்லுங்கள் என்கிறார்கள்.

பழைய விஷயம்

எனவே பிரிந்தவர்கள் மீண்டும் இணைய வேண்டும் என பிரார்த்திப்பதாக கூறும் இவர்கள், தனுஷ்- ஐஸ்வர்யா- ரஜினி தொடர்பான நெகிழ்ச்சியான விஷயங்களை வைரலாக்கி வருகிறார்கள். இளமை திரும்புதே பாடலை பாடியபடி ஐஸ்வர்யாவை தனுஷ் வெட்கப்பட வைத்த பழைய சம்பவத்தையும் வைரலாக்கி வருகிறார்கள்.

ஐஸ்வர்யா ரஜினிகாந்த்

அதே போல் கர்ணன் திரைப்படத்திற்கு தனுஷ் தேசிய விருது பெற்ற போது, மகிழ்ந்த ஐஸ்வர்யா, தனது சமூகவலைதள பக்கத்தில் #proudwife என பெருமிதம் பொங்க கூறியதையும் ரசிகர்கள் நெகிழ்ச்சியுடன் பதிவிடுகிறார்கள். தற்போது இன்னொரு விஷயத்தையும் அவர்கள் தெரிவித்து மகிழ்ச்சியும் நெகிழ்ச்சியும் அடைகிறார்கள்.

தனுஷுக்கு ரஜினி பரிசு

ஐஸ்வர்யாவுக்கும், தனுஷுக்கும் கடவுள் பக்தி அதிகம். தனது தந்தை ரஜினியுடன் அண்மையில் இமயமலைக்கு ஐஸ்வர்யா பயணம் செய்ததாகவும் கூறப்படுகிறது. அது போல் தனுஷும் தீவிர சிவ பக்தர், தேனியில் உள்ள தனது குலதெய்வ கோயிலுக்கு அவர் அவ்வப்போது சென்று வழிபடுவது வழக்கம். அந்த வகையில் தீவிர சிவ பக்தரான தனுஷுக்கு ரஜினிகாந்த் கொடுத்த ஒரு பரிசு பொருள் குறித்து ரசிகர்கள் நெகிழ்ச்சியுடன் பதிவிடுகிறார்கள். அது என்ன பொருள் என்றால் ருத்ராட்சம். இதைத்தான் தனுஷுக்கு ரஜினி கொடுத்துள்ளாராம்.

அருணாச்சலம்

ருத்ராட்சத்தை ரஜினிகாந்தும் அணிந்துள்ளார். அவரது கடவுள் பக்தியை சொல்லி தெரிய வேண்டியதில்லை. அவர் நடித்த அருணாச்சலம் திரைப்படமும் ருத்ராட்சத்தை மையமாக கொண்டு எடுக்கப்பட்டதை அனைவரும் அறிவர். தனுஷ்- ஐஸ்வர்யாவுக்கு இடையே கடந்த சில ஆண்டுகளாக அவ்வப்போது சில பிரச்சினைகள் வந்து சென்றதாக சொல்லப்பட்டாலும் ரஜினி தனுஷை அருமையான மருமகன் என மேடையில் பாராட்டியது, ருத்ராட்சத்தை பரிசாக கொடுத்ததை எல்லாம் பார்க்கும் போது தனுஷுக்கும் ரஜினிக்கும் இடையேயான பிணைப்பு நன்றாக இருந்ததாகவே தெரிகிறது.

English summary

Do you know Rajinikanth gift to Dhanush? Here are details.