அடேங்கப்பா! லெஜண்ட் சரவணனுக்கு இத்தனை கோடி சொத்துகளா.. கிறுகிறுக்க வைக்கும் அண்ணாச்சி

சென்னை: தொழிலதிபரும் நடிகருமான லெஜண்ட் சரவணனின் சொத்து மதிப்பு எவ்வளவு தெரியுமா?

லெஜண்ட் சரவணன் என்றாலே பலருக்கு நினைவுக்கு வருவது அவருடைய விளம்பரங்களில் அவரே ஆடிய டான்ஸ். அதன் பிறகு லெஜண்ட் எனும் படத்தில் அவர் நடித்தது. கடை உரிமையாளர்கள் விளம்பரப்படங்களில் நடித்திருந்தாலும் இவர் அளவுக்கு நடித்திருக்க முடியாது.

அதே போல் விளம்பர படங்களில் ஹன்சிகா, தமன்னா போன்ற நடிகைகளுடன் டான்ஸ் ஆடி 90 ஸ் கிட்ஸ் காதுகளில் புகைச்சலை வரவழைத்தவர். இவருக்கு 53 வயது இருக்கும் என்கிறார்கள். ஆனால் பார்த்தால் அப்படி தெரியவே தெரியாது.

அந்த அளவுக்கு இளமையாக இருப்பார். 20 வயது இளைஞரை போல் சுறுசுறுப்பாக இருக்கும் லெஜண்ட் அண்ணாச்சி கடந்த ஆண்டு தி லெஜெண்ட் என்ற படத்தில் ஹீரோவாக அறிமுகமானார். அவரே தயாரித்து நடித்த படம். இந்த படத்தை அஜித் விக்ரம் பட இயக்குநர் ஜெடி- ஜெர்ரி ஆகியோ இயக்கி இருந்தனர்.

மிகப் பெரிய எதிர்பார்ப்புக்கு மத்தியில் வெளியான இந்த படம் போட்ட முதலீட்டை எடுத்துவிட்டதாக லெஜண்ட் சரவணனே தெரிவித்திருந்தார். அதே போல் ஓடிடி தளத்திலும் இந்த படம் நம்பர் 1 இடத்தை பிடித்தது. இவரது அடுத்த படம் குறித்து பேச்சுவார்த்தைகள் நடத்தப்பட்ட நிலையில் விரைவில் அதற்கான அறிவிப்பு வெளியாகும் என தெரிகிறது.

இவர் நடிப்பது மட்டுமல்லாமல் சமூகசேவைகளையும் செய்து வருகிறார். தனது வீட்டில் 3 வேளையும் ஏழை எளியவர்களுக்காக உணவு பரிமாறுகிறார். அத்துடன் படிக்க இயலாதவர்களுக்கு கல்வி கற்க ஏற்பாடு செய்கிறார். இவர் தனது மகளுக்கு அண்மையில் தங்கம், வைரம் பதித்த உடையுடன் ஏகப்பட்ட சீர் வைத்து திருமணம் நடத்தி வைத்தார். அந்த பெண் அணிந்திருந்த உடையே பல லட்சங்கள் இருக்கும் என சொல்லப்பட்டது.

இந்த நிலையில் அவருடைய சொத்து மதிப்பு குறித்த விவரங்கள் வெளியாகி வாயடைக்க வைத்துள்ளது. சென்னையில் சரவணன் அண்ணாச்சி அடுக்குமாடி கட்டடம் கொண்ட துணிக்கடை உள்ளது. நகைக் கடையும் உள்ளது. மேலும் அவருக்கு பல வீடுகள் உள்ளன. சொந்த ஊரான நெல்லையில் பிரம்மாண்ட வீட்டை கட்டியுள்ளார். இவருக்கு இரு பெண் குழந்தைகள் உள்ளனர். இருவருக்குமே திருமணமாகிவிட்டது.

இவரது வீட்டில் 20 க்கும் மேற்பட்ட பணியாளர்கள் இருக்கிறார்கள். அண்ணாச்சியிடம் 10 க்கும் மேற்பட்ட சொகுசு கார்கள் உள்ளன. இவற்றை நிறுத்த தனது வீட்டில் சூப்பரான விசாலமான பார்க்கிங் வசதியையும் செய்துள்ளார். தன்னுடைய கடை மூலம் சரவணனுக்கு தினமும் 1 கோடி முதல் ஒன்றரை கோடி ரூபாய் வரை வருமானம் வருவதாக சொல்லப்படுகிறது. அண்ணாச்சிக்கு மொத்த சொத்து மதிப்பும் ரூ 6000 கோடி என கூறுகிறார்கள். இது எந்த அளவுக்கு உண்மை என தெரியவில்லை.

English summary

Do you know The Legend Saravanan annachi's asset worth? Sources says that Rs 6000 crore worth.