சின்ன வெங்காயத்தை விடுங்க.. சென்னை கோயம்பேட்டில் உருளைக்கிழங்கு 1 கிலோ எவ்வளவு தெரியுமா? இதுவுமா?

Updated: Friday, August 2, 2024, 15:33 [IST]

Subscribe to Oneindia Tamil

சென்னை: தக்காளி விலை உயர்ந்து காணப்பட்ட நிலையில், தற்போது மெல்ல குறைந்து வருகிறது.. ஆனால், உருளைக்கிழங்கு விலை வேகமாக எகிறி வருகிறதாம். இதற்கு என்ன காரணம்?

தக்காளி விலையில் கடந்த சில தினங்களாகவே ஏற்ற இறக்கமாகவே இருந்தது.. இதில் கடந்த 4 நாட்களாகவே விலை குறைந்து வருகிறது.. கடந்த இரு மாதங்களாக தக்காளி வரத்து குறைவாக இருந்ததால், விலையும் உயர்ந்திருந்தது..

தக்காளி: தற்போது வரத்து அதிகரித்திருப்பதால், விலை குறைந்துள்ளது. இனி வரும் நாட்களில் தக்காளி விலை மேலும் குறைய வாய்ப்புள்ளதாக வியாபாரிகளும் நம்பிக்கை தெரிவித்திருந்தனர்.

இதில், சின்ன வெங்காயத்தை பொறுத்தவரை, 4 நாட்களுக்கு முன்பு 32 ரூபாய்க்கு விற்கப்பட்டது.. பிறகு 35 ரூபாய்க்கு விலை எகிறி காணப்பட்டது. அதேபோல, உருளைக்கிழங்கு கிலோ ரூபாய் 30-க்கு விற்பனை செய்யப்பட்ட நிலையில், திடீரென இதன் விலை அதிகரிக்கக்கூடும் என்ற தகவல் வெளியாகியிருக்கிறது..

உருளைகிழங்கு: நாடு முழுவதும், தக்காளி, வெங்காயத்தை போலவே, இல்லத்தரசிகளால் தவிர்க்க முடியாதது உருளைக்கிழங்காகும்.. வருடந்தோறும் இந்தியாவில் 4.40 கோடி டன் உருளை கிழங்கு உற்பத்தியாகிறது. அந்தவகையில், சீனாவிற்கு அடுத்து, இரண்டாவது இடத்தில் இந்தியா உள்ளது...

உத்தரப்பிரதேசம், மேற்கு வங்க மாநிலங்களில் உருளைக்கிழங்கு சாகுபடி அதிகமாக நடக்கிறது. மத்தியப்பிரதேசம், குஜராத், இமாச்சல பிரதேசம், பஞ்சாப், கர்நாடகா, அசாம் போன்ற மாநிலங்களில் உருளை விளைகிறது.. நம்முடைய தமிழ்நாட்டிலும் உருளைக்கிழங்கு விளைச்சலில் மிகப்பெரிய பங்கு உள்ளதை மறுக்க முடியாது.

நோ ஸ்டாக்: இந்நிலையில், உத்தரப்பிரதேசம் மற்றும் மேற்கு வங்க மாநிலங்களில் உருளைக்கிழங்கு சாகுபடி குறைந்துவிட்டதாம்.. கடுமையான மழை காரணமாக, கர்நாடகா போன்ற மாநிலங்களிலும் உற்பத்தி பாதிக்கப்பட்டுள்ளது... அதனால், கையிருப்பில் உள்ள உருளை மட்டுமே சந்தைக்கு வருகின்றன. அதிலும் 2ம், 3ம் தர உருளைக்கிழங்குகள் மட்டுமே சந்தைக்கு வருகிறதாம். முதல் தரமான உருளைக்கிழங்குகள் ஏற்றுமதி செய்யப்பட்டுவிடுகின்றன.

இதனால் நமக்கு இங்கே தேவை அதிகமாக உள்ளது.. ஆனால், கையிருப்பில் உருளை இல்லை என்பதால், விலை உயர்ந்து வருவாக சொல்கிறார்கள்.. சென்னை கோயம்பேட்டை எடுத்து கொண்டால், கடந்த ஜுன் மாதம் கிலோ 20 ரூபாய்க்கு விற்கப்பட்ட உருளைக்கிழங்கு, இப்போது 50 ரூபாய்க்கு விற்கப்படுகிறது... சில்லரை விலையில் கிலோ 60 ரூபாய்க்கு விற்பனையாகிறது.

எப்போது குறையும்: புதிதாக உருளைக்கிழங்கு நடவு பணி ஆரம்பமாகியிருக்கிறதாம்.. எப்போதுமே உருளை விளைந்து, அறுவடைக்கு வருவதற்கு 75 முதல், 120 நாட்களாகும்.. அதனால், உருளை விலை குறைய இன்னும் சில மாதங்களாகலாம் என்கிறார்கள் வியாபாரிகள்.