அதிசயம்தான்! சர்ரென குறைந்த தங்கம் விலை! பெண்கள் முகத்தில் 1000 வாட்ஸ் பல்ப்! சென்னையில் விலை என்ன?

சென்னை: சென்னையில் ஆபரணத் தங்கத்தின் விலை பெரும் சரிவை சந்தித்துள்ளது. இன்றைய தினம் ஒரு கிராம் தங்கத்தின் விலை ரூ 6400 க்கு விற்பனை செய்யப்படுகிறது. இன்று சென்னையில் ஒரு சவரன் என்ன விலைக்கு விற்கிறது என்பதை தெரிந்து கொள்ளுங்கள்.

கடந்த மாதம் 23 ஆம் தேதி மத்திய பட்ஜெட்டில் தங்கம், வைரம் உள்ளிட்டவைகளின் மீதான சுங்க வரி குறைக்கப்பட்டது. இதனால் தங்கத்தின் விலை அதிரடியாக குறைந்தது. தொடர்ந்து 4 தினங்களாக விலையில் சரிவு ஏற்பட்டிருந்த நிலையில் 5 ஆவது நாள் 140 ரூபாய் அதிகரித்தது.

இதையடுத்து கடந்த திங்கள்கிழமை அதே 140 ரூபாய் குறைந்தது. இந்த நிலையில் கடந்த வெள்ளிக்கிழமை சவரனுக்கு ரூ 240 உயர்ந்து ரூ 51,680க்கு விற்பனையானது. தங்கத்தின் விலை கிராமுக்கு ரூ 30 உயர்ந்து ஒரு கிராம் ரூ 6460-க்கு விற்பனையானது.

அது போல் வெள்ளியின் விலை கிராமுக்கு 70 காசுகள் குறைந்து ஒரு கிராம் வெள்ளியின் விலை ரூ 91 க்கு விற்பனையானது. இந்த நிலையில் கடந்த ஆகஸ்ட் 3ஆம் தேதி தங்கத்தின் விலை ரூ 80 குறைந்து ஒரு சவரன் ரூ 51,600க்கு விற்பனையானது. அது போல் கிராமுக்கு ரூ 10 குறைந்து கிராம் ஒன்று ரூ. 6450 - க்கு விற்பனை செய்யப்பட்டது. வெள்ளியின் விலை ரூ 1 குறைந்து இன்று ஒரு கிராம் வெள்ளி ரூ 90க்கும் ஒரு கிலோ ரூ 90 ஆயிரத்திற்கும் விற்பனையானது.

நேற்றைய தினம் ஆகஸ்ட் 4 ஆம் தேதி மார்கெட் விடுமுறை என்பதால் தங்கத்தின் விலையில் எந்த மாற்றமும் இல்லாமல் இருந்தது. நேற்றைய தினம் ஆகஸ்ட் 5ஆம் தேதி தங்கத்தின் விலை கிராமுக்கு ரூ 20 உயர்ந்து கிராம் ரூ 6470க்கு விற்பனையானது. அது போல் ஒரு சவரன் தங்கம் நேற்றைய தினம் 51,760 ரூபாய்க்கு விற்பனையானது.

இந்த நிலையில் இன்று அதிரடியாக சவரனுக்கு ரூ 560 குறைந்து ஒரு சவரன் தங்கம் 51, 200 க்கு விற்பனையாகிறது. அது போல் ஒரு கிராம் ரூ 6400 க்கு விற்பனையாகிறது. வெள்ளியின் விலை ரூ 4 குறைந்து ஒரு கிராம் ரூ 87 க்கும் ஒரு கிலோ வெள்ளியின் விலை ரூ 87 ஆயிரத்திற்கும் விற்பனையாகிறது.

English summary

What is the price of 1 gm of Gold and 1 gm of Silver in Chennai?