டிரைவிங் லைசென்ஸ் உங்க கிட்ட இருக்கா? வாகனம் ஓட்ட வயது வரம்பு என்ன? இதுக்குதான் ஓட்டுநர் உரிமம் தேவை

சென்னை: டிரைவிங் லைசென்ஸ் ஒருவருக்கு ஏன் அவசியமாகிறது தெரியுமா? கனரக மற்றும் இலகுரக வாகனங்கள் என்றால் என்ன? இதற்கான அடிப்படை தகுதிகள் என்னென்ன தெரியுமா?

வாகனங்கள் வைத்திருக்கும் அனைவருமே, கட்டாயம் வைத்திருக்க வேண்டியது டிரைவிங் லைசென்ஸ் உரிமமாகும்.. ஆன்லைனிலேயே வீட்டிலிருந்தபடியே, ஓட்டுநர் உரிமைத் பெற்றுக்கொள்ளும் வசதியை தமிழக அரசு ஏற்படுத்தி தந்திருக்கிறது.. அதேபோல, லைசென்ஸை புதுப்பித்துக் கொள்ளும் வசதியும் ஏற்படுத்தி தரப்பட்டுள்ளது.

ஆவணங்கள்: இந்த டிரைவிங் லைசென்ஸ் பெற வேண்டுமானால், சில ஆவணங்கள் குறிப்பாக, பிறந்த தேதி சான்று, 10ம் வகுப்பு சான்றிதழ், வாக்காளர் அடையாள அட்டை, மாற்றுச் சான்றிதழ், முகவரி சான்று, பாஸ்போர்ட், குடும்ப அட்டை, ஆதார் அட்டை, புகைப்படம் போன்றவை இதற்கு தேவைப்படும் முக்கிய ஆவணங்களாகும்.

ஓட்டுநர் உரிமத் தேர்விற்கு https://sarathi.parivahan.gov.in/ என்ற இணையதளம் மூலம் விண்ணப்பிக்கலாம். ஒருவர், டிரைவிங் லைசென்ஸில் தங்களுடைய பெயரை மாற்ற விரும்பினால், ஆதார் அட்டை, பாஸ்போர்ட்டின் நகல், ஒரு தேசிய செய்தித்தாள் அல்லது செய்தித்தாளில் விளம்பரத்தின் நகல், முதல் வகுப்பு நீதித்துறை மாஜிஸ்திரேட் அல்லது நோட்டரி பப்ளிக் மூலம் சான்றளிக்கப்பட்ட வாக்குமூலம் போன்றவை கண்டிப்பாக தேவைப்படும்.

திருத்தங்கள்: அதேபோல, டிரைவிங் லைசென்ஸில் திருத்தங்கள் ஏதாவது இருந்தாலும், ஆதார் அட்டை, 10 அல்லது 12 வகுப்பு சான்றிதழ், பாஸ்போர்ட்டின் நகல், பிறப்புச் சான்றிதழ் போன்றவை தேவையாக இருக்கின்றன..

டிரைவிங் லைசென்ஸை, வாகன உரிமையாளர்கள் கட்டாயம் வைத்திருக்க வேண்டும்.. காரணம், ஒருவர் முறையாக பயிற்சி எடுத்து, அவர் நன்றாக வாகனம் ஓட்டுவார் என்பதற்கான அத்தாட்சியே இதுஒன்றுதான்..

ஏன் அவசியம்: அதுமட்டுமல்ல, அவருக்கு போக்குவரத்து, சாலை விதிமுறைகள் தெரியும் என்பதற்கான அத்தாட்சியும் இதுதான்.. ஒருவேளை, ஓட்டுநர், வாகனம் ஓட்டும் விஷயத்தில் சட்டவிரோத நடவடிக்கைகளில் ஈடுபட்டிருந்தாலும் அதுவும் அந்த ஓட்டுநர் உரிமத்தில் குறிப்பிடப்படும்.. அதனால்தான், வாகன ஓட்டுநர் உரிமம் என்பது அவசியமாக உள்ளது.

அதேபோல, வாகன ஓட்டுநர் உரிமம் பெற வேண்டுமானால், 16 வயது பூர்த்தி அடைந்திருக்கவேண்டும்... ஆனால், இலகு ரக வாகனங்கள் அதாவது, பைக், ஆட்டோ, கார் போன்றவை இலகு ரக வாகனங்களை பயன்படுத்த பேட்ச் (அடையாள அட்டை) பெறவேண்டும்.. இதற்கு குறைந்தபட்சம் 20 வயது பூர்த்தியடைந்திருக்க வேண்டும்.

கனரக வாகனங்கள்: கனரக வாகனம் அதாவது, ஹெவி வெஹிக்கிள்ஸ் எனப்படும் பஸ், லாரி போன்றவைவைகளை ஓட்ட வேண்டுமானால், லைசென்ஸ் பெற்று ஒரு வருடம் பூர்த்தியடைந்த பிறகே இதற்கு ஓட்ட முடியும். அதேபோல, இதற்கு 20 வயது பூர்த்தி அடைந்திருக்க வேண்டும்.. ஆனால், வாகன ஓட்டுநர் உரிமம் பெற வேண்டுமானால், கல்வித் தகுதி எதுவுமே தேவையில்லை.

English summary

Do you know What are heavy and light vehicles and What is the age limit for driving vehicles