தமிழக அமைச்சரவையில் துணை முதல்வர் உதயநிதிக்கு எந்த இடம் தெரியுமா? அப்போ செந்தில் பாலாஜிக்கு?

சென்னை: தமிழக அமைச்சரவையில் துணை முதல்வர் உதயநிதிக்கு எந்த இடம் அளிக்கப்பட்டுள்ளது என்பதை பார்ப்போம். அத்துடன் புதிதாக நேற்று முன் தினம் பதவியேற்ற 4 அமைச்சர்களுக்கும் எந்தெந்த இடம் ஒதுக்கப்பட்டுள்ளது என்பதையும் தெரிந்து கொள்ளலாம்.

தமிழகத்தின் மூன்றாவது துணை முதல்வராக உதயநிதி ஸ்டாலின் நேற்று முன்தினம் பொறுப்பேற்றுக் கொண்டார். அவருடன் 4 புதிய அமைச்சர்களும் பதவியேற்றுக் கொண்டனர். இவர்கள் அனைவரும் நேற்று முன் தினமே தலைமைச் செயலகம் சென்று பொறுப்பேற்றுக் கொண்டனர்.

இந்தநிலையில் தமிழக அமைச்சரவையில் அமைச்சர்களுக்கு ஒதுக்கப்பட்ட இடம் குறித்த விவரங்கள் வெளியாகியுள்ளன. இந்த நிலையில் அமைச்சரவை பட்டியலை அரசு இணையதளத்தில் வெளியிட்டுள்ளது. அதன்படி தமிழகத்தின் துணை முதல்வர் உதயநிதி ஸ்டாலினுக்கு அமைச்சரவையில் 3ஆவது இடம் ஒதுக்கப்பட்டுள்ளது.

முதலிடத்தில் முதல்வர் ஸ்டாலின் உட்காருவார். அவருக்கு அடுத்து துரைமுருகன், அவருக்கு அடுத்து உதயநிதி, பிறகு நேரு, பெரியசாமி, பொன்முடி ஆகியோர் இடம் பெறுள்ளனர். அது போல் புதிதாக அமைச்சரவையில் இடம் பெற்றுள்ள சுற்றுலாத் துறை அமைச்சர் ராஜேந்திரனுக்கு 19ஆவது இடம் ஒதுக்கப்பட்டுள்ளது.

அது போல் செந்தில் பாலாஜிக்கு 21 ஆவது இடமும் உயர்கல்வித் துறை அமைச்சர் கோவி செழியனுக்கு 27ஆவது இடமும், சா.மு. நாசருக்கு 29ஆவது இடமும் வழங்கப்பட்டுள்ளது. கடந்த 2009 ஆம் ஆண்டு திமுக ஆட்சியில் மு.க.ஸ்டாலின் துணை முதல்வரான போது முதலிடத்தில் மறைந்த கருணாநிதியும், 2ஆவது இடத்தில் க.அன்பழகனும் மூன்றாவது இடத்தில் மு.க.ஸ்டாலினும் அமர்ந்திருந்தனர் என்பது குறிப்பிடத்தக்கது.

English summary

Do you know about the seating arrangement of Udhayanidhi Stalin and other new ministers?