2000 என்பதற்கு 2K என ஏன் பயன்படுத்துகிறோம் தெரியுமா? 99.99% பேருக்கு நிச்சயம் தெரியாது!

சென்னை: ஆயிரம் என்ற எண்ணிற்கு எதற்காக K என்ற எழுத்தை பயன்படுத்துகிறோம் என தெரியுமா? இது நிச்சயம் 99 சதவீதம் பேருக்கு தெரியவே தெரியாது. இது ஏன் என்பதை தெரிந்து கொள்ளலாம்.

1999 ஆம் ஆண்டு வரை நாம் எழுதும் தேதியின் வடிவமானது dd/mm/yy என்பதாகும். அதாவது 2000ஆவது ஆண்டுக்கு முன்பு வரை நாம் ஒரு வருடத்தின் கடைசி இரு எண்களை மட்டுமே குறிப்பிட்டு பழகினோம். உதாரணமாக 1.1.1980 என்ற தேதியை சுருக்கமாக 1/1/80 என்போம். இது போல் 1998 என்றால் 98 என கணினிகளிலும் எழுதும் போதும் பயன்படுத்தி வந்தோம்.

இதற்கு காரணம் தனி கணினிகளிலும் மெயின்பிரேம் கணினிகளிலும் சேமிப்பு திறன் என்பது விலை அதிகமாகும். கணினியின் சேமிப்பை குறைத்துக் கொள்ள MMDDYY என பயன்படுத்தினோம்.

இந்த நிலையில் 2000ஆவது ஆண்டின் போது கடைசி இரு இலக்கங்களான 00 என குறிப்பிட்டால் அது **99 அல்லது **00 என எடுத்துக் கொண்டது. இது கணினி சார்ந்த செயலாக்கங்களை கடுமையாக பாதித்தது. சில புரோகிராமர்கள் இதை கிரிகோரியன் காலண்டராக தவறாக புரிந்து கொண்டன. இந்த காலண்டரின் விதிகளின் படி ஒரு ஆண்டை 100 ஆல் வகுத்து மீதி வராவிட்டால் அவை லீப் இயர் இல்லை என இருந்தது.

இதனால் 2000ஆவது ஆண்டு லீப் இயராக இருக்காது என்றும் எடுத்துக் கொண்டன. ஆனால் உண்மையில் கிரிகோரியன் காலண்டரில் சொல்லப்பட்டது என்னவெனில் ஒரு ஆண்டை 400 ஆல் வகுத்து மீதி வராவிட்டால் அவை லீப் இயர் ஆகும். அதன்படி 2000 லீப் இயராக அறிவிக்கப்பட்டது. இந்த பிரச்சினையை சரி செய்ய நேரமும் பணமும் அதிகமாக விரயமானது. தனி கணினிகளிலும் மெயின்பிரேம் கணினிகளில் இந்த ஒய் 2 கே பிரச்சினை அதிகரித்தது.

இந்த பிரச்சினை வெளியில் வந்தது 1999- ஆவது ஆண்டின் முடிவில்தான் என்றாலும் 1990ஆவது ஆண்டிலிருந்தே வெளிநாட்டு சாப்ட்வேர் நிபுணர்கள் விவாதம் நடத்தி ஆய்வு செய்து வந்தனர். 2000-ஆவது ஆண்டு கணினி பிரச்சினையால் பங்கு சந்தை, ஐடி துறைகளில் பெரும் வீழ்ச்சியை உலக நாடுகள் சந்தித்தன. இதை எதிர்கொள்ள புதிய தொழில்நுட்பத்தை சாப்ட்வேர் வல்லுநர்கள் உருவாக்கி பிரச்சினையை சரி செய்தனர்.

அது முதல் 2000 என்ற ஆண்டை முழுமையாக பயன்படுத்தாமல் அதில் உள்ள ஆயிரத்திற்கு K என்ற எழுத்தை பயன்படுத்தினார்கள். மில்லியன் என்பதற்கு M, கோடி என்பதற்கு C, பில்லியன் என்பதற்கு B என்ற எழுத்தையும் பயன்படுத்தப்படுகிறது.

மில்லியன் என்ற எண்ணிற்கு 'M' என்ற எழுத்தும், பில்லியன்-க்கு 'B' என்ற குறியீடும் பயன்படுத்தப்படுகிறது. அது போல்தான் ஆயிரம் என்பதற்கு K என பயன்படுத்துகிறோம். அதென்ன Thousand க்கு T எனப் பயன்படுத்தாமல் ஏன் கே என பயன்படுத்துகிறோம் என்றால் கிரேக்க மொழியில் Chilloi என்றால் ஆயிரம் என்று பொருள். இந்த வார்த்தைதான் கிலோ கிராம், கிலோ மீட்டர் ஆகியவற்றுக்கு பயன்படுத்தப்படுகின்றன. அதை வைத்தே ஆயிரம் என எழுதுவதற்கு கே என்பதை பயன்படுத்த முடிவு செய்யப்பட்டது.

English summary

Do you know Why K is used for 2K problem (2 கே பிரச்சினை)? Here are the reasons.