ரயிலில் ரிசர்வேஷன் பெட்டியில் இதை கவனிச்சீங்களா? அதென்ன ரயில் பெட்டியில பச்சை, மஞ்சள், வெள்ளை கோடு?
சென்னை: ரயில் பெட்டியில் இருக்கும் பச்சை மற்றும் மஞ்சள் கோடுகளை என்றாவது நீங்கள் பற்றி கவனித்ததுண்டா? ரயில் பெட்டிகளில் வித்தியாசனமான நிறக்கோடுகள் தென்படுவதற்கு என்ன காரணம் தெரியுமா? இந்தியன் ரயில்வே சொல்வதென்ன?
இந்நிலையில் இந்தியாவின் முதல் தனியார் ரயில் போக்குவரத்துக்குச் சேவையை ஐஆர்சிடிசி அறிமுகம் செய்துள்ளது... அதாவது விமானத்தில் இருப்பதை போலவே, அனைத்து சேவைகளும் இந்த தனியார் ரயிலிலும் அறிமுகம் செய்யப்பட்டுள்ளது..
அதேபோல, பொதுப்பெட்டிகளில் பிரயாணம் செய்யும் பயணிகளுக்கு போதுமான அளவு குடிநீர், உணவு, ஸ்நாக்ஸ் போன்ற வசதிகள் தேவைக்கு ஏற்ப கிடைக்கும் வகையில் பல்வேறு திட்டங்களை செயல்படுத்துவதற்கு இந்திய ரயில்வே முடிவு செய்திருக்கிறது.. இதற்கு காரணம், ரயில் பயணத்தை மக்கள் ஒரு சுகமான அனுபவமாக உணர வேண்டும் என்பதேயாகும்.
இந்தியன் ரயில்வே: இப்படி பயணிகளின் நன்மைக்காகவும், வசதிக்காகவும் தொடர்ந்து ரயில்வே நிர்வாகம் பல்வேறு அதிரடிகளை மேற்கொண்டு வரும் நிலையில், மேலும் சில சலுகைகளை விரைவில் அறிமுகப்படுத்த போவதாகவும் இந்தியன் ரயில்வே தெரிவித்து வருகிறது. இதெல்லாம் ஒருபக்கம் இருந்தாலும், பொதுமக்கள் அறிந்திடாத சில சுவாரசிய தகவல்களும் ரயில்வேயில் உள்ளன.
அதில் ஒன்றுதான் மஞ்சள் நிற கோடுகள்.. ரயில் பெட்டிகளில் கடைசியில் ஜன்னலுக்கு மேலுள்ள மஞ்சள் நிற கோடுகளை கவனித்துள்ளீர்களா? இந்த மஞ்சள் நிற கோடுகளுக்கு என்ன அர்த்தம் தெரியுமா?
ரிசர்வேஷன் பெட்டி: இந்தியாவில் விரைவுவண்டி சூப்பர் பாஸ்ட் ரயில்கள் எல்லாம் நீல நிறத்தில் ரயில் பெட்டிகளை கொண்டிருக்கும். பெரும்பாலான பெட்டிகள், ரிசர்வேஷன் பெட்டிகளாகவே இருக்கும். ஒரு சில பெட்டிகள் மட்டுமே முன்பதிவில்லா பெட்டிகளாக இருக்கும்.. எப்போதுமே முன்பதிவு உள்ள பெட்டிகளில் இந்த கோடுகள் இருக்காது.
நீலநிற பெட்டியில் உள்ள 4 முனைகளிலுமுள்ள கடைசி ஜன்னலுக்கு மேல் மஞ்சள் நிற சாய்வு கோடுகள் இருக்கும். இந்த கோடுகள் இருந்தால் அந்த பெட்டிகள் முன் பதிவு இல்லாத பெட்டிகள் என அர்த்தம்.. எனவே ரயில்வே நிலையத்தில் பயணிகள் முன்பதிவில்லாத பெட்டியை எளிதாக கண்டுபிடிப்பதற்காகவே இப்படி நிறத்தை அடையாளப்படுத்தியிருக்கிறார்கள்.
நீலநிற பெட்டிகள்: இந்த நீலநிற ரயில் பெட்டிகளின் ஜன்னல் மீது வெள்ளைக் கோடு இருந்தால் முன்பதிவு இல்லாத (unreserved coach) பெட்டிகள் என்று அர்த்தம். அதே போல மஞ்சள் கோடுகள் இருந்தால், அது உடல்நலக்குறைவு மற்றும் மாற்றுத்திறனாளிகளுக்கான சிறப்பு பெட்டி என்று அர்த்தம். பச்சை நிற கோடுகள் இருந்தால், அது பெண்களுக்கான சிறப்பு பெட்டி என்று அர்த்தம்.
Click it and Unblock the Notifications
Sign in with Google