சைக்கிளில் வந்து ஓட்டுப் போட்ட விஜய்... பாஜக அதிர்ச்சி?.. வேற லெவலில் விளக்கம் தந்த குஷ்பு!

Updated: Tuesday, April 6, 2021, 12:29 [IST]

Subscribe to Oneindia Tamil

சென்னை: நடிகர் விஜய் சைக்கிளில் வந்து ஓட்டு போட்டதை அரசியலாக்க வேண்டாம் என்று பாஜக வேட்பாளரும், நடிகையுமான குஷ்பு தெரிவித்துள்ளார்.

பெட்ரோல், டீசல் விலை

பெட்ரோல் மற்றும் டீசல் விலை உயர்வு காரணமாக அதற்கு எதிர்ப்பு தெரிவிக்கும் வகையில் விஜய் சைக்கிளில் வந்ததாக சமூக வலைத்தளங்களில் பலரும் கருத்து கூறி வருகின்றனர்.

ஸ்டேட்மென்ட்

இது பயணம் அல்ல.. ஒரு ஸ்டேட்மென்ட். சரியான நேரத்தில் இதை சொல்லியுள்ளார், என்று ரசிகர்கள் டுவிட்டரில் கூறுவதை பார்க்க முடிகிறது.

டுவிட்டரில் டிரெண்ட்

பெட்ரோல் டீசல் விலை உயர்வு என்ற பெயரில் #PetrolDieselPriceHike ஹேஷ்டேக், டுவிட்டரில் இந்திய அளவில் முதலிடத்தில் டிரெண்ட்டாகிவருகிறது. ஆனால் இதை அரசியலாக்க வேண்டாம் என்று குஷ்பு தெரிவித்துள்ளார்.

வீட்டுக்கு பக்கம்

நடிகர் விஜய் சைக்கிளில் வந்ததை அரசியலாக்க வேண்டாம். அவர் சைக்கிளில் வந்து ஓட்டு போட்டதற்கு வேறு காரணம் இருக்கிறது. விஜய் வீட்டுக்கு அருகே வாக்குப் பதிவு மையம் இருக்கிறது. எனவே அவர் காரை பயன்படுத்தாமல் சைக்கிளில் வந்து ஓட்டு போட்டார். அவ்வளவுதான் விஷயம் என்று குஷ்பு தெரிவித்துள்ளார்.

என்ன காரணம்

விஜய் சைக்கிளில் வந்ததற்கு இதுதான் காரணமா அல்லது பெட்ரோல் மற்றும் டீசல் விலை உயர்வுக்கு மறைமுகமாக எதிர்ப்பு தெரிவிப்பதற்காக விஜய் சைக்கிளில் வந்தாரா, ஒருவேளை அப்படி எதிர்ப்பு தெரிவிப்பதற்கு வந்திருந்தால் கடந்த முறை தேர்தலில் சைக்கிளில் வந்து ஓட்டு போட்டது ஏன் என்ற கேள்விகள் ரசிகர்கள் மனதில் இப்போது ஓடிக் கொண்டிருக்கின்றன.

விஜய் சைக்கிளில் வந்த விவகாரம் தற்போது தேசிய அளவில் பேசு பொருளாகி விட்டது. அனைவரும் இதைப் பற்றியே பேசுகின்றனர். மிகப் பெரிய தாக்கத்தை இது ஏற்படுத்தியுள்ளது. இது பாஜகவுக்கும் அதிர்ச்சியைக் கொடுத்துள்ளது. இந்த நிலையில் பாஜக வேட்பாளரான குஷ்பு இந்த டிரெண்டுக்கு நேர் முரணாக ஒரு விளக்கம் அளித்துள்ளார்.