"எட்டு" கிடைத்த சந்தோஷம்.. "லட்டு" போல ட்வீட் போட்டு கலகலக்க வைக்கும் டாக்டர்!

பொறாமை குறித்து டாக்டர் ராமதாஸ் 3 ட்வீட்களை பதிவிட்டுள்ளார்.

சென்னை: ஒரு பக்கம் கேட்ட சீட் கிடைக்காமல் தேமுதிக திண்டாடி கொண்டிருக்கிறது, மறுபக்கம் சூடு, சொரணை இல்லையா என்று தகாத வார்த்தைகளை ஸ்டாலின் பயன்படுத்தி கொண்டிருக்கிறார். இதற்கு நடுவே எந்தவித பரபரப்பும் இன்றி கூலாக ட்வீட் போட்டுள்ளார் டாக்டர் ராமதாஸ்!!

நேற்றுதான் நீண்டகால கூட்டணி இழுபறிக்கு ஒரு முடிவு வந்தது. கேட்டதைவிட அதிமுக அதிகமாக தந்ததா, அல்லது கேட்ட சீட் அத்தனையையும் அதிமுக தந்துவிட்டதா என தெரியவில்லை. எப்படியோ 7 +1 ஒன்று வாங்கி விட்ட களிப்பில் இருக்கிறார் ராமதாஸ். அதான் ஒன்றுக்கு மூன்றாக ட்வீட்கள் வந்து விழுந்திருக்கிறது.

டாக்டர் இன்று எடுத்துள்ள டாப்பிக் பொறாமை.. ஆஹா.. சரியான நேரத்தில் சரியான டாப்பிக்கைத்தான் டாக்டர் அய்யா எடுத்துள்ளார் என்று பாமகவினர் கொண்டாடி வருகின்றனர்.

பொறாமை என்பது ஒரு மனப் புற்றுநோய்!
- பி.சி. போர்ப்ஸ்

— Dr S RAMADOSS (@drramadoss) February 20, 2019

3 ட்வீட்கள்

ஒரு டிவீட்டில், "பொறாமை என்பது ஒரு மனப் புற்றுநோய்!- பி.சி. போர்ப்ஸ்" என்று பதிவிட்டுள்ளார்.

திறமையும், தன்னம்பிக்கையும் உள்ளவர்களுக்கு எதன் மீதும் பொறாமை ஏற்படாது. பொதுவாகவே பொறாமை என்பது நாடி நரம்பெல்லாம் பாதுகாப்பின்மை ஊறிப்போனதன் அறிகுறி தான்!
- ராபர்ட் ஏ.ஹெய்ன்லெய்ன்

— Dr S RAMADOSS (@drramadoss) February 20, 2019

பாதுகாப்பின்மை

இன்னொரு ட்வீட்டில் "திறமையும், தன்னம்பிக்கையும் உள்ளவர்களுக்கு எதன் மீதும் பொறாமை ஏற்படாது. பொதுவாகவே பொறாமை என்பது நாடி நரம்பெல்லாம் பாதுகாப்பின்மை ஊறிப்போனதன் அறிகுறி தான்! - ராபர்ட் ஏ.ஹெய்ன்லெய்ன்" என்று ஒரு ட்வீட் போட்டுள்ளார்.

பொறாமை என்பது ஏவப்படுபவர்களுக்கு சில தொந்தரவுகளை உண்டாக்கும்; அதே நேரத்தில் பொறாமைப்படுபவர்களை அது வதம் செய்து விடும்!
- வில்லியம் பென்

— Dr S RAMADOSS (@drramadoss) February 20, 2019

வதம் செய்துவிடும்

மற்றொரு ட்வீட்டில்"பொறாமை என்பது ஏவப்படுபவர்களுக்கு சில தொந்தரவுகளை உண்டாக்கும்; அதே நேரத்தில் பொறாமைப்படுபவர்களை அது வதம் செய்து விடும்!- வில்லியம் பென்" என்று பதிவிட்டுள்ளார்.

ராத்திரி 12 மணி

இந்த 3 ட்வீட்களையுமே நேத்து ராத்திரி கிட்டத்தட்ட 12 மணிக்கு பதிவிட்டு இருக்கிறார் டாக்டர். மூன்றுமே பொறாமை குறித்த பொன்மொழிகள்தான். மூன்றுமே வழக்கம்போல் வெளிநாட்டு பொன்மொழிகள். ஆனால் வழக்கம்போல் குழப்பமாக இல்லாமல், யாருக்கு பொறாமை என்று சொல்கிறார் என்பது தெளிவாக உள்ளது.

யாருக்கு பொறாமை?

இது திமுகவினருக்கும் நன்றாகவே புரியும் என்றாலும், இன்னொரு பக்கம் இதே பொறாமை பாஜகவுக்கும் இருக்குமே... ஏன்.. தேமுதிகவுக்கும் இருக்கிறதே... பிறகு எப்படி இது அந்த "ஒருவருக்கு" மட்டும் பொருந்தும் என்று எடுத்து கொள்வது?! ஒருவேளை எல்லாருக்கும் சேர்த்துதான் டாக்டர் பதில் சொல்லி இருப்பாரோ?!

English summary

PMK Founder Dr.Ramadoss three Tweets about "Jealousy"