அப்படின்னா டாக்டர் சொன்ன "மாற்றம்.. முன்னேற்றம்" இதுதானோ?
வெற்றி - முன்னேற்றம் குறித்து டாக்டர் ராமதாஸ் ட்வீட் ஒன்றினை பதிவிட்டுள்ளார்.
சென்னை: சும்மாவே ட்வீட் போட்டு தெறிக்க விடுவார் ராமதாஸ்! இன்னைக்கு செம குஷியில் இருப்பதால் மீண்டும் ட்வீட் போட்டுள்ளார்.
இன்று அனைவரும் எதிர்பார்த்தபடியே அதிமுக-பாமக கூட்டணி ஏற்பட்டுவிட்டாலும், யாருமே எதிர்பார்க்காதபடி தொகுதி பங்கீடு சமாச்சாரங்களும் வெற்றிகரமாக நடந்து முடிந்துவிட்டது.
இதனால் தங்களுடைய கூட்டணி பலம் வாய்ந்த கூட்டணியாக உருவாகி உள்ளதாகவும், தேர்தலில் வெற்றி உறுதி என்றும் டாக்டர் ராமதாஸ் தெரிவித்திருக்கிறார்.
|
மாற்றம்
இந்நிலையில் தனது ட்விட்டர் பக்கத்தில் ஒரு ட்வீட் போட்டுள்ளார். அதில், "ஒன்று சேர்வது தான் தொடக்கம்; ஒன்றாகவே இருப்பது முன்னேற்றம்; ஒன்றாக உழைப்பது தான் வெற்றி!- எட்வர்ட் எவரெட் ஹால்" என்று பதிவிட்டுள்ளார்.
நன்றாக புரிகிறது
வழக்கமான வெளிநாட்டு பொன்மொழி என்றாலும், ஒன்றுசேர்வது, முன்னேற்றம், வெற்றி என்று குறிப்பிடப்பட்டு இந்த ட்வீட் எவ்வளவு அழகாக நமக்கு புரிகிறது. ஆனால் இவ்வளவு நாள் அப்படி இல்லையே? ராமதாஸ் என்ன சொல்ல வருகிறார் என்பதற்கே திணற வேண்டி இருந்தது.
ஒன்றுசேர்வது?
ஆனால் ஒரு சந்தேகம்.. "ஒன்றுசேர்வது தொடக்கம்" என்கிறார். 1998-லேயே நடந்து முடிந்து... பிறகு 2001-ல் மீண்டும் நடந்து... அதன்பின்னர் 2009-ல் திரும்பவும் ஆரம்பித்து... கடைசியாக 2019-ல் வந்து மறுபடியும் முடித்திருக்கும்போது, இதை எப்படி "தொடக்கம்" என்று எடுத்து கொள்வது என்றுதான் புரியவில்லை.
முன்னேற்றம்
அதேபோல, "மாற்றம் முன்னேற்றம்" என்ற முழக்கத்தினை எழுப்பி வரும் நிலையில், "மாற்றம்" மட்டும் மாறாமல் தொடர்கிறது என்பதும், அதில்தான் "முன்னேற்றம்" இருக்கிற மாதிரியும் ஏதோ நமக்கு லேசாக மனதில் தோன்றுவது போல உள்ளது... ஒன்று மட்டும் புரிகிறது.. மாற்றம் ஒன்று மட்டுமே என்றும் மாறாதது என்பதே அது.