தமிழகத்தில் எந்தெந்த மாவட்டங்களில் எவ்வளவு வாக்காளர்கள் நீக்கம்? ஒரே கிளிக்கில் முழு லிஸ்ட் இதோ

சென்னை: தமிழகத்தில் வாக்காளர் பட்டியல் சிறப்பு தீவிர திருத்த நடவடிக்கை மேற்கொள்ளப்பட்டது. இன்று வரைவு வாக்காளர் பட்டியல் வெளியானது. தமிழகத்தில் மொத்தம் 97.37 லட்சம் வாக்காளர்கள் நீக்கப்பட்டுள்ளனர். மாவட்ட வாரியாக வாக்காளர்கள் நீக்கப்பட்டுள்ளனர். இதனால் தமிழக வாக்காளர்களின் எண்ணிக்கை 6.41 கோடிில் இருந்து 5.43 கோடியாக சரிந்துள்ளது என்று மாநில தலைமை தேர்தல் அதிகாரி அர்ச்சனா பட்நாயக் தெரிவித்துள்ளார்.

தமிழகத்தில் ‛சார்' எனும் வாக்காளர் பட்டியல் சிறப்பு தீவிர நடவடிக்கை கடந்த மாதம் 4ம் தேதி தொடங்கியது. ‛சார்' விண்ணப்ப படிவங்களை பூர்த்தியிட்டு டிசம்பர் 14ம் தேதி வரை வழங்க காலஅவகாசம் வழங்கப்பட்டது.

இதையடுத்து இன்று மாவட்ட வாரியாக வரைவு வாக்காளர் பட்டியல் வெளியிடப்பட்டுள்ளது. இதுதொடர்பாக சென்னையில் தமிழக தலைமை தேர்தல் அதிகாரி அர்ச்சனா பட்நாயக் இன்று பத்திரிகையாளர்களை சந்தித்தார்.

அப்போது தமிழகத்தில் மொத்தமாக 97 லட்சத்து 37 ஆயிரத்து 831 வாக்காளர்கள் நீக்கப்பட்டுள்ளதாக அவர் கூறினார். வாக்காளர் பட்டியல் சிறப்பு தீவிர திருத்தம் செய்வதற்கு முன்பாக மொத்தம் 6 கோடியே 41 லட்சத்து 14 ஆயிரத்து 587 வாக்காளர்கள் இருந்தனர். தற்போது 97.37 லட்சம் வாக்காளர்கள் நீக்கப்பட்டுள்ளனர். இதனால் தமிழகத்தில் தற்போதைய மொத்த வாக்காளர்கள் எண்ணிக்கை 5 கோடியே 43 லட்சத்து 76 ஆயிரத்து 755 என்று தெரிவித்தார்.

இதுதவிர ஒவ்வொரு மாவட்டங்களிலும் மாவட்ட வாரியாகவும் தொகுதி வாரியாகவும் வரைவு வாக்காளர் பட்டியல் வெளியிடப்பட்டுள்ளது. அதில் எந்தெந்த மாவட்டங்களில் எவ்வளவு வாக்காளர்கள் நீக்கப்பட்டுள்ளனர் என்பது பற்றி முழு விவரம் வருமாறு:

மாவட்டம் - நீக்கப்பட்ட வாக்காளர்கள்

* சென்னை - 14,25,018
* செங்கல்பட்டு - 7,01,871
* காஞ்சிபுரம் - 2,74,274
* செங்கல்பட்டு - 7,01,871
* அரியலூர் - 24,368

* தருமபுரி - 81,515
* திருப்பத்தூர் - 1,16,739
* சிவகங்கை - 1,50,828
* ராமநாதபுரம் - 1,17,364
* மயிலாடுதுறை - 75,378

* திருவண்ணாமலை - 2,52,162
* கோவை - 6,50,590
* கரூர் - 79,690
* ஈரோடு - 3,25,429
* திருப்பூர் - 5,63,785

* புதுக்கோட்டை - 1,39,587
* கள்ளக்குறிச்சி - 84,329
* விருதுநகர் - 1,89,964
* சேலம் - 3,62,429
* மதுரை - 3,80,474

* ராணிப்பேட்டை - 1,45,157
* நாகப்பட்டினம் - 47,338
* காஞ்சிபுரம் - 2,74,274
* தஞ்சாவூர் - 2,06,503
* விழுப்புரம் - 1,82,865

* நெல்லை - 2,16,966
* பெரம்பலூர் - 49,548
* நீலகிரி - 56,091
* நாகை - 57,338
* திருச்சி - 3,31,787

* கிருஷ்ணகிரி - 1,74,549
* நாமக்கல் - 1,93,706
* கன்னியாகுமரி - 1,53,373
* திருவள்ளுர் - 6,19,777
* தூத்துக்குடி - 1,62,527

* தென்காசி - 1,51,902
* கடலூர் - 2,46,818
* திண்டுக்கல் - 3,24,894 என மாவட்ட வாரியாக வாக்காளர்கள் நீக்கப்பட்டுள்ளனர்.

English summary

A special intensive voter list revision exercise was conducted in Tamil Nadu. The draft voter list was released today. A total of 97.37 lakh voters have been removed from the list across Tamil Nadu. Voters have also been removed district-wise. As a result, the number of voters in Tamil Nadu has decreased from 6.41 crore to 5.43 crore, according to the State Chief Electoral Officer, Archana Patnaik.