இல.கணேசன் இல்லத்துக்கு சென்ற துர்கா ஸ்டாலின்! முதல்வர் டெல்லி சென்ற நிலையில் நேரில் சென்று வாழ்த்து
சென்னை: தமிழக முதல்வர் ஸ்டாலின் டெல்லி சென்றுள்ள நிலையில், அவரது மனைவி துர்கா ஸ்டாலின், நாகாலாந்து ஆளுநர் இல.கணேசனின் சதாபிஷேக விழாவில் பங்கேற்று வாழ்த்தியுள்ளார்.
நாகாலாந்து ஆளுநர் இல.கணேசன் இன்று தனது 80 ஆவது பிறந்தநாளான சதாபிஷேக விழாவை கொண்டாடுகிறார். சென்னையில் உள்ள அவரது இல்லத்தில் இன்று பல்வேறு கட்சிகளை சேர்ந்த பிரமுகர்கள், உறவினர்கள் நேரில் சென்று இல.கணேசனை சந்தித்து வாழ்த்து தெரிவித்து வருகின்றனர்.
இந்த சதாபிஷேக நிகழ்ச்சியில் கலந்து கொள்ள வேண்டும் என கடந்த மே 19 ஆம் தேதி தமிழக முதல்வர் ஸ்டாலினை அவரது முகாம் அலுவலகத்திற்கு சென்று இல.கணேசன் சகோதரர் மகள் காயத்திரி சத்யநாராயணன் தனது கணவருடன் 80ஆவது பிறந்தநாள் விழாவிற்கான அழைப்பிதழை வழங்கி இருந்தார். முதல்வர் ஸ்டாலின், அவரது மனைவி துர்கா ஸ்டாலின் ஆகியோரிடம் அழைப்பிதழை வழங்கி இருந்தார்.
இந்நிலையில், தமிழக முதல்வர் ஸ்டாலின் நிதி ஆயோக் கூட்டத்தில் கலந்து கொள்வதற்காக டெல்லி சென்றதால், தொலைபேசி வாயிலாக இல.கணேசனுக்கு வாழ்த்துகளைத் தெரிவித்துள்ளார். அதேசமயம், முதல்வர் ஸ்டாலினின் மனைவி துர்கா ஸ்டாலின் நேரில் சென்று இல.கணேசனுக்கு பூங்கொத்து கொடுத்து வாழ்த்து தெரிவித்து, அவரிடம் ஆசி பெற்றுள்ளார்.
Click it and Unblock the Notifications
Sign in with Google