புதிய அமைச்சர்கள் பதவியேற்பு! திருமாவளவன் வந்ததுமே துர்கா ஸ்டாலின் செய்த செயல்! பூரித்த விசிகவினர்

சென்னை: தமிழ்நாடு அமைச்சரவை மாற்றம் செய்யப்பட்டு புதிய அமைச்சர்கள் பதவிப்பிரமாணம் எடுத்துக் கொண்ட நிகழ்ச்சியின் போது விடுதலைச் சிறுத்தைகள் கட்சித் தலைவர் திருமாவளவனை பார்த்து முதல்வர் ஸ்டாலின் மனைவி செய்த செயல் வைரலாகி வருகிறது.

தமிழக அமைச்சரவையில் நேற்றைய தினம் பெரிய அளவில் மாற்றங்களை செய்துள்ளார். மனோ தங்கராஜ், செஞ்சி மஸ்தான், ராமசந்திரன் ஆகிய 3 அமைச்சர்கள் நீக்கப்பட்டுள்ளனர். அது போல் செந்தில் பாலாஜி, கோவி செழியன், சா.மு.நாசர், பனைமரத்துப்பட்டி ராஜேந்திரன் ஆகியோர் அமைச்சராக பதவியேற்றனர்.

இந்த பதவியேற்பு விழா நேற்றைய தினம் ஆளுநர் மாளிகையில் நடந்தது. இந்த விழாவில் 34 அமைச்சர்களில் 32 அமைச்சர்கள் (புதியவர்களுடன் சேர்த்து) கலந்து கொண்டனர்.

ஒவ்வொருவருக்கும் பதவிப்பிரமாணத்தையும் ரகசிய காப்பையும் ஆளுநர் ஆர்.என்.ரவி செய்து வைத்தார். இந்த நிலையில் இந்த விழாவுக்கு முதல்வர் ஸ்டாலின் மனைவி துர்கா ஸ்டாலின், துணை முதல்வர் உதயநிதியின் மனைவி கிருத்திகா, மகள் உள்ளிட்டோர் கலந்து கொண்டனர்.

அது போல் கூட்டணி கட்சியினர்களான செல்வப்பெருந்தகை, திருமாவளவன், ஜவாஹிருல்லா, வைகோ, மக்கள் நீதி மய்யம் அருணாச்சலம் உள்ளிட்டோர் கலந்து கொண்டனர். திருமாவளவன் அந்த நிகழ்ச்சிக்கு வந்த போது முன்வரிசையில் துர்கா ஸ்டாலின் அமர்ந்திருந்தார்.

அப்போது துர்கா ஸ்டாலின், திருமாவளவனை பார்த்ததும் எழுந்து சிரித்தபடியே வாங்க, வணக்கம் என்றார். பதிலுக்கு திருமாவளவனும் வணக்கம் வைத்துவிட்டு பின்னால் இருந்த அமைச்சர்களை நோக்கி சென்றார். அப்போது நீலகிரி எம்பி ஆ.ராசா, தான் அமர்ந்திருந்த இருக்கையை திருமாவளவனுக்கு விட்டுக் கொடுத்தார். இதை பார்த்த விசிகவினர் பூரித்து போனார்கள்.

முதல் வரிசையில் உதயநிதி ஸ்டாலின், துர்கா ஸ்டாலின், கிருத்திகா உதயநிதி, அவருடைய மகள், உள்ளிட்டோருக்கு இருக்கை போடப்பட்டிருந்தது. அது போல் பின் வரிசையில் கூட்டணி கட்சி தலைவர்களான வேல்முருகன், ஜவாஹிருல்லா, முத்தரசன் உள்ளிட்டோர் அமர்ந்திருந்தனர். அவர்களுடன் ஆ ராசா, டி.ஆர்.பாலு, தயாநிதி மாறன் உள்ளிட்டோர் அமர்ந்திருந்தனர்.

முதல்வர் ஸ்டாலின் வருவதை அறிந்த துணை முதல்வர் உதயநிதி, வாசல் வரை சென்று வரவேற்று அழைத்து வந்தார். இதைத் தொடர்ந்து முதல்வரும், துணை முதல்வரும் ஆளுநர் ஆர்.என்.ரவிக்கு பூங்கொத்து கொடுத்து அவரை வரவேற்று உள்ளே அழைத்துச் சென்றனர்.

English summary

Durga Stalin stood up from her seat when Thirumavalavan come for Ministers swearing in function.