கூகுளில் 67 -னு ‛டைப்' பண்ணுங்க.. காத்திருக்கும் ‛சர்ப்ரைஸ்'.. என்ன செல்போன் - லேப்டாப் ஸ்கிரீன் நடனமாடுது!

சென்னை: நாம் தேடும் அனைத்தையும் கூகுள் நமக்கு வழங்கி வருகிறது. அதுமட்டுமின்றி இப்போது புதிய சர்ப்ரைஸை தந்துள்ளது. கூகுளை ‛ஓபன்' செய்து 67 என்று ‛டைப்' செய்தால் செல்போன், கம்ப்யூட்டர் மற்றும் லேப்டாப்பின் ஸ்கிரீன் நடனமாடுகிறது. இந்த சர்ப்ரைஸின் பின்னணி பற்றி இங்கு பார்க்கலாம்.

கூகுள் என்பது தற்போது ஒவ்வொருவருக்கும் மிகவும் முக்கியமான ஒன்றாக மாறிவிட்டது. அனைவரின் செல்போன், கம்ப்யூட்டர், லேப்டாப்பில் கூகுள் இருப்பது தான் இதற்கு சான்றாகும்.

Photo Credit:

AI

ஒவ்வொருவரும் கூகுள் ‛சர்ச் இன்ஜினை' பயன்படுத்தி வருகிறோம். நமக்கு தெரியாத விஷயங்கள், வரலாறுகளையும் ஒரே கிளிக் மூலமாக கூகுளிடம் இருந்து படித்து நம்மால் தெரிந்து கொள்ள முடிகிறது.

இதனால் உலகிலேயே அதிகமான மக்கள் கூகுள் சர்ச் இன்ஜினை பயன்படுத்தி வருகின்றனர். இதனால் கூகுளும் தினமும் மக்களுக்கு ‛சர்ப்ரைஸ்' வழங்கி வருகிறது. அதன்படி ஒவ்வொரு நாளும் கூகுள் தனது doodle எனும் முகப்பு பக்கத்தை மாற்றி வருகிறது. குறிப்பிட்ட நாளில் நடக்கும் நிகழ்வு அல்லது நடந்த நிகழ்வின் அடிப்படையில் இந்த டூடூல் இடம்பெற வைக்கப்படுகிறது. இந்நிலையில் தான் தற்போது ‛67' என்ற ‛சர்ப்ரைஸை' கூகுள் வழங்கி உள்ளது.

அதாவது செல்போன், லேப்டாப் உள்ளிட்டவற்றில் கூகுளை திறந்து 67 அல்லது 6-7 என டைப் செய்து ‛என்டர்' பட்டனை தட்டினால் போதும். சில விநாடிகள் உங்களின் செல்போன் மற்றும் லேப்டாப் ஸ்கீரின் ‛ஷேக்' ஆகும். நடனமாடுவது போல் ஸ்கீரின் மேலும், கீழுமாக சிலமுறை சென்று வரும். இதனை பார்த்து யாரும் பயப்பட வேண்டாம். செல்போன், லேப்டாப்பில் பிரச்சனை என்று நினைக்க வேண்டாம். இது தனது வாடிக்கையாளர்களுக்கு கூகுள் தந்துள்ள ‛சர்ப்ரைஸ்'. இதனால் உங்களின் செல்போன் மற்றும் லேப்டாப்பிற்கு எந்த பிரச்சனையும் வராது.

கூகுளில் இந்த ‛சர்ப்ரைஸின்' பின்னணியில் முக்கிய விஷயம் உள்ளது. அதாவது கூகுள் நிறுவனம் தனது வாடிக்கையாளர்களை சர்ப்ரைஸ் செய்ய "ஈஸ்டர் எக்ஸ்" (Easter Eggs) எனும் மறைக்கப்பட்ட அம்சங்களை பயன்படுத்தி வருகிறது. இது கூகுள் பயனர்களை ஆச்சரியப்படுத்தவும், மகிழ்ச்சி படுத்தும் வகையிலான அம்சமாகும்.

தற்போது ‛ஈஸ்டர் எக்ஸ்' முறையில் கூகுள் கொண்டு வந்துள்ளது தான் 67 அல்லது 6-7 அம்சம். சமீபத்தில் 6-7 என்ற மீம் இணையதளங்களில் அதிகரிக்க தொடங்கியது. அதனடிப்படையில் தான் கூகுள் 67 அல்லது 6-7 என்பதை ‛ஈஸ்டர் எக்ஸ்' பகுதியில் கொண்டு வந்துள்ளது. அதன்படி அந்த எண்ணை கூகுளில் டைப் செய்தால் சில விநாடிகள் ஸ்கிரின் மேலும், கீழுமாக செல்லும்.

இது முற்றிலும் பொழுதுபோக்கு அம்சத்திற்காக கூகுள் உருவாக்கி உள்ளது. சில வினாடிகள் ஸ்கிரின் குலுங்குவது நின்றுவிடும். ஒருவேளை தொடர்ந்து ஸ்கிரின் குலுங்கினால் அதில் இருந்து வெளியேறினால் போதும் ஸ்கிரீன் இயல்பு நிலைக்கு திரும்பிவிடும் என்பது குறிப்பிடத்தக்கது.

English summary

Google has been providing us with everything we search for. And now, it has given us a new surprise. If you open Google and type '67', the screen of your mobile phone, laptop, computer screen will suddenly begin to shake and wobble for a few seconds. Let's look at the story behind this surprise here.