சென்னையில் காலையிலேயே இறங்கிய அமலாக்கத்துறை அதிகாரிகள்.. 15-க்கும் மேற்பட்ட இடங்களில் சோதனை

சென்னை: சென்னையில் 15-க்கும் மேற்பட்ட இடங்களில் அமலாக்கத்துறை அதிகாரிகள் காலையிலேயே சோதனை நடத்தி வருகிறார்கள். சென்னை கோடம்பாக்கம், கீழ்ப்பாக்கம் உள்ளிட்ட இடங்களில் தொழில் அதிபர்களின் வீடுகள், நிறுவனங்களில் அமலாக்கத்துறை அதிகாரிகள் சோதனை செய்து வருகிறார்கள். சட்டவிரோத பணப்பரிமாற்றம் காரணமாக இந்த சோதனை நடைபெற்று வருவதாக தகவல்கள் வெளியாகி உள்ளன.

சென்னையில் இன்று காலை 15-க்கும் மேற்பட்ட இடங்களில் அமலாக்கத்துறை அதிகாரிகள் சோதனை மேற்கொண்டுள்ளனர். குறிப்பாக சென்னை கோடம்பாக்கம், கீழ்ப்பாக்கம் உள்ளிட்ட இடங்களில் அமலாக்கத்துறை அதிகாரிகள் சோதனை நடத்தி வருவதாக தகவல் வெளியாகி உள்ளது.

சென்னை கோடம்பாக்கத்தில் உள்ள கல்யாணி பிரைவேட் லிமிடெட் நிறுவனத்தில் அமலாக்கத்துறை அதிகாரிகள் காலையிலேயே சோதனை மேற்கொண்டுள்ளனர். அம்பத்தூர் திருவேங்கட நகரில் உள்ள அடுக்குமாடி குடியிருப்பில் வசித்து வரும் பிரகாஷ் என்பவர் வீட்டிலும் சோதனை நடந்து வருவதாக கூறப்படுகிறது.

சைதாப்பேட்டை தெற்குமாட வீதியில் உள்ள கலைச்செல்வன் என்பவர் வீட்டிலும் அமலாக்கத்துறை அதிகாரிகள் சோதனை நடத்தி வருகிறார்கள். கேகே நகர் லட்சுமணசாமி சாலையில் உள்ள தங்க நகை வியாபாரி சேட் என்பவர் வீட்டிலும் அமலாக்கத்துறை அதிகாரிகள் சோதனை நடத்தி வருகிறார்கள்.

அம்பத்தூர், கீழ்ப்பாக்கம், தி நகர், கேகே நகர் என சென்னையில் 15-க்கும் மேற்பட்ட இடங்களில் அமலாக்கத்துறை அதிகாரிகள் சோதனை நடத்தி வருவது பரபரப்பை ஏற்படுத்தியுள்ளது. சட்டவிரோத பணப்பரிமாற்றம் காரணமாக இந்த சோதனை நடந்து வருவதாக ஆரம்பக்கட்ட தகவல்கள் வெளியாகின. இன்று காலை 6 மணியில் இருந்தே இந்த சோதனை நடந்து வருகிறது. சிஆர்பிஎஃப் அதிகாரிகள் பாதுகாப்புடன் இந்த சோதனை நடந்து வருகிறது.

English summary

Enforcement Directorate (ED) officials carried out searches at more than 10 locations across Chennai early this morning. The raids are taking place at the residences and offices of several industrialists in areas such as Kodambakkam and Kilpauk. The operation is ongoing as part of an investigation into financial irregularities.