கட்டுக்கட்டாக பணம்.. சென்னையில் திமுக எம்பி ஜெகத்ரட்சகன் நிறுவன காரில் ரூ.60 லட்சம் பறிமுதல்

சென்னை: திமுக எம்பியும், புதுச்சேரி யூனியன் பிரதேச திமுக பொறுப்பாளருமான ஜெகத்ரட்சகன் நடத்தி வரும் நிறுவனத்தின் காரில் இருந்து ரூ.60 லட்சம் ரொக்கப்பணம் பறிமுதல் செய்யப்பட்டு இருப்பது பெரும் பரபரப்பை ஏற்படுத்தி உள்ளது.

தமிழகம் மற்றும் புதுச்சேரிக்கு சட்டசபை தேர்தல் அறிவிக்கப்பட்டுள்ளது. புதுச்சேரியின் திமுக பொறுப்பாளராக ஜெகத்ரட்சகன் உள்ளார். அரக்கோணம் எம்பியான இவர் காங்கிரஸ் கட்சியுடன் கூட்டணி பேச்சுவார்த்தை, தேர்தல் பணிகளை மேற்கொண்டு வருகிறார்.

இந்நிலையில் தான் சென்னை வேப்பேரி காவல் நிலையம் அருகே இன்று தேர்தல் பறக்கும் படையினர் வாகன சோதனையில் ஈடுபட்டனர். அப்போது ஜெகத்ரட்சகனின் நிறுவனத்துக்கு சொந்தமான கார் சென்றது.

அந்த காரை தடுத்து நிறுத்தி பறக்கும் படையினர் தீவிர சோதனை மேற்கொண்டனர். இந்த சோதனையின்போது கட்டுக்கட்டாக பணம் இருந்தது. ரூ.60 லட்சம் வரை பணம் இருந்துள்ளது. இதற்கான ஆவணங்கள் இல்லை. இதையடுத்து தேர்தல் பறக்கும் படையினர் ரூ60 லட்சத்தை பறிமுதல் செய்துள்ளனர். திமுக எம்பியாகவும், புதுச்சேரி திமுக பொறுப்பாளருமாக இருக்கும் ஜெகத்ரட்சகனின் நிறுவனத்தின் காரில் இருந்து ரூ.60 லட்சம் பறிமுதல் செய்திருப்பது பெரும் பரபரப்பை ஏற்படுத்தி உள்ளது.

English summary

Jagathrakshakan MP Car: In Chennai Election flying Squad seized Rs 60 lakh cash from a car belonging to a company run by Jagathrakshakan—a DMK MP and the party's in-charge for the Union Territory of Puducherry.