Exit poll 2021: தமிழகத்தில் வடக்கு தொடங்கி தெற்கு மண்டலம் வரை.. திமுகவின் கோட்டையாகும்?

சென்னை: தமிழகத்தில் வடக்கு, மேற்கு, தெற்கு, காவிரி டெல்சா உள்ளிட்ட பகுதிகளில் திமுகவே பெரும்பாலான இடங்களில் வெல்லும் என இந்தியா டுடே சி வோட்டரின் தேர்தலுக்கு பிந்தைய கருத்துக் கணிப்புகள் கூறுகின்றன.

தமிழகத்தில் தேர்தல் என்றால் மண்டல வாரியாக பிரிக்கப்படும் போது வடதமிழகம், மேற்கு தமிழகம், தென் தமிழகம், காவிரி டெல்டா மற்றும் சென்னை என பிரிக்கப்படுகிறது.

இந்த 5 மண்டலங்களில் திமுகவே பெரும்பாலான இடங்களை கைப்பற்றும் என இந்தியா டுடே சி வோட்டர் கருத்து கணிப்புகள் கூறுகின்றன.

மேற்கு தமிழகம்

தமிழகத்தில் மேற்கு பகுதியில் மொத்தம் உள்ள 57 தொகுதிகளில் திமுக 38 தொகுதிகளிலும் அதிமுக 19 தொகுதிகளிலும் வெல்லும் என இந்தியா டுடே சி வோட்டர் கணித்துள்ளது. அது போல் திமுகவுக்கு 43 சதவீதம் வாக்குகளும் அதிமுகவுக்கு 41 சதவீத வாக்குகளும் அமமுகவுக்கு 2 சதவீத வாக்குகளும் மநீமவுக்கு 4 சதவீத வாக்குகளும் மற்ற கட்சிகளுக்கு 10 சதவீத வாக்குகளும் கிடைக்க வாய்ப்புள்ளதாக கூறப்படுகிறது.

தென் தமிழகம்

தென் தமிழகத்தில் மொத்தம் உள்ள 58 தொகுதிகளில் திமுக கூட்டணி 41 இடங்களிலும் அதிமுக கூட்டணி 15 இடங்களிலும் அமமுக ஒரு இடத்திலும் மற்றவை ஒரு இடத்திலும் வெற்றி பெறும். மக்கள் நீதி மய்யம் தென் தமிழகத்தில் ஒரு தொகுதியிலும் வெல்லாது என கணிக்கப்பட்டுள்ளது. அது போல் திமுகவுக்கு 42 சதவீதம் வாக்குகளும் அதிமுகவுக்கு 34 சதவீத வாக்குகளும் அமமுகவுக்கு 7 சதவீத வாக்குகளும் மநீமவுக்கு 4 சதவீத வாக்குகளும் மற்ற கட்சிகளுக்கு 13 சதவீத வாக்குகளும் கிடைக்க வாய்ப்புள்ளதாக கூறப்படுகிறது.

காவிரி டெல்டா

காவிரி டெல்டா பகுதியில் மொத்தம் 41 தொகுதிகள் உள்ளன. இங்கு திமுக 37 இடங்களிலும் அதிமுக 4 இடங்களிலும் வெல்லுமாம். அமமுக, மநீம, மற்ற கட்சிகள் ஒரு இடங்களிலும் வெல்லாது என்கிறது இந்த கணிப்பு. அது போல் திமுகவுக்கு 50 சதவீதம் வாக்குகளும் அதிமுகவுக்கு 34 சதவீத வாக்குகளும் அமமுகவுக்கு 3 சதவீத வாக்குகளும் மநீமவுக்கு 4 சதவீத வாக்குகளும் மற்ற கட்சிகளுக்கு 9 சதவீத வாக்குகளும் கிடைக்க வாய்ப்புள்ளதாக கூறப்படுகிறது.

வட தமிழகம்

வடதமிழகத்தில் மொத்தம் 41 தொகுதிகள் உள்ளன. திமுக 33 இடங்களிலும் அதிமுக 8 இடங்களிலும் வெல்லும். அமமுக, மக்கள் நீதி மய்யம் ஆகிய கட்சிகள் ஒரு இடத்திலும் வெல்லாது என்கிறது கணிப்பு. அது போல் அது போல் திமுகவுக்கு 48 சதவீதம் வாக்குகளும் அதிமுகவுக்கு 38 சதவீத வாக்குகளும் அமமுகவுக்கு 2 சதவீத வாக்குகளும் மநீமவுக்கு 3 சதவீத வாக்குகளும் மற்ற கட்சிகளுக்கு 9 சதவீத வாக்குகளும் கிடைக்க வாய்ப்புள்ளதாக கூறப்படுகிறது.

English summary

Exit poll 2021: DMK will win in all regions higher than AIADMK.