டீ போட்டு.. பைக் ஓட்டி.. குழந்தையை கிள்ளி.. வீணாகிடுமோ.. ஆயிரம்விளக்கில் குஷ்புவுக்கு தோல்வி முகம்?

Updated: Friday, April 30, 2021, 11:34 [IST]

Subscribe to Oneindia Tamil

சென்னை: சென்னைக்கு மாவட்டத்திற்குள்பட்ட ஆயிரம் விளக்கு தொகுதியில் பாஜக சார்பில் போட்டியிட்ட குஷ்புவுக்கு தோல்வியே கிடைக்கும் என தந்தி டிவி கருத்து கணிப்பு முடிவுகள் கூறுகின்றன.

தமிழக சட்டசபைத் தேர்தலில் 234 தொகுதிகள் என்றாலும் அதில் ஒரு சில தொகுதிகள் நட்சத்திர அந்தஸ்தை பெற்றிருக்கும். பாஜக சார்பில் குஷ்புவுக்கு சேப்பாக்கமா இல்லை ஆயிரம்விளக்கு தொகுதியா என எதிர்பார்ப்பு இருந்தது.

அந்த வகையில் குஷ்புவுக்கு ஆயிரம் விளக்கு தொகுதியில் போட்டியிட வாய்ப்பு வழங்கப்பட்டது. இதையடுத்து உற்சாகத்துடன் ஆயிரம் விளக்கு தொகுதியில் வீதி வீதியாக வீடு வீடாக சென்று வாக்கு சேகரித்தார் குஷ்பு.

தேர்தல்

இது மட்டுமல்லாமல் குஷ்புவை ஆதரித்து மத்திய அமைச்சர் ஸ்மிருதி இரானி தேர்தல் பிரச்சாரம் செய்தார். தனது வீட்டின் மீது கல்வீச்சு சம்பவம் குறித்து பிரச்சாரத்தில் மிகவும் உருக்கமாக பேசியிருந்தார் குஷ்பு. இந்த நிலையில் தேர்தல் முடிவுகள் வருவதற்கு இன்னும் இரு நாட்கள் உள்ள நிலையில் தேர்தலுக்கு பிந்தைய கதுத்து கணிப்புகள் வெளியாகின.

தந்தி டிவி கருத்து கணிப்புகள்

இதில் தந்தி டிவி எடுத்த கருத்து கணிப்பில் நடிகை குஷ்புவுக்கு ஆயிரம்விளக்கு தொகுதியில் தோல்வி கிடைக்கும் என்றும் திமுக சார்பில் நிறுத்தப்பட்ட டாக்டர் நா எழிலன் வெல்வார் என்றும் வெளியாகியுள்ளது. ஆயிரம்விளக்கு தொகுதி திமுகவின் கோட்டையாக சொல்லப்பட்டாலும் நா எழிலனுக்கும் அத்தொகுதியில் நற்பெயர் உள்ளதாக கூறப்படுகிறது.

காங்கிரஸ்- பாஜக

திமுகவிலிருந்து காங்கிரஸுக்கு வந்து பின்னர் காங்கிரஸிலிருந்து பாஜகவுக்கு சென்ற குஷ்புவுக்கு கட்சியில் சேர்ந்த சில நாட்களிலேயே சீட்டு வழங்கப்பட்டது. இதனால் உற்சாகத்தில் இருந்த குஷ்பு ஆயிரம் விளக்கு தொகுதியில் தொடர்ந்து கடுமையாக உழைத்தார்.

ரசிகர்கள்

திடீரென ஒரு வீட்டுக்கு சென்று டீ போட்டு கொடுத்தார். பின்னர் தனது உறவின பெண்ணிடம் பைக் வாங்கி பேரணி நடத்தினார். தான் அந்த தொகுதியின் பெண் என கூறி வந்தார். பிரச்சாரத்திற்கு செல்லும் போதெல்லாம் ஒவ்வொரு குழந்தையையும் கிள்ளி விளையாடுவார். இத்தனை செய்தும் கருத்து கணிப்பு முடிவுகள் அவருக்கு எதிராகவே வந்துள்ளது அவரது ரசிகர்களுக்கு வருத்தத்தை கொடுக்கிறது.