அரசு ஊழியர்களுக்கெல்லாம் மகிழ்ச்சி! சம்பளமும் எகிறுது.. சலுகையும் உயருது.. சர்ப்ரைஸ் தந்த தமிழக அரசு

சென்னை: மத்திய அரசு ஊழியர்களுக்கு சர்ப்ரைஸ் தந்துள்ளது தமிழக அரசு.. இதுகுறித்த அறிவிப்பு வெளியாகியிருக்கிறது.

மத்திய அரசு ஊழியர்களுக்கு, 7வது ஊதியக்குழு பரிந்துரை அடிப்படையில், சம்பளம் வழங்கப்படுகிறது. இந்திய நகரங்கள், எக்ஸ் (X), ஒய் (Y), இசட் (Z) என்று 3 வகையாக பிரிக்கப்பட்டுள்ளன.

இவற்றில் பணிபுரியும் மத்திய அரசு ஊழியர்களுக்கு, 27, 18, 9 சதவீதம், அவர்களின் அடிப்படை சம்பளத்தில் இருந்து கணக்கிட்டு, வீட்டு வாடகைப்படி வழங்கப்பட்டது.

மாதங்கள்: 2 மாதங்களுக்கு முன்பு மத்திய அரசு ஊழியர்களுக்கும், ஓய்வூதியதாரர்களுக்கும், 4 சதவிகித அகவிலைப்படியை அதிகரித்து, மேலும் சில அலவன்சுகளும் கூடுதலாக அதிகரிக்கப்பட்டன. இதில் ஊழியர்களுக்கான HRA அதிகரிக்கப்பட்டது.. இந்த HRA என்பது, அரசு ஊழியர்கள் வசிக்கும் நகரத்தை பொறுத்து அமைவதாகும்..

அதாவது, X-வகை நகரங்களில் உள்ள பணியாளர்கள் அதிகபட்சமாக 27 சதவிகித HRA -ஐ தற்சமயம் பெற்று வருகிறார்கள்... HRA அதிகரிப்புக்கு பிறகு, இது 30 சதவீதமாக உயரக்கூடும்..

வீட்டு வாடகை: அதேபோல, அடுத்த வகையான Y-வகை நகரங்களில், இதுவரை பணியாளர்களுக்கான வீட்டு வாடகை கொடுப்பனவு 18 சதவீதமாக உள்ள நிலையில், 20 சதவிகிதமாக இனி அதிகரிக்கக்கூடும்.. Z பிரிவு ஊழியர்களுக்கு 9 சதவிகித வீட்டு வாடகை கொடுப்பனவு உள்ள நிலையில், இனிமேல் 10 சதவிகிதமாக உயரக்கூடும் என்று அறிவிக்கப்பட்டிருந்தது.

இந்நிலையில், குட்நியூஸ் ஒன்றினை தமிழக அரசு வெளியிட்டிருக்கிறது.. அதாவது, மத்திய பணி தொகுப்பில் பணிபுரியும் அலுவலர்களுக்கு, வீட்டு வாடகைப்படியை, 10 சதவீதம் முதல் 30 சதவீதம் வரை உயர்த்தி, ஜனவரி 1 முதல் கணக்கிட்டு ரொக்கமாக வழங்க உத்தரவிட்டிருக்கிறது.

வீட்டு வாடகைப்படி: தற்போது வீட்டு வாடகைப்படியை, முறையே 30, 20, 10 சதவீதம் என, மத்திய அரசு உயர்த்தி ஆணையிட்டுள்ளது. அதன் அடிப்படையில், தமிழக அரசின் மத்திய தொகுப்பில் பணிபுரியும் ஊழியர்களுக்கு, வீட்டு வாடகைப்படியை உயர்த்தி, கடந்த ஜனவரி 1 முதல் கணக்கிட்டு வழங்க, தமிழக அரசு உத்தரவிட்டுள்ளது.

இது தொடர்பாக, தமிழக அரசின் தலைமைச் செயலர் சிவ்தாஸ் மீனா, சம்பந்தப்பட்ட துறைகளுக்கு கடிதம் அனுப்பி உள்ளார். தமிழகத்தை பொறுத்தவரை, சென்னை மட்டும் X வகை நகர பட்டியலில் உள்ளது.

English summary

Fantastic announcement by Central Government Employees and increase in House Rent for by Tamil Nadu Government