தட்கலில் டிக்கெட் புக் பண்றீங்களா? இந்த "கன்பார்ம் டிக்கெட்" இருக்கே? ரயிலில் இனி ஈஸியா போலாமே.. செம
சென்னை: தட்கலில் நொடியில் தீர்ந்துவிடுகிறதா புக்கிங் ? அப்படியானால், பயணிகளின் வசதிகளுக்காகவே, இந்தியன் ரயில்வே அறிமுகப்படுத்தியிருக்கும் கன்பார்ம் டிக்கெட் செயலி பற்றி தெரியுமா? இதில் எப்படி டிக்கெட்டை புக்கிங் செய்ய வேண்டும் தெரியுமா?
ரயில் டிக்கெட் புக்கிங் செய்பவருக்காகவே, புதிய செயலியை ரயில்வே நிர்வாகம் சமீபத்தில் அறிமுகப்படுத்தியிருக்கிறது.. இதன்மூலம் கன்ஃபார்ம் டிக்கெட்டை உங்களால் எளிதாக பெற முடியும்.. இதற்கு ஆன்லைனிலேயே டிக்கெட்டை புக் செய்யலாம். எனவேதான் இந்த செயலியின் பெயரே "கன்பார்ம் டிக்கெட்" (confirm tkt) ஆகும்.
டிக்கெட்: ஒரே நேரத்தில் நிறைய பேர் IRCTC ஆப் மூலமாக தட்கலில் டிக்கெட் புக்கிங் செய்வதால், பலருக்கும் இதில் டிக்கெட் கிடைப்பதில்லை.. ஆனால், இந்த கன்பார்ம் டிக்கெட் ஆப் மூலமாக குறிப்பிட்ட வழித்தடத்தில் இயங்கும் ரயில்களில் இன்று, நாளை மற்றும் நாளை மறுநாள் தட்கல் ஒதுக்கீட்டின்கீழ் கிடைக்கும் சீட்டுகளின் விவரங்களை தெரிந்து கொள்ளலாம்.. இதன் மூலம் எளிதாகவும் டிக்கெட் புக்கிங் செய்து கொள்ளலாம்.
இதனால், வெவ்வேறு ரயில் நம்பர்களை பதிவிட்டு கிடைக்கக்கூடிய சீட்டுகளை தேட வேண்டிய அவசியமில்லை.. ஒரே நேரத்தில், அதே ரூட்டில் இயங்கும் அனைத்து ரயில்களிலும் கிடைக்கும் டிக்கெட் விவரங்களையும் நீங்களே பார்க்க முடியும். எளிதாக டிக்கெட்டுகளையும் முன்பதிவு செய்யலாம். டிக்கெட் மட்டுமல்ல, ரயில் எண், பிஎன்ஆர், ரயில் அட்டவணை போன்ற தகவல்கள் ConfirmTicket செயலியில் கிடைக்கும்.
புக்கிங்: செல்போன் ஆப் மூலம் "கன்பார்ம் டிக்கெட்" ஆப்பில் எப்படி டிக்கெட் புக் செய்வது தெரியுமா? இதற்கு கீழ்க்கண்ட வழிமுறைகளை கையாண்டாலே போதும்.. ஒருசில நிமிடங்களிலேயே டிக்கெட் கிடைத்துவிடும்.
இதற்கு முதலில் கூகுள் ப்ளே ஸ்டோர் மற்றும் ஆப்பிள் ஆப் ஸ்டோருக்குள் நுழைந்து "கன்ஃபர்ம் டிக்கெட் ஆப்" என்ற செயலியை டவுன்லோடு செய்ய வேண்டும். பிறகு செயலிக்குள் சென்று, நீங்கள் எங்கே பயணம் செய்ய விரும்புகிறீர்களோ, அந்த இடத்தைத் தேர்வு செய்ய வேண்டும்..
பின்னர், பயணம் செய்யக்கூடிய நாள், உங்களுக்கான வகுப்பை தேர்ந்தெடுக்கவும்.. அடுத்ததாக, "Search" என்ற பட்டனை கிளிக் செய்ய வேண்டும்.. இப்போது நீங்கள் பயணம் செய்ய விரும்பும் வழித்தடத்தில் இயங்கும் அனைத்து ரயில்களின் தகவல்களும் கிடைக்கும்.
டிக்கெட்: இந்த ரயில்களில் உங்களுக்கு ஏற்ற ரயில் எது? சீட் என்ன? என்ன வகுப்பு தேவை? என்பதையெல்லாம் தேர்வு செய்ய வேண்டும்... பிறகு, டிக்கெட்டை முன்பதிவு செய்ய ஆன்லைனில் பணம் செலுத்த வேண்டும்.. இறுதியாக, உங்களுக்கு முன்பதிவு செய்யப்பட ரயில் டிக்கெட் குறித்த விவரம் செல்போன் மற்றும் மெயில் மூலம் உறுதி செய்யப்படும். இந்த சேவை தட்கல் டிக்கெட் முன்பதிவானது காலை 10 மணி முதல் திறக்கப்படும்.
Click it and Unblock the Notifications
Sign in with Google