தனுஷ் மருமகன் பவிஷின் பட தயாரிப்பாளர் தினேஷ் ராஜ் போதை பொருள் வழக்கில் கைது

சென்னை: போதை பொருள் வழக்கில் திரைப்பட தயாரிப்பாளர் தினேஷ் ராஜ் கைது செய்யப்பட்டுள்ளார். அவரை சென்னை திருமங்கலம் போலீஸார் கைது செய்து விசாரணை நடத்தி வருகிறார்கள்.

தனுஷின் அக்காள் மகன் பவேஷ் நடிப்பில் "லவ் ஓ லவ்" எனும் படம் இயக்கப்படுகிறது. இதன் தயாரிப்பாளர் தினேஷ் ராஜ். இவர் சென்னை திருமங்கலம் பகுதியில் போதை பொருள் விற்றதாக கிடைத்த தகவலின் பேரில் போலீஸார் அவரை கைது செய்துள்ளனர்.

சினிமா இணை தயாரிப்பாளர் கொடுத்த தகவலின் பேரில் தினேஷ் ராஜ் கைது செய்யப்பட்டார். இவர் வேறு ஏதேனும் பார்ட்டிகளுக்கோ அல்லது சினிமா பிரமுகர்களுக்கு போதை பொருள் விற்பனை செய்தாரா என விசாரணை நடத்தப்படுகிறது.

தினேஷ் ராஜ் ஏற்கெனவே "பிளாக்மெயில்" என்ற படத்தை தயாரித்துள்ளார். "லவ் ஓ லவ்" எனும் படத்தை கிரியேட்டிவ் என்டர்டெய்னர்ஸ் & டிஸ்ட்ரிபியூட்டர்ஸ் நிறுவனம் வழங்குகிறது. இந்த படத்தின் படப்பிடிப்புகள் விறுவிறுப்பாக நடந்து வருகிறது. இது இந்த தலைமுறைக்கு ஏற்ற காதல் படைப்பாக இருக்கக் கூடும் என எதிர்பார்க்கப்படுகிறது.