உயரே பறக்கும் காய் விலை.. 1 கி வெங்காயம் ரூ.80.. இந்த லிஸ்ட்டை பாருங்க.. சடசடனு சரியும் மீனின் விலை

சென்னை: புரட்டாசி மாசம் என்றாலே, மீன் விலை வீழ்ச்சி அடைந்துள்ள நிலையில், காய்கறிகளின் விலைகளோ, கணிசமாக உயர்ந்து, இல்லத்தரசிகளுக்கு அதிர்ச்சியை தந்து வருகிறது

தமிழ்நாட்டில் ஒவ்வொரு வருடமும் தமிழ் மாதமான புரட்டாசியில் ஆடு, மாடு, கோழி, கடல் உணவுகளின் விலை கடுமையாக சரிவடைவது வழக்கம்.. காரணம் புரட்டாசி மாதத்தில் பெரும்பாலானோர் அசைவ உணவை உண்ண மாட்டார்கள்..

புரட்டாசி மாதம்: அந்தவகையில், இந்த வருடமும் புரட்டாசி மாதம் தொடங்கியிருக்கிறது.. இதனால், ஆடு, மாடு, கோழி, முட்டை, மீன்களின் விலை குறைந்து காணப்பட்டு வருகிறது. இறைச்சியை குறைவான அளவிலேயே வாங்கி வியாபாரிகள் விற்பனை செய்யும் சூழலும் ஏற்பட்டுள்ளது. நேற்றுகூட, ராமேஸ்வர மீனவர்கள் கடலுக்கு சென்றுவந்தார்கள்.

மீன் வரத்து: கடல் கொந்தளிப்பு, மீன் வரத்து குறைவு போன்ற காரணங்களினால், பாம்பன் மீனவர்கள் 12 நாட்களுக்கு கடலுக்கு செல்லவில்லை.. கடந்த 8ம்தேதிதான், விசைப்படகுகளில் மீன் பிடிக்க போனார்கள்.. மன்னார் வளைகுடா ஆழ்கடலில் மீன்பிடித்து விட்டு நேற்று கரை திரும்பினார்கள். ஆனால், 12 நாட்களுக்கு பிறகு, எதிர்பார்த்த பெரிய ரக மீன்கள் எதுவுமே சிக்கவில்லையாம். எனவே, மீனுக்கு 10 முதல் 20 சதவீதம் வரை விலை குறைந்தது.

ஒரு கிலோ சிறிய ரக பாரை மீன் ரூ. 80 (பழைய விலை ரூ.100), ஊழி மீன் ரூ. 90 (ரூ. 110), நகரை மீன் ரூ.200 (ரூ.230), மாஊழா ரூ.200 ( ரூ. 250), காரல் ரூ.50 (ரூ.70), என வியாபாரிகள் வாங்கியதால் மீனவர்கள் பெரும் நஷ்டத்திற்கு ஆளானார்கள்.. அசைவ பிரியர்கள் சைவ உணவுக்கு மாறிவிட்டதால், மீன் விலை வீழ்ச்சி அடைந்துள்ளது.

எகிறிய விலை: ஆனால், காய்கறி விலையோ உச்சத்துக்கு எகிறிவிட்டது. அதிலும், கடந்த வாரத்தை ஒப்பிடும்போது, இந்த வாரம் காய்கறி மற்றும் பழங்களின் விலை ஏகத்துக்கும் உயர்ந்துவிட்டது.

இந்த லிஸ்ட்டை பாருங்க:

காய்கறி விலை பட்டியல்:
பீன்ஸ் - ரூ.70
அவரை - ரூ.60
கத்தரி - ரூ. 25
வெண்டைக்காய் - ரூ. 15
புடலங்காய் - ரூ.15
பீர்க்கங்காய் - ரூ.30
பச்சை மிளகாய் - ரூ.20
கேரட் ரூ. 40 வெங்காயம் - ரூ.80
சேனைக்கிழங்கு - ரூ.40
முருங்கைக்காய் - ரூ. 80
உருளைக்கிழங்கு - ரூ.25
பழங்கள் விலை:
ஆப்பிள் - ரூ.200
மாதுளை - ரூ. 250 சாத்துக்குடி - ரூ. 50
கமலா ஆரஞ்சு - ரூ.70
அண்ணாச்சி - ரூ.80
பட்டர் புரூட் - ரூ.120
சீதாப்பழம் - ரூ. 50

English summary

Fish Price Rate and What are the reasons for the sudden rise in the prices of vegetables and fruits in Tamil Nadu