Food: சுவையான ஈவினிங் ஸ்நாக்ஸுக்கு.. ஒரு கப் ஓட்ஸ் இருந்தா போதும்.. ருசியா செய்யலாம்!

Updated: Tuesday, February 18, 2025, 15:57 [IST]

Subscribe to Oneindia Tamil

சென்னை: அடடா.. மாலை நேரம் வந்தாலே, வீட்டில் இருக்கும் சிறியவர் முதல் பெரியவர் வரை ஸ்னாக்ஸ் கேட்டு தொல்லை செய்கிறார்களா? ஆரோக்கியமாகவும் வீட்டிலேயே சுலபமாக செய்யக்கூடிய ஒரு போண்டா ரெசிபியோட இன்னைக்கு வந்துருக்கேன்.

என்ன போண்டா அப்படின்னு யோசிக்கிறீங்களா? இதுவும் உங்கள் வீட்டில் இருக்கும் பொருட்களை வைத்தே சட்டென செய்ய கூடிய சிற்றுண்டி தான். இப்போது ஓட்ஸ் போண்டா செய்வதற்கு என்னென்ன தேவை பார்க்கலாமா..

தேவையான பொருட்கள்:

ஓட்ஸ் - 1 கப்

உளுத்தம் பருப்பு - 1/2 கப்

வெங்காயம் - 1

பச்சை மிளகாய் - 2

மிளகு, சீரகம் - தலா 1 டீஸ்பூன்

இஞ்சி - சிறு துண்டு

மல்லி இலை - கைப்பிடி

உப்பு, எண்ணெய் - தேவைக்கு

செய்முறை:

ஒட்ஸில் வெந்நீர் தெளித்து சிறிது நேரம் ஊற வைக்கவும். அதே சமயம் உளுந்தை நன்றாக கழுவி 1/2 மணி நேரம் ஊற வைத்து நைசாக அரைத்து எடுக்கவும். பின்னர் நறுக்கிய வெங்காயம், நறுக்கிய பச்சை மிளகாய், நறுக்கிய இஞ்சி , பொடியாக நறுக்கிய கொத்தமல்லி, தேவையான அளவு மிளகு, சீரகம், உப்பு சேர்த்து ஊறிய ஓட்ஸுடன் கலக்க வேண்டும். பின்னர் அரைத்து எடுத்த உளுந்து மாவுடன் இதை சேர்த்து நன்றாக கலந்து சிறு, சிறு போண்டாக்களாக உருட்டி எடுத்து கொள்ளவும்.

பின்னர் நன்றாக காய்ந்த எண்ணெயில் பொரித்து எடுத்தால் சுவையான சத்தான ஓட்ஸ் போண்டா ரெடி.

இதை தட்டில் எடுத்து கொஞ்சம் தேங்காய் சட்னியுடன் சாப்பிட இன்னும் வேண்டும் என விரும்பி கேட்டு சாப்பிடுவார்கள். (எழுதியவர், சென்னையை சேர்ந்த நமது வாசகி எம். வசந்தா)