சென்னைக்கு பக்கத்தில் திறந்தாச்சு டோல் கேட்.. மீண்டும் வசூல்.. விழிக்கும் வாகன ஓட்டிகள்!

சென்னை: இத்தனை நாட்களாக பழைய மகாபலிபுரம் சாலையில் சுங்க கட்டணம் இல்லாமல் பயணித்த நிலையில் தற்போது அடுத்த வாரம் முதல் சுங்க வரியை வசூலிக்க தமிழக சாலை மேம்பாட்டு கழகம் முடிவு செய்துள்ளது.

இதற்காக சென்னை அவுட்டர் ரிங் ரோடு, வரதராஜபுரம், கொலப்பஞ்சேரி (நசரத்பேட்டை அருகில்), நெமிலிசேரி மற்றும் சின்னமுல்லைவாயல் ஆகிய 4 இடங்களில் சுங்க வரி வசூல் செய்வது குறித்து சோதனை ஓட்டம் கடந்த வெள்ளிக்கிழமை வெற்றிகரமாக நடைபெற்றதை அடுத்து இனி அடுத்த வாரம் முதல் சுங்க கட்டணம் வசூலிக்கப்படுகிறது.

வண்டலூர் முதல் நெமிலிச்சேரி வரை ரூ 1,081 கோடி மதிப்பில் நெடுஞ்சாலை அமைக்கும் திட்டம் 1 தொடங்கியது. அது போல் நெமிலிச்சேரி முதல் மீஞ்சூர் வரை மற்றொரு சாலை அமைக்கும் திட்டமும் முடிவடைந்து மக்கள் போக்குவரத்திற்காக கடந்த பிப்ரவரி முதல் திறக்கப்பட்டது.

30 ஆயிரம் வாகனங்கள்

மேற்கண்ட 4 இடங்களில் சுங்கசாவடி அமைக்கப்பட்டுள்ளது. இந்த சாலைகளை நாள்தோறும் 30 ஆயிரத்திற்கும் மேற்பட்ட வாகனங்கள் பயன்படுத்தி வருகின்றன. அடுத்த வாரம் முதல் சுங்க கட்டணம் வசூலிக்க முடிவு செய்யப்பட்டுள்ளது. இதுகுறித்து தமிழக சாலை மேம்பாட்டு கழகத்தின் மூத்த அதிகாரி ஒருவர் கூறுகையில் மேற்கண்ட 4 இடங்களில் சுங்க வரி வசூலிக்க முடிவு செய்துள்ளோம்.

ரூ 40 வசூலிக்க

அடுத்த வாரம் தொடங்கவுள்ளதால் ஃபாஸ்ட் டேக் ஸ்கேனர்கள், சுங்க வரி வசூலிக்கும் முறை, சிசிடிவி கேமராக்கள் அனைத்தும் சரிவர இயங்குகிறதா என்பதை சோதனை செய்துவிட்டோம். சுங்க வரியை வசூலிக்க தனியார் அமைப்பு நியமிக்கப்பட்டுள்ளது. ஒரு வாகனத்திற்கு ரூ 40 வசூலிக்க திட்டமிட்டுள்ளோம். இறுதி விலை பட்டியல் இன்னும் முடிவாகவில்லை.

43 கோடி ரூபாய்

அந்த தனியார் நிறுவனம் ஆண்டுதோறும் ரூ 43 கோடி லாபம் பெறும் என்றார். இதுகுறித்து பட்டாமிராமை சேர்ந்த ஒருவர் கூறுகையில் சுங்க வரி வசூல் செய்யும் பகுதிகளில் 4 சாலைகள் கூடுகின்றன. இங்கு நிறைய தொழிற்பேட்டைகள் உள்ளன. எனவே கனரக வாகனங்கள் நிறைய இயக்கப்படும். எனவே சாலை பாதுகாப்பு குறித்து அரசு கவனம் செலுத்த வேண்டும்.

எந்த சாலைகள் இணைப்பு

சுங்க கட்டணம் வசூலிக்கும் சாலைகளை தமிழக அரசு சரியாக பராமரிக்க வேண்டும் என்றார். சென்னை அவுட்டர் ரிங் ரோடு என்பது வண்டலூரையும் மீஞ்சூரையும் இணைக்கும் சாலை. இதன் நீளம் 60 கி.மீ. கட்டுமான கட்டணம் ரூ 2,156 கோடியாகும்.

English summary

From Next week onwards Toll collection on Chennai Outer Ring road will be started.