இன்ஜினியரிங் கவுன்சலிங்... வீட்டில் இருந்தபடியும் இன்று முதல் விண்ணப்பிக்கலாம்

சென்னை: B.E., /B.Tech., கவுன்சலிங் ஆன்லைன் விண்ணப்ப பதிவை tneaonline.in என்ற இணையதளத்தில் இன்று முதல் இலவசமாக பதிவு செய்து கொள்ளலாம்.

அண்ணா பல்கலைக்கழகம், உயர்கல்வித்துறை இடையேயான கருத்து முரண்பாட்டால், இந்த ஆண்டு தொழில்நுட்ப கல்வி இயக்ககம் இன்ஜினியரிங் கவுன்சலிங்கை நடத்துகிறது. இந்த ஆண்டு கவுன்சலிங்குக்கு வீட்டில் இருந்தபடியும், 42 இன்ஜினியரிங் கவுன்சலிங் உதவி மையங்களிலும் இணையதளத்தில் (www.tndte.gov.in, www.tneaonline.in) இன்று முதல் விண்ணப்பிக்கலாம்.

இணையதளத்தில் விண்ணப்பிக்க வசதி இல்லாத மாணவர்கள் விண்ணப்பிப்பதற்காகவும், சான்றிதழ் சரிபார்ப்புக்காகவும் இன்ஜினியரிங் கவுன்சலிங் உதவி மையங்கள் அமைக்கப்பட்டுள்ளது. இந்நிலையில் கவுன்சலிங்குக்கு இணையதளத்தில் விண்ணப்பித்தல் இன்று (மே 2ம் தேதி) தொடங்கி மே 31ம் தேதி முடிகிறது.

தொடர்ந்து, ஜூன் 3ம் தேதி ரேண்டம் எண் வெளியிடப்படும். ஜூன் 6ம் முதல் 11ம் தேதி வரை சான்று சரிபார்க்கும் பணி நடக்கும். ஜூன் 17ம் தேதி கவுன்சலிங்கில் பங்கேற்க தகுதியுள்ள மாணவர்களுக்கான தரவரிசைப் பட்டியல் (ரேங்க் பட்டியல்) வெளியிடப்படும். ஜூன் 20ம் தேதி சிறப்பு பிரிவு (மாற்றுத்திறனாளிகள், முன்னாள் ராணுவத்தினர், விளையாட்டு வீரர்கள்) கலந்தாய்வு தொடங்கும்.

பொதுப் பிரிவினருக்கான கவுன்சலிங் ஜூலை 3ம் தேதி தொடங்குகிறது. 5 கட்டங்களாக பிரிக்கப்பட்டு ஆன்லைனில் பொதுப்பிரிவு கவுன்சலிங் நடைபெறும். ஜூலை 30ம் தேதிக்குள் இன்ஜினியரிங் கவுன்சலிங்கை நடத்தி முடிக்க திட்டமிடப்பட்டுள்ளது.

English summary

Engineering Counseling: From today you can apply from Home