சீமானை கண்டித்து டிவீட் போட்ட காயத்ரி ரகுராம்.. கொந்தளித்த நெட்டிசன்கள்

சீமானுக்கு கண்டனம் தெரிவித்து காயத்ரி ரகுராம் ட்வீட் ஒன்றினை பதிவிட்டுள்ளார்.

சென்னை: சீமானுக்கு கண்டனம் தெரிவிப்பதாக நினைத்து கொண்டு ட்வீட் பதிவிட்ட காயத்ரி ரகுராமை நெட்டிசன்கள் கழுவி கழுவி ஊற்றி வருகிறார்கள்.

பாகிஸ்தான் மீது போர் தொடுக்கக்கூடாது என நாம் தமிழர் கட்சியின் தலைமை ஒருங்கிணைப்பாளர் சீமான் பேசியிருப்பதால் அவரது இந்திய குடியுரிமையை ரத்து செய்ய வேண்டும் என பாஜகவை சேர்ந்த நடிகை காயத்ரி ரகுராம் ஆவேசமாக பதிவிட்டுள்ளதற்கு பரபரப்பான விவாதத்தை கிளப்பி வருகிறது.

புல்வாமா தாக்குதலில் 49 சிஆர்பிஎப் வீரர்கள் கொல்லப்பட்டனர். இதற்கு பாகிஸ்தான் காரணம் என்றும், அந்நாட்டின் மீது உரிய நடவடிக்கையை உடனே எடுத்தாக வேண்டும் என்றும் பல்வேறு தரப்பினர் கண்டனமும் கோரிக்கையும் வைத்து வருகின்றனர்.

கோழைத்தனம்

இந்த நாம் தமிழர்கட்சி ஒருங்கிணைப்பாளர் சீமான் பாகிஸ்தானுக்கு ஆதரவாக முன்பு ஒருமுறை பேட்டி அளித்திருந்தார். அதில், 'பாகிஸ்தான் ஒரு அப்பாவி நாடு. பாகிஸ்தான் மீது போர் தொடுப்பது கோழைதனம்' என்று சொல்லி இருந்தார். அந்த பேச்சினை இந்த சமயத்தில் இந்துத்துவ அமைப்பினர் வீடியோவாக வெளியிட்டு வைரலாக்கி வருகின்றனர்.

Seeman what did he do for u people? Other than spread hate? Did he save Tamil ppl? Did he do any good for u? Mention one? He initiates protest and problem hide away when it becomes a problem. He tells lies nothing that u can rely on. Or at least did he help Elam Tamilar? Tell 1.

— Gayathri Raguramm (@gayathriraguram) February 17, 2019

குடியுரிமை

சீமானின் இந்த வீடியோவிற்கு நடிகை காயத்ரி ரகுராம் ஒரு ட்வீட் பதிவிட்டுள்ளார். அதில், "சீமான் மக்களுக்கு என்ன செய்தார்? தமிழ் மக்களை காப்பாற்றினாரா? எந்தவொரு நன்மையையும் செய்தாரா? ஏதாவது ஒன்றை சொல்ல முடியுமா? இந்தியாவை விட்டு சீமான் வெளியேறி பாகிஸ்தானில் குடியேற வேண்டும். சீமானின் இந்திய குடியுரிமையை ரத்து செய்ய வேண்டும்" என பதிவிட்டுள்ளார்.

நெட்டிசன்கள்

காயத்ரி ரகுராமுக்கு ஆதரவாக சில கமெண்டுகள் பதிவானாலும், கடுமையாக விமர்சித்தே பல கமெண்ட்கள் குவிகின்றன. குறிப்பாக நாம் தமிழர் கட்சியினர் காயத்ரி ரகுராம் குறித்து கடுமையாக பதிவுகளை போட்டு வருகின்றனர்.

சம்பந்தம் இல்லை

எப்போதோ பேசிய வீடியோவை இப்போது இணைத்து பேசுவதா என்றும் இந்த தாக்குதலுக்கு வேறு ஒரு அமைப்பு பொறுப்பேற்ற நிலையில் பாகிஸ்தானுக்கும் இதற்கும் சம்பந்தம் இல்லை என்று விளக்கமளித்து காயத்ரி ரகுராமை வெளுக்க தொடங்கி உள்ளனர். இதனால் நாம் தமிழர் கட்சியினருக்கு பதிலளிக்க முடியாமல் காயத்ரி குமுறிக் கொண்டிருக்கிறார்.

உறுப்பினர் இல்லை

பாஜகவுக்கு ஆதரவாக பேசுவதாக நினைத்து கொண்டு காயத்ரி ரகுராம் சீமானுக்கு எதிராக இப்படி ஒரு பதிவை போட்டுள்ளார் எனினும், பாஜகவிற்கும் காயத்ரிக்கும் எந்த தொடர்பும் இல்லை என்றும், உறுப்பினராக கூட இல்லாத அவரை எப்போதோ பாஜகவில் இருந்து நீக்கிவிட்டோம் என்று தமிழிசை சவுந்தராஜன் சில மாதங்களுக்கு முன்பு சொன்னது நினைவிருக்கலாம்.

English summary

Naam Thamizhar Seeman supporters slam Gayathri raguram's Kashmir attack tweet