Gold Rate: ஆஹா தங்கத்தின் விலை இன்னிக்கு குறைஞ்சிடுச்சே!.. ஒருவேளை புலி பதுங்குறதே பாயத்தானோ!

சென்னை: சென்னையில் 22 காரட் ஆபரணத் தங்கத்தின் விலை கிராம் ஒன்றுக்கு ரூ 48 ரூபாய் குறைந்துள்ளது. அது போல் சவரனுக்கு ரூ 384 குறைந்துள்ளதால் மக்கள் மகிழ்ச்சியடைந்தனர். எனினும் இனி பண்டிகை காலம் என்பதால் விலை உயரக் கூடும் என எதிர்பார்க்கப்படுகிறது.

ஏற்கெனவே கொரோனாவால் பொருளாதாரம் வீழ்ச்சி அடைந்துள்ள நிலையில் தற்போது தங்கத்தின் விலை நாள் தோறும் அதிகரிப்பதும் குறைவதுமாக இருந்தது. கடந்த மாதம் முழுவதும் தங்கத்தின் விலை ஏறுமுகமாகவே இருந்து வந்தது.

இந்த நிலையில் இந்த மாதத்தின் முதல் நாளான நேற்று விலையேற்றம் இருந்தது. ஆனால் இன்று அதன் விலை குறைந்துள்ளது. சென்னையில் ஒரு கிராம் ஆபரணத் தங்கத்தின் விலை நேற்று ரூ 4,964க்கு விற்பனையானது.

சவரன்

ஆனால் இன்றைய தினம் கிராமுக்கு ரூ 48 குறைந்து ஒரு கிராமின் விலை ரூ 4,916 க்கு விற்பனையாகிறது. அது போல் சவரன் ஒன்றுக்கு 384 ரூபாய் குறைந்துள்ளது. நேற்று ஒரு சவரன் ரூ 39,712க்கு விற்பனையானது. ஆனால் இன்று சவரன் ரூ 39,328க்கு விற்பனையாகிறது.

தூயத் தங்கம்

அது போல் 24 காரட் ஆபரணத் தங்கத்தின் விலையும் குறைந்துள்ளது. ஒரு கிராம் நேற்று ரூ 5212 விற்கப்பட்ட நிலையில் இன்று ரூ 5,164 க்கு விற்பனை செய்யப்படுகிறது. ஒரு சவரன் தங்கத்தின் விலை ரூ41,696க்கு விற்கப்பட்ட நிலையில் இன்று 41,312 க்கு விற்பனையாகிறது.

புதுவையில் விலை

மும்பையில் ஒரு கிராம் 5,018க்கும், பெங்களூரில் ரூ 4,874 க்கும், ஹைதராபாத்தில் ரூ 4,962க்கும், கேரளாவில் ரூ 4,706க்கும். டெல்லியில் ரூ 5,066க்கும் கொல்கத்தாவில் ரூ 5050க்கும் விற்பனையாகிறது. யூனியன் பிரதேசமான புதுச்சேரியில் ஒரு கிராம் தங்கத்தின் விலை ரூ 4,975 ஆக உயர்ந்துள்ளது.

வெள்ளி விலையும் குறைவு

அது போல் வெள்ளியின் விலையும் குறைந்துள்ளது. ஒரு கிராம் வெள்ளியின் விலை நேற்று ரூ 76.70 ஆக இருந்த நிலையில் இன்று ரூ 74.90-க்கு குறைக்கப்பட்டுள்ளது. ஒரு கிலோ வெள்ளி 74,900 ரூபாய்க்கு விற்பனை செய்யப்படுகிறது. இதனால் மக்கள் மகிழ்ச்சி அடைந்தனர்.

English summary

Gold price: Gold price and silver price declines today. One gram of gold in chennai sold for Rs 4,916.