மீண்டும் மீண்டுமா? இன்றும் தங்கம் விலை உயர்வு.. சென்னையில் இன்றைய நிலவரம் இதோ!

சென்னை: தங்கம் விலை மீண்டும் உயர்வைக் கண்டுள்ளது. சென்னையில் 22 காரட் ஆபரண தங்கத்தின் விலை சவரனுக்கு ரூபாய் 80 அதிகரித்து ரூ.56,880க்கு விற்பனை செய்யப்படுகிறது. ஒரு கிராம் ஆபரண தங்கம் ரூபாய் 7,110 க்கு விற்பனை செய்யப்படுகிறது.

சர்வதேச சந்தை வர்த்தகத்தின் அடிப்படையில் தங்கம் விலை நாள்தோறும் நிர்ணம் செய்யப்பட்டு வருகிறது. தங்கம் விலை இந்த ஆண்டின் ஏப்ரல் மாதவாக்கில் புதிய உச்சத்தை தொட்ட நிலையில் அதன்பிறகு ஏற்ற இறக்கங்களுடன் இருந்து வந்தது.

கடந்த ஜூலை மாதம் தாக்கல் செய்யப்பட்ட மத்திய அரசின் பட்ஜெட்டில் அறிவிக்கப்பட்ட இறக்குமதி சுங்க வரி குறைப்பால் தங்கம் விலை சரிந்தது. அமெரிக்க ஃபெடரல் வங்கி வைப்பு நிதிக்கான வட்டி விகிதத்தை குறைத்த அறிவிப்பு வெளியானதை தொடர்ந்து, விலை சரிவு நின்று, அதன்பிறகு வேகமாக தங்கம் விலை உச்சம் தொட்டு வருகிறது.

கடந்த செப்டம்பர் 28ஆம் தேதி சனிக்கிழமை 22 கேரட் ஆபரணத் தங்கத்தின் விலை சவரனுக்கு ரூ.56,760-க்கு விற்பனை செய்யப்பட்டது. ஒரு கிராம் தங்கம் விலை ரூ.7,095-க்கு விற்பனையானது. செப்டம்பர் 30 ஆம் தேதி ஒரு கிராம் ஆபரணத் தங்கத்தின் விலை ரூ. 15 குறைந்தது. அதன்படி, ஒரு சவரன் ரூ.56,640க்கு விற்பனை செய்யப்பட்டது.

அக்டோபர் 1 ஆம் தேதி ஆபரணத் தங்கம் விலை சவரனுக்கு ரூ.240 குறைந்தது. ஒரு சவரன் ரூபாய் 56,400க்கு விற்பனை செய்யப்பட்டது. நேற்று சென்னையில் ஒரு கிராம் ஆபரண தங்கம் ரூபாய் 50 அதிகரித்தது. ஒரு சவரன் ஆபரணத் தங்கம் ரூபாய் 400 அதிகரித்து, ரூபாய் 56,800க்கு விற்பனை செய்யப்பட்டது.

இன்று மீண்டும் தங்கம் விலை உயர்ந்துள்ளது. சென்னையில் தங்கம் விலை இன்று சவரனுக்கு 80 ரூபாய் உயர்வைச் சந்தித்துள்ளது. சென்னையில் ஆபரண தங்கம் விலை ஒரு கிராம் ரூ. 7,110 க்கு விற்பனை செய்யப்படுகிறது. ஆபரண தங்கம் விலை ஒரு சவரன் ரூ.56,880 ரூபாய்க்கு விற்பனையாகிறது.

நாளுக்கு நாள் விலை உயர்ந்து, ஒரு சவரன் தங்கம் விலை 57 ஆயிரத்தை நெருங்கி வருவதால், தங்க நகைகளை விரும்பும் இல்லத்தரசிகள், பொதுமக்கள் கவலையடைந்துள்ளனர்.

24 காரட் தங்கத்தின் விலை கிராமுக்கு ரூ.7,746 ஆக உள்ளது குறிப்பிடத்தக்கது. அதேசமயம், வெள்ளி விலையைப் பொறுத்தவரை, விலை மாற்றமின்றி கிராம் ரூ.101க்கு விற்பனை செய்யப்படுகிறது. வெள்ளி ஒரு கிலோ ரூ.1,01,000-க்கு விற்பனை செய்யப்படுகிறது.

English summary

Gold prices have seen a rise again. In Chennai, the price of 22 carat Jewelry gold increased by Rs 80 to Rs 56,880. A gram of jewelery gold is selling at Rs 7,110.