சீசா போல் ஏறி இறங்கும் தங்கத்தின் விலை.. சென்னையில் இன்றைய விலை எவ்வளவு?
சென்னை: சென்னையில் 22 காரட் ஆபரணத் தங்கத்தின் விலை இன்று கிராம் ஒன்றுக்கு ரூ 72 குறைந்துள்ளது. இதன் மூலம் ஒரு சவரன் ரூ 40,672 க்கு விற்பனையாகிறது.
பணவீக்கம் அதிகரிக்க முக்கிய காரணியாக கருதப்படுவது தங்கம்தான். இந்த தங்கத்தின் மீது மக்கள் அதிக அளவில் முதலீடு செய்கிறார்கள். இதன் மேல் செய்யும் முதலீடு என்றும் வீண் போகாது என்பதே அனைவரின் நம்பிக்கையாகும்.
இந்த தங்கத்தின் விலை தினமும் ஏறுவதும் இறங்குவதுமாக இருந்து வருகிறது. இன்றைய தினம் தங்கத்தின் விலை குறைந்துள்ளது. சென்னையில் 22 காரட் தங்கத்தின் விலை ஒரு கிராமுக்கு ரூ 72 குறைந்து ரூ 5,084 க்கு விற்பனையாகிறது. ஒரு சவரன் தங்கத்தின் விலை ரூ 576 குறைந்து ரூ 40,672 க்கு விற்பனையாகிறது.
அது போல் சென்னையில் 24 காரட் தங்கத்தின் விலை ஒரு கிராமுக்கு ரூ 78 குறைந்து ரூ 5,546 க்கு விற்பனையாகிறது. ஒரு சவரன் தங்கத்தின் விலை ரூ 624 குறைந்து ரூ 44,368 க்கு விற்பனையாகிறது.
இன்றைய வெள்ளியின் நிலவரம் கிராம் ஒன்று ரூ 67 க்கு விற்பனையாகிறது. ஒரு கிலோ வெள்ளியின் விலை ரூ 67,000க்கு விற்பனை செய்யப்படுகிறது. இனி வருவது பண்டிகை காலங்கள், சுபமுகூர்த்த காலங்கள் என்பதால் தங்கத்தின் விலை மேலும் அதிகரிக்கும் என கூறப்படுகிறது.
Click it and Unblock the Notifications
Sign in with Google