Gold Rate Today: சென்னையில் தங்கம் விலையில் சரிவு! பட்ஜெட் அன்று ஏறினாலும் இன்று இறங்கிடுச்சே!

சென்னை: சென்னையில் தங்கம் விலை இன்று (பிப்ரவரி 3-ஆம் தேதி) சவரனுக்கு ரூ 680 சரிந்துள்ளதால் ஒரு சவரன் தங்கம் ரூ 61,640-க்கு விற்பனை செய்யப்படுகிறது. அது போல் ஒரு கிராம் வெள்ளியின் விலை ரூ 107 -க்கு விற்பனையாகிறது.

சென்னையில் பிப்ரவரி 1-ஆம் தேதி காலை தங்கம் விலை சவரனுக்கு ரூ 120 உயர்ந்து ஒரு சவரன் தங்கம் ரூ 61,960-க்கும், கிராமுக்கு ரூ 15 உயர்ந்து ஒரு கிராம் தங்கம் ரூ 7745-க்கும் விற்பனையானது. வெள்ளி விலையிலும் மாற்றமில்லாமல் ஒரு கிராம் வெள்ளி ரூ.107-க்கு விற்பனை செய்யப்படுகிறது.

இந்த நிலையில் மத்திய பட்ஜெட் எதிரொலியாக தங்கம் விலை சவரனுக்கு ரூ 360 உயர்ந்து ஒரு சவரன் ரூ 62,320-க்கு விற்பனை செய்யப்படுகிறது. ஒரு கிராமுக்கு ரூ 45 உயர்ந்து கிராம் ரூ 7790 க்கு விற்பனையாகிறது.

இன்று பிப்ரவரி 3-ஆம் தேதி தங்கம் விலை சவரனுக்கு ரூ 680 சரிந்துள்ளதால் ஒரு சவரன் தங்கம் ரூ 61,640-க்கும் ஒரு கிராம் ரூ 7705-க்கும் விற்பனையாகிறது. வெள்ளி விலை மாற்றமில்லாமல் கிராம் ரூ 107-க்கு விற்பனை செய்யப்படுகிறது.

சர்வதேச சந்தை வர்த்தகத்தின் அடிப்படையில்தான் தங்கம் விலையில் ஏற்றமும் இறக்கமும் செய்யப்படுகிறது. அந்த வகையில் இந்த ஆண்டின் முதல் நாளே தங்கம் விலையில் அதிரடியாக உயர்ந்திருந்தது.

சென்னையில் 22 கேரட் தங்கம் விலை நிலவரம்:

02.02.2025- ஒரு சவரன் ரூ.62,320
01.02.2025- ஒரு சவரன் ரூ.62,320 (பட்ஜெட்டுக்கு பின்)
01.02.2025- ஒரு சவரன் ரூ.61,960 (பட்ஜெட்டுக்கு முன்)
31.01.2025- ஒரு சவரன் ரூ.61,840
30.01.2025- ஒரு சவரன் ரூ.60,880
29.01.2025- ஒரு சவரன் ரூ.60,760
28.01.2025- ஒரு சவரன் ரூ.60,080
27.01.2025- ஒரு சவரன் ரூ.60,320
26.01.2025- ஒரு சவரன் ரூ.60,440

பிப்ரவரி மாதம் 1 ஆம் தேதியே நகைப்பிரியர்களுக்கு அதிர்ச்சி அளிக்கும் வகையில் அமைந்துவிட்டது. நேற்று முன் தினம் சவரன் ரூ 960 உயர்ந்த நிலையில் நேற்று ஒரே நாளில் 480 ரூபாய் உயர்ந்து கடந்த இரு நாளில் சவரனுக்கு ரூ 1440 உயர்ந்துள்ளது.

கடந்த ஆண்டு பட்ஜெட்டின் போது தங்கத்தின் மீதான வரி குறைந்ததால் அன்று மாலையே தங்கத்தின் விலையும் குறைந்தது. ஆனால் இந்த முறை பட்ஜெட்டில் தங்கம் விலை குறைப்பு குறித்து எந்த அறிவிப்பும் இல்லாததால் தங்கம் விலை உயர்ந்துள்ளது.

ஜனவரி மாதத்தில் கடந்த 30 நாட்களில் கடந்த 1-ஆம் தேதி மட்டுமே தங்கத்தின் விலை குறைந்திருந்தது. தங்கம் விலை உச்சபட்சமாக கடந்த 31ஆம் தேதி விற்பனை செய்யப்படுகிறது. அதாவது முதல்முறையாக சவரன் ரூ 62 ஆயிரத்தை நெருங்கியது. அது போல் பிப்ரவரி மாதம் பிறந்ததுமே சவரன் விலை புதிய உச்சத்தை தொட்டது.

English summary

Gold Rate Today (தங்கம் விலை இன்று) [3rd February 2025]: சென்னையில் தங்கம் விலையில் இன்று (பிப்ரவரி 3-ஆம் தேதி) சவரனுக்கு ரூ 680 சரிவு ஏற்பட்டதால் ஒரு சவரன் தங்கம் ரூ 61,640-க்கு விற்பனை செய்யப்படுகிறது. அது போல் ஒரு கிராம் தங்கம் ரூ 7705-க்கு விற்பனை செய்யப்படுகிறது.