ஹோட்டலுக்கு சாப்பிட, ஆர்டர் பண்ண போறீங்களா.. தக்காளியால் வந்த குட் நியூஸ்.. அடியோடு மாறிடுச்சே!

சென்னை: தக்காளி விலை கொஞ்சம் கொஞ்சமாக சரிய தொடங்கி உள்ளது. தக்காளி விலையுடன் சேர்த்து பல அத்தியாவசிய பொருட்களின் விலையும் சரிய தொடங்கி உள்ளது.

கடந்த 3 வாரமாக இந்தியா முழுக்க அத்தியாவசிய பொருட்களின் விலை உயர்ந்து வந்தது. முக்கியமாக வெங்காயம், தக்காளி விலை வேகமாக உயர்ந்து வந்தது. தமிழ்நாட்டிலும் கடந்த ஒரு வாரமாக தக்காளி விலை தொடர்ந்து உயர்ந்து வந்தது.

தக்காளி விலை உயர்விற்கு நிறைய காரணங்கள் உள்ளன. போதுமான உற்பத்தி இல்லை, மழை காரணமாக தக்காளிகள் அழுகியது, மழையால் போக்குவரத்து தடை பட்டு தக்காளி விலை உயர்ந்தது, பெட்ரோல், டீசல் விலை உயர்வு, பொதுவாக உயரும் பணவீக்கம், மக்கள் அச்சம் காரணமாக அதிக அளவு தக்காளிகளை வாங்கியது ஆகியவை தக்காளி விலை உயர்விற்கு காரணமாக அமைந்தது.

கடந்த ஒரு வாரத்திற்கு முன்பு அபரிமிதமாக அதிகரிக்கத் தொடங்கிய தக்காளியின் விலை, ஐந்து ஆண்டுகளுக்குப் பிறகு, தமிழ்நாட்டில் ₹100ஐ எட்டியது.

ஜூன் 12ம் தேதி கிலோ ₹20 ஆக இருந்தது. அதுவே தற்போது வேகமாக உயர்ந்து ஒரு கிலோவுக்கு ₹150 என்ற விலையில், தக்காளி சந்தையில் விற்கப்பட்டது. நேற்று 20 ரூபாய் குறைந்து 130 ரூபாய் விற்கப்பட்ட தக்காளி நேற்று வரை ரூபாய் 110க்கு விற்பனை செய்யப்பட்டது. இந்த நிலையில்தான் தக்காளியின் விலை தற்போது சட்டென சரிய தொடங்கி உள்ளது.

சென்னை கோயம்பேடு சந்தையில் தக்காளி விலை 100 ரூபாய்க்கு கீழே குறைந்து ரூ.90-க்கு விற்பனை செய்யப்படுகிறது. தக்காளி விலை குறைவு காரணமாக உணவு பொருட்களின் விலையும் குறையும் வாய்ப்பு உள்ளது. முக்கியமாக ஹோட்டல்களில் தற்காலிகமாக உயர்த்தப்பட்ட தக்காளி சார்ந்த உணவு வகைகள் எல்லாம் மீண்டும் விலை சரியும் வாய்ப்புகள் உள்ளன.

பல இடங்களில் பொருட்களின் விலை உயர்வால் ஹோட்டல்களில் விலை ஏற்றம் செய்யப்பட்டது. ஆனால் தற்போது தக்காளி விலை மட்டுமின்றி மற்ற அடிப்படை பொருட்களின் விலையும் சரிவதால் உணவு பொருட்களின் விலை குறையும் சூழ்நிலை ஏற்பட்டு உள்ளது.

பின்வரும் பொருட்களின் விலையும் சட்டென சரிந்துள்ளது.

•இஞ்சி -≈230
• பூண்டு -200
• வண்ண குடமிளகாய் -180
• சின்ன வெங்காயம் - 170
• நவீன் தக்காளி 120
• தக்காளி -90
• பீன்ஸ் -80
•பச்சைகுடமிளகாய் -70
•பச்சை மிளகாய் -65
• வாழைதண்டு -60
• ஊட்டி கேரட் - 50
• காராமணி -50
•பாவக்காய் 50
• அவரைக்காய் -50
• சேனைக்கிழங்கு -45
• பீர்க்கங்காய் -45
• எலுமிச்சை -40
• பீட்ரூட் -40
• முருங்ககாய் -40
• வெண்டைக்காய் -35
• உஜாலா கத்திரிக்காய் -35
• சேமகிழங்கு -35
• கொத்தவரங்காய் -30
• உருளை - 20
• தேங்காய் - 27
• வெங்காயம் - 22 ரூபாய்க்கு விற்பனை ஆகிறது. இதனால் வரும் நாட்களில் உணவு பொருட்களின் விலையும் சரியும் வாய்ப்புகள் உள்ளன.

English summary

Good news for restaurants goers: Tomatoes and other vegetable's prices are going down