திருநெல்வேலி, நாகர்கோவில் ரயில் பயணிகளுக்கு நல்ல செய்தி.. சென்னை திரும்புவதும் ரொம்ப ஈஸியாகுது!

சென்னை: சென்னை சென்ட்ரல்-நாகர்கோவில், தாம்பரம் - நாகர்கோவில் உள்பட பல்வேறு சிறப்பு ரயில்கள் மே 30-ந்தேதி வரை நீட்டிக்கப்படுவதாக தெற்கு ரயில்வே அறிவித்துள்ளது.

கோடைக்காலத்தை முன்னிட்டு பலரும் சொந்த ஊர் செல்வது, திரும்பவும் சென்னை வருவது என அடிக்கடி பயணம் மேற்கொள்வார்கள்.இதுதவிர சுற்றுலாவிற்காகவும் பல்வேறு இடங்களுக்கு மக்கள் பயணிப்பார்கள். இவர்களின் வசதிக்காக சிறப்பு ரயில்கள் கோடைக்காலங்களில் அறிவிக்கப்படுவது வழக்கம். அந்த வகையில் சிறப்பு ரயில்களை அறிவித்திருந்து ரயில்வே.. இந்நிலையில் சிறப்பு ரயில்களை மே 30ம் தேதி வரை நீட்டித்துள்ளது.

இதுபற்றி தெற்கு ரயில்வே வெளியிட்டுள்ள செய்திக்குறிப்பில் கூறியுள்ளதாவது: பயணிகளின் வசதிக்காக நாகர்கோவில்- தாம்பரம், சென்னை சென்ட்ரல்- கேரள மாநிலம் கொச்சுவேலி, சென்டரல்-நாகர்கோவில் இடையிலான வாராந்திர சிறப்பு ரயில்களின் சேவை மே 30-ந் தேதி வரை நீட்டிக்கப்படுகிறது.

அதன்படி, நாகர்கோவிலில் இருந்து தாம்பரம் வரும் வாராந்திர சிறப்பு ரயில் (வண்டி எண்-06012) மே 5-ந்தேதியில் இருந்து 26-ந் தேதி (ஞாயிற்றுக்கிழமை) வரை நீட்டிக்கப்படுகிறது. மேலும், தாம்பரத்தில் இருந்து நாகர்கோவில் செல்லும் வாராந்திர சிறப்பு ரயில் (06011) மே 6-ந்தேதி முதல் 27-ந் தேதி வரை (திங்கட்கிழமை) நீட்டிக்கப்படுகிறது.

அதே போல, சென்னை சென்ட்ரலில் இருந்து கொச்சுவேலி செல்லும் வாராந்திர எக்ஸ்பிரஸ் ரயில் (06043) மே 1-ந்தேதியில் இருந்து 29-ந்தேதி வரை (புதன்கிழமை) நீட்டிக்கப்படுகிறது. மறுமார்க்கமாக, கொச்சுவேலியில் இருந்து சென்னை சென்ட்ரல் வரும் வாராந்திர எக்ஸ்பிரஸ் ரயில் (06044) மே 2-ந்தேதியில் இருந்து 30-ந்தேதி வரை (வியாழக்கிழமை) நீட்டிக்கப்படுகிறது.

நாகர்கோவிலில் இருந்து சென்னை சென்ட்ரல் வரும் சிறப்பு ரயில் (06019) மே 5-ந்தேதியில் இருந்து 19-ந்தேதி வரை (ஞாயிற்றுக்கிழமை) நீட்டிக்கப்படுகிறது. மறுமார்க்கமாக, சென்னை சென்ட்ரலில் இருந்து நாகர்கோவில் செல்லும் சிறப்பு ரயில் (06020) மே 6-ந்தேதியில் இருந்து 20-ந்தேதி வரை (திங்கட்கிழமை) நீட்டிக்கப்படுகிறது.

நாகர்கோவிலில் இருந்து சென்னை சென்ட்ரல் வரும் சிறப்பு ரயில் (060231) மே 12-ந் தேதியில் இருந்து 26-ந் தேதி வரை (ஞாயிற்றுக்கிழமை) நீட்டிக்கப்படுகிறது. மறுமார்க்கமாக, சென்னை சென்ட்ரலில் இருந்து நாகர்கோவில் செல்லும் சிறப்பு ரயில் (06022) மே 13-ந்தேதியில் இருந்து 27-ந்தேதி வரை (திங்கட்கிழமை) நீட்டிக்கப்படுகிறது" இவ்வாறு அதில் கூறப்பட்டுள்ளது.

English summary

Southern Railway has announced that various special trains including Chennai Central-nagercoiland Tambaram-nagercoilwill be extended till May 30.