ஸ்டாலின் மாதிரி மோசமான நபரை நான் பார்த்ததே இல்லை.. கலாச்சாரத்துக்கு இவர் எதிரி.. எச். ராஜா கோபம்

முக ஸ்டாலின் இந்த மண்ணுக்கு எதிரி என்று எச்ராஜா கூறியுள்ளார்

சென்னை: "உங்களுக்கு எல்லாம் என்னடா இருக்குது? மானங்கெட்ட பயலுகளா.. ஸ்டாலின் மாதிரி மோசமான நபரை நான் பார்த்ததே இல்லை.. இந்து மதம்-ன்னா என்ன வேணும்னாலும் பேசலாமா? திமுக இப்போது திகவாகவும், முஸ்லீம் லீக் ஆகவும் மாறிவிட்டது... ஸ்டாலின் இந்த நாட்டின் கலாச்சாரம் தொன்மை ஆகியவற்றை நீங்கள் கொச்சைப் படுத்தினாலோ, கேள்வி எழுப்பினாலோ அதற்கான விளைவை சந்திக்க வேண்டிய நிலை ஏற்படும்" என்று பாஜக மூத்த தலைவர் எச்.ராஜா காட்டமான எச்சரிக்கை விடுத்துள்ளார்.

தஞ்சை பெரிய கோயிலில் பிப்ரவரி 5 அதாவது நாளை, குடமுழுக்கு விழா நடைபெற உள்ளது.. இதற்கான ஏற்பாடுகளும் மிக தீவிரமாக நடந்து வருகின்றன.

இந்த குடமுழுக்கு நிகழ்ச்சியை தமிழில் நடத்த வேண்டும் என்று திமுக தலைவர் முக ஸ்டாலின் உட்பட பல்வேறு தலைவர்கள் தமிழக அரசுக்கு கோரிக்கை விடுத்து வருகின்றனர். இந்த வேண்டுகோளுக்கு பாஜக தேசிய செயலாளர் எச்.ராஜா கண்டனம் தெரிவித்துள்ளார்.. சமீபத்தில் செய்தியாளர்களை சந்தித்தபோது அவர் சொன்னதாவது:

குரான்

"ஸ்டாலின் மாதிரி ஒரு மோசமான நபரை நான் பார்த்ததே இல்லை. அவர் இந்த மண்ணுக்கு எதிரி, இந்த மண்ணின் கலாச்சாரத்திற்கு எதிரி, பண்பாட்டுக்கு எதிரி. ஏன்னு சொன்னா, குரான் எந்த மொழியில் ஓதறாங்க.. அரபு மொழியில்.. நாம அதை ஒன்னும் குறை சொல்லல. ஏன்னா, மதம் வேற, மொழி வேறு. இங்க இருக்கிற முஸ்லீம்கள் தமிழர்கள்.. ஆனால் ஓதறது அரபு மொழியில்.. அதை யாருமே தடுக்கலையே.

தி.மு.க. தலைவர் ஸ்டாலின் நமது பண்பாட்டுக்கும் கலாசாரத்துக்கும் எதிரி!

Watch : https://t.co/24ybulPuwa pic.twitter.com/V1i84XfAkJ

— H Raja (@HRajaBJP) February 3, 2020

குடமுழுக்கு

இந்து மதத்துல மட்டும் வேதங்கள், ஆகமங்கள்ன்னு ஏன் பிரிக்கறீங்க? தமிழ்நாட்டுல இருக்கிற இந்துக்களுக்கு மதம் இந்து.. மொழி தமிழ்!! குஜராத்தில் இருக்கிற இந்துக்களுக்கு மொழி குஜராத்தி, மதம் இந்து!!! நீங்களே பாருங்க இவங்க எவ்வளவு தூரத்துக்கு இந்து மதத்துக்கு எதிரா பெரிய யுத்தம் நடத்துறாங்கன்னு.. தஞ்சை கோயில்ல குடமுழுக்கு தமிழில் பண்ணணும்னு போராடறது யாரு ஜெய்னுல்லாபுதீனா? இல்லே டேவிட் மணியரசனா?

முஸ்லிம் லீக்

உங்களுக்கெல்லாம் என்னடா இருக்குன்னு கேட்கறேன் நான்.. மானங்கெட்ட பயலுகளா.. இந்து மதம்-ன்னா என்ன வேணும்னாலும் பேசலாமா? தஞ்சையில் குடமுழுக்கு தமிழில் செய்ய வேண்டும் என்று கூற ஸ்டாலினுக்கு என்ன தகுதி உள்ளது. மதம் வேறு மொழி வேறு. இதில் திமுக உள்ளிட்ட கட்சிகள் தலையிடாமல் இருக்க வேண்டும்.. திமுக இப்போது திகவா மாறி போச்சு.. முஸ்லீம் லீக் ஆகவும் மாறிவிட்டது.

மோசமான விளைவு

அதனால நான் சொல்றேன் ஸ்டாலினுக்கு அநாவசியமா இந்த நாட்டின் பண்பாடு, கலாச்சாரம், தொன்மை ஆகியவற்றை நீங்க கொச்சைப்படுத்தினாலோ, கேள்வி எழுப்பினாலோ அதற்கான விளைவை சந்திக்க நேரிடும்" என்றார். இந்த வீடியோ பதிவை எச்.ராஜாவே தன்னுடைய ட்வீட்டில் பதிவிட்டும் உள்ளார். இதற்கு வரவேற்பும், எதிர்ப்பும் என மாறி மாறி கமெண்ட்கள் வந்தவண்ணம் உள்ளன.

English summary

BJP senior leader h raja slams dmk leader mk stalin on periya kovil festival in tamil language issue