இவரோட சரக்கு, மிடுக்கு பேச்சு.. ஆஹா.. நாகரீகத்தின் உச்சம்.. திருமாவை வறுத்தெடுத்த எச் ராஜா!

Updated: Saturday, May 18, 2019, 12:16 [IST]

Subscribe to Oneindia Tamil

Recommended Video

விடுதலை சிறுத்தைகள் கட்சித் தலைவர் திருமாவளவனை எச் ராஜா விமர்சனம் செய்துள்ளார்- வீடியோ

சென்னை: நடிகர் கமல்ஹாசனுக்கு ஆதரவாக டிவிட் போட்ட விடுதலை சிறுத்தைகள் கட்சித் தலைவர் திருமாவளவனை எச் ராஜா விமர்சனம் செய்துள்ளார்.

இந்துக்கள் குறித்த சர்ச்சைப்பேச்சுக்காக நடிகர் கமல்ஹாசன் மீது நேற்று முன் தினம் தாக்குதல் நடத்தப்பட்டது. பிரச்சாரத்தில் பங்கேற்ற கமல் மீது, முட்டை, செருப்பு, கற்கள் வீசப்பட்டன.

இதனால் பெரும் பதற்றம் ஏற்பட்டுள்ளது. இந்த சம்பவம் தொடர்பாக 5 பேர் மீது வழக்குப்பதிவு செய்யப்பட்டது. ஒருவர் கைது செய்யப்பட்டுள்ளார்.

கண்டனம்

கமல்ஹாசன் மீது தாக்குதல் நடத்தப்பட்டதற்கு பல்வேறு தலைவர்களும் கண்டனம் தெரிவித்து வருகின்றனர். இந்நிலையில் விடுதலை சிறுத்தைகள் கட்சித் தலைவர் திருமாவளவனும் கமல் மீது தாக்குதல் நடத்தப்பட்டதற்கு கண்டனம் தெரிவித்தார்.

நடிகர் கமலஹாசன் மீது செருப்பு, முட்டை வீச்சு என்பதை அறிந்து மிகவும் அதிர்ச்சியடைந்தேன். தமிழக அரசியல் அநாகரீகத்தின் களமாக மாறிவருவது கவலையளிக்கிறது. சங்பரிவார் கும்பலின் கொட்டத்திற்கு அதிமுக அரசே முழு பொறுப்பாகும். இப்போக்கை வன்மையாக கண்டிக்கிறேன்.@ikamalhaasan pic.twitter.com/NXxdtVWgrZ
— Thol.Thirumavalavan (@thirumaofficial) May 17, 2019

அநாகரீகத்தின் களம்

இதுதொடர்பாக அவர் பதிவிட்ட டிவிட்டில் நடிகர் கமல்ஹாசன் கூட்டத்தில் காலணி, முட்டை வீச்சு என்பதை அறிந்து அதிர்ச்சியடைந்தேன். தமிழக அரசியல் அநாகரீகத்தின் களமாக மாறிவருவது கவலையளிக்கிறது. சங்பரிவார் கும்பலின் கொட்டத்திற்கு அதிமுக அரசே முழு பொறுப்பாகும். இப்போக்கை வன்மையாக கண்டிக்கிறேன் என தெரிவித்திருந்தார்.

ஆமாம் இவர் ரொம்ப நாகரீகமானவர். இவரோட சரக்கு மிடுக்கு பேச்சு ஆஹா நாகரீகத்தின் உச்சம் https://t.co/R9Kj1iz245
— Chowkidar H Raja (@HRajaBJP) May 18, 2019

நாகரீகத்தின் உச்சம்

இந்நிலையில் திருமாவளவனின் டிவிட்டுக்கு எச் ராஜா பதிலடி கொடுத்துள்ளார். இதுதொடர்பாக அவர் பதிவிட்ட டிவிட்டில், ஆமாம் இவர் ரொம்ப நாகரீகமானவர். இவரோட சரக்கு மிடுக்கு பேச்சு ஆஹா நாகரீகத்தின் உச்சம். என பதிவிட்டுள்ளார்.

வைரலான வீடியோ

ஏற்கனவே திருமாவளவன் விடுதலை சிறுத்தைகள் கூட்டத்தில் சரக்கு, மிடுக்கு என பேசியது பெரும் சர்ச்சையை ஏற்படுத்தியது. அவரது பேச்சு வீடியோவும் வைரலானது. இந்நிலையில் அதனை திருமாவளவனை வைத்து வறுத்தெடுத்துள்ளார் எச் ராஜா.