பள்ளி மாணவர்களுக்கு வந்தாச்சு குட்நியூஸ்.. அரையாண்டு விடுமுறையை அறிவித்த தமிழக பள்ளிக் கல்வித் துறை
சென்னை: தமிழகத்தில் பள்ளி மாணவர்களுக்கு அரையாண்டுத் தேர்வுகள் நடைபெற்று வரும் நிலையில், அரையாண்டு விடுமுறை குறித்த அறிவிப்பை தமிழக பள்ளிக் கல்வித் துறை வெளியிட்டுள்ளது. அதன்படி, டிசம்பர் 24 ஆம் தேதி முதல் பள்ளி மாணவர்களுக்கு விடுமுறை தொடங்கவுள்ளது.
தமிழகத்தில் பள்ளி மாணவர்களுக்கான அரையாண்டு தேர்வுகள் நடைபெற்று வருகின்றன. 6 ஆம் வகுப்பு முதல் 9 ஆம் வகுப்பு வரையிலான மாணவர்களுக்கு இன்று முதல் அரையாண்டு தேர்வுகள் தொடங்கப்பட்டுள்ளன. டிசம்பர் 10 ஆம் தேதி முதல் 10, 11, 12 ஆம் வகுப்பு மாணவர்களுக்கு தேர்வுகள் தொடங்கி நடைபெற்று வருகின்றன.
அனைத்து வகுப்புகளுக்குமான அரையாண்டு தேர்வு வரும் டிசம்பர் 23 ஆம் தேதியுடன் முடிவடைகின்றன. இந்நிலையில், டிசம்பர் 24 முதல் ஜனவரி 1 ஆம் தேதி வரை 9 நாட்களுக்கு அரையாண்டு விடுமுறையை பள்ளிக் கல்வித் துறை அறிவித்துள்ளது. ஜனவரி 2 ஆம் தேதி முதல் வகுப்புகள் மீண்டும் தொடங்கப்படும் என்று தெரிவிக்கப்பட்டுள்ளது.
Click it and Unblock the Notifications
Sign in with Google