மச்சி என்ன இப்பிடி பச்சயா பொய் சொல்ற.. நீ லாஸ்லியாவைதான லவ் பன்றே.. சதீஷை கோர்த்துவிட்ட ஹர்பஜன் சிங்

Updated: Monday, February 22, 2021, 0:30 [IST]

Subscribe to Oneindia Tamil

சென்னை: லாஸ்லியாவை லவ் பண்றேன்னு சொன்னியே மச்சி என நடிகர் சதீஷை கிரிக்கெட் வீரர் ஹர்பஜன் சிங் ட்விட்டரில் கலாய்த்துள்ளார்.

ஜான் பால்ராஜ் மற்றும் ஷாம் சூர்யா இயக்கித் தயாரிக்கும் படம் ஃபிரெண்ட்ஷிப். இந்த படத்தின் மூலம் தமிழ் சினிமாவில் கிரிக்கெட் வீரர் ஹர்பஜன் சிங் அறிமுகமாகிறார். இவருக்கு ஜோடியாக பிக்பாஸ் லாஸ்லியா நடிக்கிறார். இவரும் முதல்முறையாக அறிமுகமாகிறார்.

இந்த படத்தில் காமெடியனாக நடிகர் சதீஷ் நடிக்கிறார். பஞ்சாபியை தாய்மொழியாக கொண்ட ஹர்பஜன் சிங் தமிழ் மீதுள்ள பற்றின் காரணமாக நீண்ட காலமாக தமிழில் ட்வீட் போட்டு வருகிறார்.

தமிழ் படம்

பொங்கல் வாழ்த்துகள், தீபாவளி வாழ்த்துகள் தொடங்கி இப்போது தமிழில் கமென்ட் கொடுக்கும் அளவுக்கு வந்துவிட்டார். இதன் மூலம் ஏராளமான ரசிகர்களை பெற்றுள்ளார். இந்த நிலையில் இவர் தமிழ் படத்தில் நடித்து வருவதால் ரசிகர்களிடம் எதிர்பார்ப்பு எழுந்துள்ளது.

என்றும் தொடரும் இந்த #friendship Love u @harbhajan_singh bro #Losliya @ImSaravanan_P @JPRJOHN1 @akarjunofficial @shamsuryastepup @JSKfilmcorp #Friendshipmovie 🤗🤗🤗 pic.twitter.com/BrIhDa1Vjx
— Sathish (@actorsathish) February 20, 2021

ரசிகர்கள்

மேலும் பிக்பாஸ் மூலம் ஏராளமான ரசிகர்களை பெற்றுள்ள லாஸ்லியா இந்த படத்தில் நடிப்பதால் எதிர்பார்ப்பு பல மடங்கு அதிகரித்துள்ளது. இந்த படம் கடந்த 2018-ஆம் ஆண்டு தொடங்கப்பட்டது. இந்த நிலையில் நடிகர் சதீஷ் ஃபிரெண்ட்ஷிப் படக்குழுவினருடன் எடுத்த புகைப்படத்தை பதிவிட்டுள்ளார். அந்த ட்வீட்டில் என்றும் தொடரும் இந்த நட்பு. லவ் யூ ஹர்பஜன், லாஸ்லியா என குறிப்பிட்டிருந்தார்.

மச்சி என்ன இப்பிடி பச்சயா பொய் சொல்ற நீ #Losliya வை தான லவ் பன்றேன்னு சொன்ன.. அன்னிக்கு இந்த விஷயம் தெரியுமா ?? #FriendshipMovie #FriendshipSummer ,😜 நம் நட்பு என்றும் தொடரும் தோழா https://t.co/9RonGKhMl2
— Harbhajan Turbanator (@harbhajan_singh) February 20, 2021

மச்சி என்ன இப்படி

இதற்கு ஹர்பஜன் சிங் பதிலளித்துள்ளார். அவர் கூறுகையில் மச்சி என்ன இப்பிடி பச்சயா பொய் சொல்ற நீ #Losliya வை தான லவ் பன்றேன்னு சொன்ன.. அன்னிக்கு இந்த விஷயம் தெரியுமா ?? #FriendshipMovie #FriendshipSummer ,😜 நம் நட்பு என்றும் தொடரும் தோழா என கேட்டுள்ளார்.

தோழியாக

இதற்கு சதீஷ் பதில் ட்வீட் போட்டுள்ளார். அதில் அய்யய்யோ எனக்கே இந்த விஷயம் இப்பதான தெரியும். லாஸ்லியாவை ஒரு தோழியாக லவ் யூ என்று சொன்னேன் என நகைச்சுவையாக கூறியுள்ளார். இது போல் ஹர்பஜன் சிங் மற்றும் நடிகர் சதீஷ் இடையேயான இந்த உரையாடல்கள் பலரது கவனத்தை ஈர்த்துள்ளது.