தமிழக மகளிர் காங்கிரஸ் தலைவி பதவியிலிருந்து ஹசீனா சையத் நீக்கம்

சென்னை: தமிழக மகளிர் காங்கிரஸ் தலைவி பதவியில் இருந்து ஹசீனா சையத் அதிரடியாக நீக்கப்பட்டுள்ளார். இதற்கான உத்தரவை அகில இந்திய மகளிர் காங்கிரஸ் தலைவி அல்கா லம்பா பிறப்பித்துள்ளார்.

கடந்த 2024 ஆம் ஆண்டு ஏப்ரல் 21 ஆம் தேதி இவர் காங்கிரஸ் கட்சியின் மகளிரணி தலைவியாக தேர்வு செய்யப்பட்டார். தமிழ்நாடு மகிளா காங்கிரஸ் கட்சியின் புதிய தலைவராக நியமிக்கப்பட்டுள்ள ஹசீனா சையத், மகிளா காங்கிரஸ் தேசிய செயலாளராக பதவி வகித்து வந்தார். டி.வி விவாத நிகழ்ச்சிகளில் காங்கிரஸ் சார்பில் பங்கேற்று கருத்துகளை முன்வைத்து வருபவர் ஹசீனா சையத்.

இந்த நிலையில் மகளிரணி தலைவியாக நியமிக்கப்பட்டு 2 ஆண்டுகள் ஆக உள்ள நிலையில் அப்பதவியிலிருந்து ஹசீனா நீக்கப்பட்டுள்ளார். கட்சி விரோத நடவடிக்கைகளில் அவர் ஈடுபட்டதால் அவர் நீக்கம் என தெரிவிக்கப்பட்டுள்ளது.

English summary

Haseena Syed has been abruptly removed from her post as the Tamil Nadu Mahila Congress president. The order was issued by Alka Lamba, sparking political reactions within the Indian National Congress.