13 மாவட்டங்களில் வெளுத்தெடுக்க போகும் கனமழை.. எங்கெல்லாம் பெய்யும்.. வானிலை மைய ரிப்போர்ட்!
சென்னை: தமிழ்நாட்டில் இன்று 13 மாவட்டங்களில் கனமழை பெய்யும் என்று சென்னை வானிலை மையம் தெரிவித்து உள்ளது.
வடகிழக்கு பருவமழை தீவிரம் அடைய தொடங்கி உள்ளது. கடந்த சனிக்கிழமை பருவமழை தொடங்கிய நிலையில் கடந்த இரண்டு நாட்களாக லேசான மழை பெய்து வந்தது.
இந்த நிலையில் இன்றில் இருந்து மேலும் 3 நாட்களுக்கு கனமழை பெய்யும் என்று வானிலை ஆய்வு மையம் தெரிவித்து உள்ளது.
இன்று மழை
அதன்படி தமிழ்நாட்டில் இன்று 13 மாவட்டங்களில் கனமழை பெய்யும் என்று சென்னை வானிலை மையம் தெரிவித்து உள்ளது. கடந்த இரண்டு நாட்களாக கனமழை பெய்து வரும் நிலையில் மழை தொடரும் என்று வானிலை மையம் தெரிவித்து உள்ளது. திருவண்ணாமலை, விழுப்புரம், கடலூர், கள்ளக்குறிச்சி, ஆகிய மாவட்டங்களில் கனமழை பெய்யும். வேலூர், திருப்பத்தூர்,தஞ்சாவூர், திருவாரூர் மாவட்டங்களில் பிற்பகலுக்கு பின் மழை பெய்யும்.
அதிகாலை
சென்னை, செங்கல்பட்டு, நாகப்பட்டினம், மயிலாடுதுறை ஆகிய மாவட்டங்களில் அதிகாலையில் இருந்து கனமழை பெய்யும். புதுக்கோட்டை மாவட்டத்தில் லேசானது முதல் மிதமானது வரையிலான மழை பெய்யும். புதுச்சேரி, காரைக்கால் பகுதிகளில் ஓரிரு இடங்களிலும் கனமழை பெய்யவாய்ப்புள்ளது என்று சென்னை வானிலை மையம் தெரிவித்து உள்ளது. நாளையும் தமிழ்நாட்டில் தீவிரமாக மழை பெய்யும் வாய்ப்புகள் உள்ளன. திருவள்ளூர், இராணிப்பேட்டை, வேலூர், திருப்பத்தூர், திருவண்ணாமலை மற்றும் காஞ்சிபுரம் மாவட்டங்களில் ஓரிரு இடங்களில் கன முதல் மிக கனமழை நாளை பெய்யும்.
நாளை நிலவரம்
கடலூர், தஞ்சாவூர், திருவாரூர், நாகப்பட்டினம், மயிலாடுதுறை, சென்னை மாவட்டங்களில் நாளை மிக கனமழை பெய்யும். செங்கல்பட்டு, விழுப்புரம், கள்ளக்குறிச்சி, புதுக்கோட்டை, அரியலூர், பெரம்பலூர், சிவகங்கை, இராமநாதபுரம் மாவட்டங்களில் நாளை லேசானது முதல் மிதமானது வரையிலான மழை பெய்யும். புதுச்சேரி, காரைக்கால் பகுதிகளில் ஓரிரு இடங்களில் கனமழையும் பெய்யவாய்ப்புள்ளது. சென்னையில் தற்போது மழை பெய்து வருகிறது.
2 - 3 மணி நேரம்
அடுத்த 2-3 மணி நேரத்திற்கு சென்னையில் இந்த மழை நீடிக்கும். சென்னையில் அதிகபட்ச வெப்பநிலை 31- 32 டிகிரி செல்சியஸ் ஆக இருக்கும். குறைந்தபட்ச வெப்பநிலை 25 டிகிரி செல்சியஸ் அளவில் இருக்கக்கூடும். மீனவர்களுக்கு எச்சரிக்கை எதுவும் விடுக்கப்படவில்லை. கடலில் காற்று வீசும் அளவு இயல்பாக இருக்கும் என்று சென்னை வானிலை ஆய்வு மையம் தெரிவித்து உள்ளது.
Click it and Unblock the Notifications
Sign in with Google