உயிரை பறிக்க காத்திருக்கும் இதய நோய்.. நீங்கள் நினைத்தால் காப்பாற்றலாம்! உடனே உதவுங்கள்

சென்னை: 11ம் வகுப்பு பயிலும் அரசு பள்ளி மாணவன், தீவிர இதய பிரச்சனையால் பாதிக்கப்பட்டிருக்கிறார். அவரது உயிரை காப்பாற்ற உங்களால் முடிந்த உதவியை உடனே செய்யுங்கள்.

விஷ்ணுகுமார் சென்னையில் உள்ள ஒரு அரசுப் பள்ளியில் 11-ஆம் வகுப்பு படிக்கும் ஒரு திறமையான மாணவன். எதிர்காலத்தில் தனது தாயைக் காப்பாற்ற வேண்டும் என்ற கனவுகளோடு படித்துக் கொண்டிருந்தான். ஆனால், தந்தை ஜெய்சங்கர் மறைவுக்குப் பிறகு, இவன் குடும்பம் ஏற்கனவே பொருளாதார ரீதியாகப் போராடி வருகிறது.

ஒரு வருடத்திற்கு முன்பு இவனுக்கு 'ருமேடிக் காய்ச்சல்' (Rheumatic fever) ஏற்பட்டது. MIOT மருத்துவமனை நடத்திய இதய பரிசோதனை முகாமில், இவனுக்கு 'ருமேடிக் இதய நோய்' (Rheumatic Heart Disease) இருப்பது கண்டறியப்பட்டது.

மிகக் கடினமான பாதிப்பாக, இவனது இதயத்தில் 'மிட்ரல் ரெகுர்ஜிடேஷன்' (Mitral Regurgitation) ஏற்பட்டுள்ளது. அதாவது, இதயத்தால் இரத்தத்தைச் சரியாகப் பம்ப் செய்ய முடியவில்லை. விஷ்ணுவின் உயிரைக் காப்பாற்ற அவசரமாக இதய வால்வு அறுவை சிகிச்சை (Mitral Valve Repair Surgery) செய்யப்பட வேண்டும். இதற்கான மொத்தச் செலவு: ₹3,65,000.

விஷ்ணுவின் தாய் ஒரு வீட்டு வேலை செய்பவர். மாதம் ₹15,000 மட்டுமே சம்பாதிக்கும் அவரால், பல லட்சங்கள் செலவாகும் இந்த அறுவை சிகிச்சைத் தொகையைத் திரட்ட முடியவில்லை. இந்தச் சிறுவனின் துடிக்கும் இதயம் நின்றுவிடாமல் காக்க, உங்களால் இயன்ற சிறு தொகையை கீழ்க்கண்ட வங்கிக் கணக்கிற்கு அனுப்பலாம்:

English summary

A government school student studying in the 11th grade is suffering from a severe heart condition. Please provide whatever assistance you can immediately to save his life.