இந்திய வானிலை ஆய்வு மைய இணையதளத்தில்.. முதன்மை மொழியாக இந்தி மாற்றப்பட்டதால் அதிர்ச்சி

சென்னை: இந்திய வானிலை ஆய்வு மையத்தின் முதன்மை மொழி இந்திக்கு மாற்றம் செய்யப்பட்டுள்ளது. இணையதளத்தின் முதன்மை மொழியாக ஆங்கிலம் இருந்த நிலையில், இந்திக்கு மாற்றம் செய்யப்பட்டுள்ளது. இணையதளம் உள்ளே சென்ற பிறகே ஆங்கில மொழிக்கு மாற்றம் செய்யும் வசதி உள்ளது. வானிலை மையத்தின் முதன்மை மொழி இந்திக்கு மாற்றப்பட்டு இருப்பதால் தென் மாநில மக்கள் அதிர்ச்சியடைந்துள்ளனர்.

இந்திய வானிலை ஆய்வு மையத்தின் இணையதள பக்கத்தில் முதன்மை மொழியாக இந்தி மாற்றப்பட்டுள்ளது. இதற்கு முன்பு வரை ஆங்கிலம் முதன்மை மொழியாகவும் இந்தியை தேர்வு செய்து மாற்றும் வகையில் இருந்த நிலையில், தற்போது இந்தி முதன்மை மொழியாக மாற்றப்பட்டுள்ளது. இணையதளத்திற்குள் சென்றவுடன் இந்தி மொழியிலான வானிலை மைய பக்கமே தோன்றுகிறது. அதன்பிறகு ஆங்கிலத்திற்கு மொழி மாற்றம் செய்யும் விதமாக ஆப்ஷன் கொடுக்கப்பட்டுள்ளது.

வானிலை ஆய்வு மைய இணையதள பக்கத்தில் மத்திய அரசு கொண்டு வந்து இருக்க கூடிய இந்த மாற்றம் பலருக்கும் அதிர்ச்சியை ஏற்படுத்தியுள்ளது. குறிப்பாக தமிழ்நாடு, கேரளா, ஆந்திரா, கர்நாடகா போன்ற தென் மாநில மக்கள் வானிலை ஆய்வு மைய இணையதளத்தில் இந்தி திணிக்கப்பட்டுள்ளது கடும் எதிர்ப்பை கிளப்பியுள்ளது.

ஏற்கனவே மத்திய அரசு இந்தியை திணிக்க முயற்சிப்பதாக தமிழ்நாடு உள்ளிட தென் மாநிலங்களில் எதிர்ப்புகள் கிளம்பியுள்ள நிலையில், வானிலை ஆய்வு மைய இணையதளபக்கத்தில் கொண்டு வந்துஇருக்க கூடிய இந்த மாற்றம் விவாதப்பொருளாகியுள்ளது. வானிலை ஆய்வு மைய இணையதள பக்கத்தை ஏற்கனவே இருந்தது போல ஆங்கில மொழியை முதன்மை பக்கமாக கொண்டு வர வேண்டும் என்ற கோரிக்கை வலுத்துள்ளது.

இந்திய வானிலை ஆய்வு மையத்தின் தகவல்கள் அனைத்தும் இந்த இணையதளம் மூலமே பகிரப்படுகிறது. இந்த வானிலை மையத்தில் பகிரப்படும் தகவல்கள் சவாலான காலநிலை சமயத்தில் மக்களுக்கு பெரும் பயனளிக்க கூடியதாக இருந்தது. இந்த சூழலில்தான் முதன்மை மொழியாக இந்தி மாற்றப்பட்டு இருப்பது இணையதளத்தை தொடர்ந்து பயன்படுத்துபர்களுக்கு அதிர்ச்சி கொடுப்பதாக உள்ளது. அதேநேரத்தில் மண்டல வானிலை மையம் உள்பட பிராந்திய வானிலை மையங்களுக்கான இணையதள பக்கமானது முன்பை போலவே ஆங்கிலமே முதன்மை மொழியாக உள்ளது.

English summary

The Indian Meteorological Department's website has transitioned from English to Hindi as the primary language, with an option to revert to English. The change impacts readability and accessibility for users in South Indian states, who may encounter language-related adjustments while accessing meteorological information.