"இந்து மதம்" அச்சுறுத்தல்.. உலகளவில் ஜாதி என்ற நோய் இருப்பதற்கு இந்தியாவே காரணம்..திமுக எம்பி ஆ.ராசா

சென்னை: இந்து மதம் இந்தியாவுக்கு மட்டுமின்றி ஒட்டு மொத்த உலகத்திற்கும் அச்சுறுத்தலாக உள்ளது என்று திமுக எம்.பி ஆ.ராசா பேசும் வீடியோ காட்சி வெளியாகியுள்ளது. இந்த வீடியோவை பகிர்ந்து தமிழக பாஜக தலைவர் அண்ணாமலை கண்டனம் தெரிவித்துள்ளார்.

சனாதனம் குறித்த அமைச்சர் உதயநிதியின் பேச்சு தேசிய அளவில் விவாத பொருளாகியுள்ளது. பாஜக மற்றும் அதன் ஆதரவு அமைப்புகள் அமைச்சர் உதயநிதியின் பேச்சை திரித்து கடுமையாக விமர்சனம் செய்து வருகின்றன. இந்த நிலையில் தான், திமுக எம்.பி ஆ ராசா , இந்து மதம் குறித்தும் ஜாதி குறித்தும் பேசிய பேச்சு சமூக வலைத்தளங்களில் பரவி வருகிறது.

தி.மு.க எம்.பி ஆ.ராசா கூறியிருப்பதாவது; " ஜாதி என்ற சர்வதேச நோய்க்கு இந்தியாவே காரணம். ஜாதி அடிப்படையில் மக்களை இந்தியா மக்களை பிளவு படுத்துகிறது. ஜாதியை பயன்படுத்தி பொருளாதார ரீதியாகவும் மக்களை இந்தியா பிளவுபடுத்துகிறது. சமூக சீர்கேட்டிற்கு மட்டும் ஜாதி பயன்படுத்தப்படுவதில்லை. பொருளாதார ஏற்றத்தாழ்வுகளும் ஜாதியால் கட்டமைக்கப்படுகிறது. வெளிநாடுகளில் வாழும் இந்தியர்கள் இந்துயிசம் என்ற பெயரால் ஜாதியை பரப்புகின்றனர். இந்து மதம் இந்தியாவுக்கு மட்டுமின்றி ஒட்டு மொத்த உலகத்திற்கும் அச்சுறுத்தலாக உள்ளது. என்றார்.

காணொலி மூலமாக நடைபெறும் நிகழ்ச்சியில் கலந்து கொண்டு பேசிய ஆ.ராசா இவ்வாறு பேசும் வீடியோ காட்சிகளை தமிழக பாஜக தலைவர் அண்ணாமலை தனது ட்விட்டரில் பகிர்ந்து கண்டனத்தை பதிவிட்டுள்ளார். தற்போது, இந்து மதத்திற்கு எதிராக ஆ.ராசா பேசும் இந்த வீடியோ பதிவு சமூக வலைத்தளங்களில் பாஜக மற்றும் அதன் ஆதரவாளர்களால் அதிகம் பகிரப்பட்டு வருகிறது.

DMK MP A Raja calls Hindu Religion a menace to India & the world.

DMK is the principal reason for creating caste divide & hatred in TN, and the DMK MP has the audacity to blame Sanatana Dharma for the mess they made. pic.twitter.com/fqWO9FiQqY

— K.Annamalai (@annamalai_k) September 12, 2023

English summary

A video of DMK MP A. Raza speaking that Hinduism is a threat not only to India but also to the entire world has been released. Tamil Nadu BJP President Annamalai has condemned this video by sharing it.