"சீக்கிரம் ப்ரோபோஸ் பண்ணிடு".. சாகரின் காதலுக்கு பின் இருந்த தோனி.. ஓ பின்னணியில் இதுதான் நடந்ததா?

Updated: Friday, October 8, 2021, 10:25 [IST]

Subscribe to Oneindia Tamil

சென்னை: சிஎஸ்கே வீரர் தீபக் சாகர் நேற்று தனது காதலியிடம் காதலை வெளிப்படுத்திய சம்பவம் பெரிய வைரலானது. இதற்கு பின் முக்கியமாக காரணமாக இருந்தது தோனிதான் என்ற தகவல் வெளியாகி உள்ளது.

போட்டிக்கு பின்

நேற்று போட்டிக்கு பின் மைதானத்தில் இருந்த எல்லோரும் திரும்பி பார்க்கும் வகையில் முக்கிய சம்பவம் ஒன்று நடைபெற்றது. சிஎஸ்கே வீரர் தீபக் சாகர் தனது தோழி ஜெயா பரத்வாஜ் என்ற பெண்ணிடம் நேற்று காதலை சொன்னார். ஜெயா முன் முட்டிபோட்டு, ரிங் கொடுத்து தனது காதலை வெளிப்படுத்தினார். ஒரு நொடி கூட தாமதிக்காமல் ஜெயா காதலுக்கு ஒப்புக்கொண்டார்.

ஜெயா எஸ்

ஜெயா எஸ் சொன்ன இந்த வீடியோ இணையம் முழுக்க வைரலாகி உள்ளது. திடீரென சாகர் இப்படி காதலை சொல்வார் என்று ஜெயா எதிர்பார்க்கவில்லை. இந்த சம்பவம் நேற்று இணையம் முழுக்க வைரலானது. அதன்பின் ஹோட்டலில் இவர்களுக்கு சிறப்பு வரவேற்பு அளிக்கப்பட்டது. அங்கு கேக் வெட்டப்பட்டது.

கேக்

அதோடு கேக் வெட்டப்பட்ட பின் தோனி சாகரை தூக்கி அவர் முகம் முழுக்க கேக் பூசிய வீடியோவும் இணையம் முழுக்க வைரலானது. இந்த நிலையில் சாகர் நேற்று காதலை சொல்வதற்கு பின் முக்கியமாக காரணமாக இருந்தது தோனிதான் என்ற தகவல் வெளியாகி உள்ளது. ஆம் சாகர் தனது காதலியிடம் இப்போது காதலை சொல்ல தோனிதான் காரணம்.

தோனி

ப்ளே ஆப் சென்றுவிட்டு காதலை சொல்லாமல் அல்லது இறுதிப்போட்டியில் காதலை சொல்லலாம் என்ற திட்டத்தில் சாகர் இருந்திருக்கிறார். பெரிய வெற்றி ஒன்றை பெற்றுவிட்டு அதன்பின் காதலை சொல்லலாம் என்று சாகர் நினைத்து இருக்கிறார். ஆனால் தோனி சாகரிடம்.. உடனே காதலை சொல்லிவிடு. காதலை எதற்காகவும் காக்க வைக்க வேண்டாம்.

சொல்லிவிடு

தோன்றும் போதே சொல்லிவிடு என்று கூறி இருக்கிறார். நேற்று போட்டி நடக்கும் போதே சாகரிடம் தோனி இதை பற்றி மீண்டும் சொல்லி இருக்கிறார். இதையடுத்துதான் நேற்று சாகர் தனது காதலியிடம் ப்ரோபோஸ் செய்தார். சாகரும் அவரது காதலி ஜெயாவும் பல காலமாக நண்பர்கள். இவர்கள் டேட்டிங் செய்து வந்த தகவலும் கடந்த சில நாட்களுக்கு முன் வெளியானது.

பிசிசிஐ

பிசிசிஐ அனுமதியுடன் ஜெயாவை சிஎஸ்கே அணியின் பயோ பபுலுக்குள் சாகர் கொண்டு வந்தார். இதற்காக அவர் தனிமைப்படுத்தப்பட்டு இருந்தார். இறுதிப்போட்டிக்கு பின்பாக ப்ரோபோஸ் செய்யலாம் என்று இருந்த சாகர் தோனி கொடுத்த நம்பிக்கையால் நேற்றே ப்ரோபோஸ் செய்துள்ளார்.