இசக்கி சுப்பையா டூ கடம்பூர் ராஜு.. இதுவரை எத்தனை அதிமுக மாஜி அமைச்சர்கள் தவெகவில் ஐக்கியம்! லிஸ்ட்
சென்னை: அதிமுக மற்றும் திமுகவை சேர்ந்த முன்னாள் அமைச்சர்கள், முன்னாள் எம்எல்ஏக்கள் ஆளும் கட்சியான முதல்வர் விஜய்யின் தவெகவில் இணைந்து வருகின்றனர். இன்றும் அந்த கட்சிகளை சேர்ந்த 60 முக்கிய நிர்வாகிகள் தங்களின் ஆதரவாளர்களுடன் தவெகவில் இணைந்துள்ளனர். இதில் அதிமுக தான் அதிக இழப்பை சந்தித்துள்ளது. இந்நிலையில் தான் அதிமுகவில் இருந்து தவெகவில் இணைந்த முன்னாள் அமைச்சர்கள் யார் யார்? என்பது பற்றி இங்கு பார்க்கலாம்.
அதிமுகவின் முன்னாள் முதல்வர் ஜெயலலிதா மறைவை தொடர்ந்து 2021 சட்டசபை தேர்தலில் அதிமுக தோற்ற பிறகு அந்த கட்சியில் பிளவு ஏற்பட தொடங்கியது. இப்போதும் 2026 சட்டசபை தேர்தல் தோல்விக்கு பிறகும் அதிமுக பிளவுப்பட்டுள்ளது. அதிமுகவின் எம்எல்ஏக்கள், முன்னாள் அமைச்சர்கள், மாஜி எம்எல்ஏக்கள், முக்கிய நிர்வாகிகள் தவெகவில் இணைந்து வருகின்றனர்.

இன்று ஒரே நாளில் அதிமுகவின் 4 முன்னாள் அமைச்சர்கள், 5 அதிமுக எம்எல்ஏக்கள் உள்பட மொத்தம் 60 பேர் தனது ஆதரவாளர்களுடன் தவெகவில் இணைந்தனர். இதில் திமுகவின் 2 முன்னாள் எம்எல்ஏக்கள், ஒரு அமமுக எம்எல்ஏவும் அடங்குவர். இந்நிலையில் தான் விஜய் முதல்வரான பிறகு தவெகவில் இணைந்த அதிமுக மாஜி அமைச்சர்கள் யார் யார்? என்பது பற்றி இங்கு பார்க்கலாம்.
இந்த நிலையில்தான் மதுராந்தகம் தொகுதியின் அதிமுக எம்எல்ஏ மரகதம் குமரவேல், பெருந்துறை எம்எல்ஏ ஜெயக்குமார், தாராபுரம் எம்எல்ஏ சத்தியபாமா, அம்பாசமுத்திரம் இசக்கி சுப்பையா ஆகியோர் தங்களது எம்எல்ஏ பதவியை ராஜினாமா செய்துவிட்டு தவெகவில் இணைந்தனர். இதில் இசக்கி சுப்பையா முன்னாள் அமைச்சர் ஆவார்.
அதன்பிறகு திருச்சி கிழக்கு தொகுதி அதிமுக முன்னாள் எம்எல்ஏவும், மாஜி அமைச்சருமான வெல்லமண்டி நடராஜன் தவெகவில் இணைந்தார். இவரை தொடர்ந்து இன்று 4 அதிமுக முன்னாள் எம்எல்ஏக்கள் தவெகவில் இணைந்தனர். அதன்படி உடுமலைப்பேட்டை முன்னாள் எம்எல்ஏவும், மாஜி அமைச்சருமான
உடுமலை ராதாகிருஷ்ணன்
கடலூர் தொகுதி முன்னாள் எம்எல்ஏவும், மாஜி அமைச்சருமான எம்சி சம்பத், கோவில்பட்டி சட்டசபை தொகுதியின் முன்னாள் எம்எல்ஏவும், மாஜி அமைச்சருமான கடம்பூர் ராஜு, முசிறி தொகுதியின் முன்னாள் எம்எல்ஏவும், மாஜி அமைச்சருமான என்ஆர் சிவபதி ஆகியோர் இன்று அதிமுகவில் இணைந்தனர். இதன்மூலம் விஜய் முதல்வரான பிறகு இதுவரை 6 அதிமுக மாஜி அமைச்சர்கள் தவெகவில் ஐக்கியமாகி உள்ளனர்.
இதுதவிர அதிமுகவின் எடப்பாடி பழனிசாமியின் தலைமையை ஏற்க மறுத்து முன்னாள் அமைச்சர்களான சிவி சண்முகம் (மயிலம் தொகுதி எம்எல்ஏ), விஜயபாஸ்கர் (விராலிமலை எம்எல்ஏ) ஆகியோர் விரைவில் தவெகவில் இணையலாம் என்று கூறப்படுகிறது. இதுதவிர இன்னும் பல முன்னாள் எம்எல்ஏக்கள் அதிமுகவில் இணைந்துள்ளனர். அதன்படி அதிமுகவின் கலசப்பாக்கம் முன்னாள் எம்எல்ஏ வி பன்னீர் செல்வம், அதிமுக முன்னாள் பல்லடம் எம்எல்ஏ துரை முருகன், அரக்கோணம் தனி தொகுதி முன்னாள் எம்எல்ஏ ரவி உள்ளிட்டவர்களும் இன்று தவெகவில் ஐக்கியமாகி உள்ளனர். இவர்கள் தவிர இன்னும் பலர் தவெகவில் ஐக்கியமாக வாய்ப்புள்ளதாக தகவல்கள் வெளியாகி உள்ளன.
இதற்கு முன்பாக அதிமுகவின் முன்னாள் அமைச்சர்களான செங்கோட்டையன், குப கிருஷ்ணன் ஆகியோர் தவெகவில் இணைந்தனர். செங்கோட்டை கோபி தொகுதியில் வென்று வருவாய்த்துறை அமைச்சரான நிலையில் குப கிருஷ்ணன் லால்குடி தொகுதியில் தோல்வியடைந்தார். இவர்கள் 2 பேரும் அதிமுகவின் முன்னாள் அமைச்சர்கள் என்பதை நினைவில் கொள்ள வேண்டும்.
-
விலகிய 113 ஒன்றிய செயலாளர்கள்.. தவெகவின் ஆபரேஷனால் மிரண்ட அறிவாலயம்! ஸ்டாலின் எடுத்த முக்கிய முடிவு -
சல்லி சல்லியாய் நொறுங்கும் எடப்பாடி கனவு.. அதிமுக இனி அவ்வளவு தான்? தவெகவுக்கு தாவ தயாரான தலைகள்! -
ஸ்கீமுக்கு 10 செகண்டா? தலைமை செயலகத்தில் 75 நிமிட சர்ப்ரைஸ்! 436 திட்டங்களை விஜய் நகர்த்தியது எப்படி? -
மண்டை மேல உள்ள கொண்டையை மறந்த விஜய் அரசு.. கலைஞர் உரையுடன் மாணவர்களுக்கு வழங்கிய புத்தகப் பை -
மீண்டும் டெல்லி செல்லும் முதல்வர் விஜய்.. அமித்ஷா, காங்கிரஸ் மூத்த தலைவர்களையும் சந்திக்கிறாரா? -
கதறி அழுத சத்யராஜ்.. "கொளத்தூரில் ஸ்டாலின் ஜெயிச்சு இருக்கணும்.." பேசவே முடியாமல் கண்ணீர்! -
ஓட்டுக்கு ரூ.2000..? செய்தியாளர்களை தள்ளிவிட்ட தவெக நிர்வாகி.. காரில் எஸ்கேப் ஆன எம்.எல்.ஏ! -
விஜய் போல ரஜினியை ஃபாலோ பண்ணும் முதல்வர் மகன் சஞ்சய்.. பாடல் வரிகளில் பஞ்ச் கவனித்தீர்களா? -
"ஆதவ் அர்ஜுனா வாயை அடக்கிப் பேசணும்.. அதிமுகவை பற்றி பேச அருகதை இல்லை".. கேபி முனுசாமி தாக்கு! -
தற்குறி கூட்டம், கவர்ச்சி கூட்டம்.. எல்லாத்துக்குமே திமுக காரணமா.. சென்னை மேயர் பிரியா கேள்வி -
குதிரை பேரமல்ல! யானை பேரம்! தவெகவில் அதிமுகவினர் இணைவதற்கு இபிஎஸ்தான் காரணம்! ஆதவ் அட்டாக் -
செந்தில் பாலாஜி மீண்டும் கைதா? ஆளுநரிடம் ‘கிரீன் சிக்னல்’ கேட்டு ஃபைல்களை அனுப்பிய தமிழக அரசு!












Click it and Unblock the Notifications