‛லிஸ்ட்டில் 21 தொகுதிகள்’.. திமுகவிடம் காங்கிரஸ் கேட்கும் நாடாளுமன்ற தொகுதிகள் இதுதான்! திமுக ஷாக்

Updated: Sunday, January 28, 2024, 14:04 [IST]

Subscribe to Oneindia Tamil

சென்னை: சென்னை: நாடாளுமன்ற தேர்தலில் தமிழகத்தில் திமுக கூட்டணியில் காங்கிரஸ் கட்சி போட்டியிட உள்ளது. இருகட்சிகளின் முதற்கட்ட கூட்டணி பேச்சுவார்த்தை இன்று நடைபெற உள்ள நிலையில் காங்கிரஸ் கட்சி 21 தொகுதிகள் அடங்கிய விருப்ப பட்டியலை திமுகவிடம் வழங்க உள்ளது.

நாடாளுமன்ற தேர்தல் விரைவில் நடைபெற உள்ளது. இதற்கான பணிகளை அனைத்து கட்சிகளும் தொடங்கி விட்டன. தமிழகத்திலும் கூட்டணி பேச்சுவார்த்தைகள் தொடங்கி உள்ளன. தமிழகத்தை பொறுத்தமட்டில் மொத்தம் 39 நாடாளுமன்ற தொகுதிகளும், புதுச்சேரியில் ஒரு நாடாளுமன்ற தொகுதியும் உள்ளன.

How many parliament constituencies Congress will asking from DMK alliance? seats details here

மேலும் இந்த 9 தொகுதிகளை தவிர திருநெல்வேலி, ராமநாதபுரம், தென்காசி (தனி), திண்டுக்கல், திருவண்ணாமலை, தஞ்சாவூர், மயிலாடுதுறை, பெரம்பலூர், கள்ளக்குறிச்சி, காஞ்சிபுரம் (தனி), தென்சென்னை, அரக்கோணம் உள்ளிட்ட 12 தொகுதிகளிலும் காங்கிரஸ் கட்சிக்கு செல்வாக்கு உள்ளது. இதனால் இந்த 12 தொகுதிகளிலும் காங்கிரஸ் வேட்பாளர்களுக்கு போட்டியிட வாய்ப்பு வழங்க பரிசீலனை செய்ய வேண்டும் என கூறப்பட உள்ளது.

இப்படி காங்கிரஸ் கட்சி திமுக கூட்டணியில் மொத்தம் 21 தொகுதிகளில் போட்டியிட விருப்ப பட்டியல் தயாரித்துள்ளது. இதில் 14 தொகுதிகள் வரை கேட்க காங்கிரஸ் திட்டமிட்டுள்ளது. கடந்த 2019 தேர்தலில் காங்கிரஸ் கட்சிக்கு மொத்தம் 9 தொகுதிகளை திமுக வழங்கிய நிலையில் இந்த முறை கூடுதலாக 5 தொகுதிகளை காங்கிரஸ் கேட்க உள்ளது. இந்த பட்டியல் தற்போது வெளியாகி உள்ள நிலையில் திமுக அதிர்ச்சியடைந்துள்ளது.

இருப்பினும் திமுகவை பொறுத்தமட்டில் காங்கிரஸ் கட்சிக்கு இந்த முறை குறைந்த அளவில் தொகுதிகளை வழங்க முடிவு செய்யபப்ட்டுள்ளதாக கூறப்படுகிறது. அதாவது 7 தொகுதிகளை மட்டுமே காங்கிரஸ் கட்சிக்கு வழங்க திமுக தலைமை முடிவு செய்துள்ளதாக தகவல்கள் வெளியாகி உள்ளது. இத்தகைய சூழலில் தான் சென்னை அண்ணா அறிவாலயத்தில் திமுக-காங்கிரஸ் இடையே தொகுதி பங்கீடு தொடர்பான பேச்சுவார்த்தை நடைபெற உள்ளது என்பது குறிப்பிடத்தக்கது.