நாடு முழுக்க உயரும் அரசு ஊழியர்களின் சம்பளம்.. புதிய சம்பளம் எவ்வளவு? வெளியான முக்கிய தகவல்

சென்னை: மத்திய அரசு ஊழியர்கள் மற்றும் ஓய்வூதியதாரர்கள் சுமார் 1 கோடி பேருக்கு சம்பளம் மற்றும் ஓய்வூதியம் மாற்றி அமைக்கப்பட இருக்கிறது. இதற்காக 8-வது ஊதியக் கமிஷனை அமைக்க மத்திய அரசு முடிவு செய்துள்ளது. இது 2026 ஜனவரி 1-ம் தேதி முதல் நடைமுறைக்கு வரும் என எதிர்பார்க்கப்படுகிறது.

சம்பளத்தை எவ்வளவு உயர்த்தலாம் என்பதை தீர்மானிக்கும் "ஃபிட்மென்ட் காரணி" இதில் முக்கிய பங்கு வகிக்கும். 7-வது ஊதியக் கமிஷன் 2.57 என்ற காரணியைப் பயன்படுத்தியது. ஆனால், 8-வது ஊதியக் கமிஷன் இதை 2.86 ஆக உயர்த்த ஆலோசனை வழங்கப்படும் என்று எதிர்பார்க்கப்படுகிறது. இதன் மூலம் குறைந்தபட்ச அடிப்படை சம்பளம் ரூ.18,000-ல் இருந்து ரூ.51,480 ஆகவும், ஓய்வூதியம் ரூ.9,000-ல் இருந்து ரூ.25,740 ஆகவும் உயர வாய்ப்புள்ளது. இதைப்பற்றிய இறுதி முடிவுகளை கமிஷன் அமைத்த பிறகு குழு உறுப்பினர்கள் தெரிவிப்பார்கள் என்று அறிவிக்கப்பட்டு உள்ளது.

சம்பளம் மற்றும் இதர படிகளில் 8-வது ஊதியக் கமிஷனின் தாக்கம் (மதிப்பீடு)

8-வது ஊதியக் கமிஷன் அரசு ஊழியர்களின் சம்பளத்தில் பெரிய மாற்றங்களை கொண்டு வரப்போகிறது. இதைப் பற்றி நீங்க தெரிந்து கொள்ள வேண்டிய விஷயங்கள் இதோ:

மாற்றப்பட்ட படிகள் மற்றும் அடிப்படை ஊதியம் (மதிப்பீடு)

அடிப்படை சம்பளத்தில் மாற்றம் வந்தால், வீட்டு வாடகைப்படி (HRA) மற்றும் பயணப்படி (TA) போன்ற மற்ற படிகளும், இருப்பிடம் மற்றும் வேலை செய்யும் இடத்தைப் பொறுத்து மாறும். இதனால் ஒரே சம்பளத்தில் இப்போது இருக்கும் இரண்டு ஊழியர்கள், கிடைக்கும் படிகளின் வித்தியாசத்தால் வெவ்வேறு மொத்த வருமானத்தைப் பெறலாம்.

NPS மற்றும் CGHS-ல் ஏற்படும் மாற்றம் (மதிப்பீடு)

தேசிய ஓய்வூதிய அமைப்பு (NPS) பங்களிப்பு: அரசு ஊழியர்கள் தங்களது அடிப்படை சம்பளம் மற்றும் அகவிலைப்படியில் (DA) 10% NPS-க்கு செலுத்துகிறார்கள். அரசு 14% பங்களிக்கிறது. சம்பள மாற்றம் ஏற்பட்டால் இந்த தொகையும் அதிகமாகும்.

மத்திய அரசு சுகாதார திட்டம் (CGHS): சம்பளம் உயர்ந்தால், CGHS-ன் கட்டணங்களும் மாறும்.

எதிர்பார்க்கப்படும் சம்பள உயர்வு (மதிப்பீடு): 2.28 ஃபிட்மென்ட் காரணியைப் பயன்படுத்தி, சில உதாரண சம்பள உயர்வுகள் கணக்கிடப்பட்டுள்ளன:

தரம் 2000 (நிலை 3): அடிப்படை ஊதியம் ரூ. 57,456 ஆக இருக்கும். HRA மற்றும் TA சேர்த்து மொத்த சம்பளம் ரூ. 74,845 ஆகும். பிடித்தங்கள் போக நிகர சம்பளம்: ரூ. 68,849 கிடைக்கும்.

தரம் 4200 (நிலை 6): அடிப்படை ஊதியம் ரூ. 93,708 ஆக இருக்கும். மொத்த சம்பளம் ரூ. 1,19,798 ஆக இருக்கும். பிடித்தங்கள் போக நிகர சம்பளம்: சுமார் ரூ. 1,09,977 ஆக இருக்கும்.

தரம் 5400 (நிலை 9): திருத்தப்பட்ட அடிப்படை ஊதியம் ரூ. 1,40,220 ஆகும். மொத்த வருமானம் ரூ. 1,81,073 ஆக இருக்கும். நிகர சம்பளம்: சுமார் ரூ. 1,66,401 ஆக இருக்கும்.

தரம் 6600 (நிலை 11): திருத்தப்பட்ட சம்பளம் ரூ. 1,84,452 ஆக இருக்கும். மொத்த வருமானம் ரூ. 2,35,920 ஆக இருக்கும். பிடித்தங்கள் போக நிகர சம்பளம்: ரூ. 2,16,825 ஆக இருக்கும்.

அரசு ஊழியர்கள் மற்றும் ஓய்வூதியதாரர்களின் சம்பளம் மற்றும் ஓய்வூதியத்தில் 8-வது ஊதியக் கமிஷன் நல்ல மாற்றத்தை கொண்டு வர உள்ளது. இதன் மூலம் அவர்களுடைய நிதி நிலைமையில் நல்ல முன்னேற்றம் ஏற்படும் என்று எதிர்பார்க்கப்படுகிறது. இந்த கமிஷனின் பரிந்துரைகள் 2026 ஏப்ரல் மாதம் முதல் அமலுக்கு வரும் என்று எதிர்பார்க்கப்படுகிறது.

English summary

How much will be the new salary for workers under the 8th Pay Commission